2 Samuweli 11:1 - Bhibhiliya Nya Guage

¹ Khu mwaga wu nga landrelago, gikhati vafumeli va nga bani va duga guya nyimbitunu, Dhavhidhe a di rumela Jowabhi, gumogo ni vathu vaye vatshavbo va na Israyeli guya sasela va na Amoni; avo va diya ghova tigoni ga Rabha, aholu Dhavhidhe a di tshade Jerusalema.

2 Samuweli 11:1 Iomraidhean Croise

2 Samuweli 10:14

Avbo va na Amoni va nga wonago gukhavo Vaasiriya va padwe va tutuma, avo navo va di tutuma mbeli ga Abhisayi va wuya madhoropani; khavbo avbo, Jowabhi a di wuya a bwelela Jerusalema khiyo nya gudwane ni vana Amoni.

1 Dzipfhumu 20:22

Khu hwane nya ugo, muprofeti a di hongola aya ganela ni mufumeli wa Israyeli a mu embela, khuye: “Bwelela u ya wusedza tshivba yago, u pimisa gwadi esi u yelago gu gira, kholu khu mwaga wutago mufumeli wa Siriya a nata gu dhumela nyaluphye.”

1 Dzipfhumu 20:26

Na gu vbindride mwaga moyo, Bheni-Hadhadhi a di tombanisa masotshwa yaye a hongola nawo dhoropani ga Afeka, gasi guya dwana ni va na Israyeli.

1 Dzikoronika 20:1

Na gu vbindride mwaga moyo, gikhati dzipfhumu dzi olovelago gu hongola nyimbitunu, Jowabhi a di dzega masotshwa aya tigoni ga va na Amoni, bwelo khavbo a dhumela Rabha; aholu Dhavhidhe a di tshade Jerusalema; ni Jowabhi a di sasela Rabha, bwelo khavbo a li khungumula.

2 Dzikoronika 36:10

Guvbelani nya mwaga yoyo, mufumeli Nabhukodhonosori a di rumela gu va mu mola va mu yisa Bhabhiloni, gumogo ni sombo nya singi nya sugu nya lisima sa Nyumbani ga Pfhumu Nungungulu; a vega ndriyaye Zedhekiya a khala mufumeli wa Judha ni Jerusalema.

Dzindzimo 60:9

Khu mani a na gu nyi yisago dhoropani nya likhokhola? Khu mani a na gu nyi yisago kala Edhomi?

Muhevbudzi 3:8

gikhati nya guhaladze, ni gikhati nya guvenge; gikhati nya nyimbi, ni gikhati nya gurule.

Jeremiya 49:2

Khu guralo, Pfhumu Nungungulu a ngu ganela khuye, ma nguta matshigu, nyi na womba huwa nya nyimbi, nyi dwana ni lidhoropa la Rabha, tsindza wa va na Amoni; ilo li na vbindrugedza li khala matala nya marumbi, mitalala yawe yi na dagarela khu nilo. Khavbo avbo, Israyeli a na hodza thomba ya vale va hodzidego thomba yaye, a ngu ganela Pfhumu Nungungulu.

Jeremiya 49:3

Womba huwa uwe Hesibhoni, Wombani huwa enu vanyamahegyane va Rabha! Ambalani silendra mu lila! Dzundrulugelani eno ni eno, kholu Malikani a na vbagedwa a yiswa wugumbini gumogo ni vaphasi vaye nya mhamba ni dzindruna dzaye.

Ezekiyeli 21:20

Yeyedza ndzila yi na vbohisago litshari dhoropani ga Rabha, tigoni ga va na Amoni, ni yimbe yi na vbohisago dhoropani ga Jerusalema, likhokholani la va na Judha.

Amosi 1:14

Khu guralo, nyi na rotha khu nilo mabhiyo ya Rabha, wu vbisa dzinyumba dzawe nya wufumu, gu wombwa dzihuwa khu litshigu nya nyimbi, gu fanana ni gipupwane litshigu nya gingulu.

Zakariya 14:3

Khavbo avbo, Pfhumu Nungungulu a na duga aya wugela mayigo yoyo, a ma dwanisa, kha nga idzo a dwanidego khidzo litshiguni nya nyimbi.

Dhewuteronome 3:11

Kholu Ogi, mufumeli wa Bhasani, khuye enga a nga bani na tshade nya lihundzu nya sidandrangulu, Varefayini; lidawu laye a diri la simbi li nga bani liri ni pimo nya livbandre na mina mikono gulapha, guanama li diri ni mikono mina, mayelano khu pimo wu nga bani wu thumiswa gikhati gyogyo. Li nga romo kala na muhuno.

1 Samuweli 18:30

Gikhati gyatshavbo vathangeli nya dzinyimbi dza Vafilisitiya va nga bani va duga vata dwanisa Israyeli, Dhavhidhe a di dugelela mulitungani guvbindra vathangeli vatshavbo va Sawule; khu guralo lina laye li di zundzega ngudzu.