2 Samuweli 10:6 - Bhibhiliya Nya Guage

⁶ Avbo va na Amoni va nga wonago gukhavo va vbahide livengo ga Dhavhidhe, avo va di rumela myango gu ya ramba magumavili magumi mazana (20.000) vama nya Vaasiriya va Bheti-Rehobhi, ni Vaasiriya va Zobha, ni likhumi mazana (1.000) vama va mufumeli wa Mahaka, ni likhumi na mavili magumi mazana (12.000) va mufumeli wa Tobhi.

2 Samuweli 10:6 Iomraidhean Croise

Genesi 34:30

Khavbo avbo, Jakobe a di embela Simiyoni ni Levhi, khuye: “Mu nyi giride muthu nyamba tumbega, mu nyi sodzisa ga vathu va tigoni momu, Vakhanani ni Vaperezi, va na patana va nyi wugela, olu tengo nya vama nyi gu navo wu gu wudugwanana, va na nyi tshanisa va hegisa khu gu nyi mbembisa gumogo ni ngamo yangu yatshavbo.”

2 Samuweli 10:5

Avbo Dhavhidhe a pwidego mahungu yaya, a di rumela vathu nya gu va khinge, kholu, vathu vava, va diri ni dzitshoni nya dzikhongolo ngudzu. Mufumeli a di rumela guya va embela, khuye: Simamani mu khala Jeriko, kala si dandra siledzu sanu, khavbo mu na wuyago.

2 Samuweli 10:7

Avbo Dhavhidhe a nga pwago esi, a di rumela Jowabhi ni masotshwa yatshavbo nya dzindrena.

2 Samuweli 16:21

Ayitofeli a di embela Abhisalamo, khuye: “Indra uya dzegana ni sibhayi sa babe wago, esi a si tshidego gu sayisa ndranga yaye, avbo va na Israyeli va na gu pwago gupwani u giride livengo ni babe wago, avo va gu landrelago va na tiya hwambo.”

2 Samuweli 23:34

Elifeleti, mwamana wa Ahasibhayi, mwamana wa moyo nya Mumahakati, Eliyani, mwamana wa Ayitofeli, Mugiloni,

2 Samuweli 8:12

Sa mayigoni ya Siriya, ya Mowabhi, sa na Amoni, sa Vafilisitiya ni sa va Amaleki ni iso a nga phanga ga Hadhadhezeri, mwamana wa Reyobhi mufumeli wa Zobha.

2 Samuweli 8:3

Dhavhidhe a di sasela gambe Hadhadhezeri, mwamana wa Reyobhi, mufumeli wa Zobha, gikhati uye a nga bani a hongola aya tiyisa mufumo waye tsongoni ga Ewufrate.

2 Samuweli 8:5

Gu dita Vaasiriya khu tigoni ga Dhamasiko, gasi guta phasedzela Hadhadhezeri, mufumeli wa Zobha, aholu Dhavhidhe a dita songa magumavili na mavili magumi mazana (22.000) vama nya va Siriya.

1 Dzipfhumu 11:24

Gikhati Dhavhidhe a nga bani na gu sasela vathu tigoni ga Zobha, Razomi, a di tombanisa vama vbafuvbi gwaye, a khala uye muthangeli nya tsawa. Va di hongola Dhamasiko, vaya vbaha iyoyo. Razomi va mu vega a khala mufumeli wa Dhamasiko.

2 Dzipfhumu 7:6

Kholu Pfhumu, a di pwadza lizumboni ga Vaasiriya, ligwaha nya dzikareta ni dzikavalu, kha nga ligwaha nya gikwata nya gikhongolo nya masotshwa; avbo va nga embelana khu gyawe, khavo: “Dzi woneleni kholu mufumeli wa Israyeli, a hi rambede vafumeli nya Vahiti ni vafumeli va Egipito guta hi sasela.”

Dzindzimo 48:4

Khu guralo, vafumeli va pwananide gasi gu ya dwanisa lidhoropa;

Ekisodha 5:21

va gu va embela, khavo: “Pfhumu Nungungulu a na mi khedzise a gu mi lamula. Mu hi giride vathu nya gunyenyeze mahoni ga Faro ni sithumi saye, mu vegideni litshari mandzani gwawe vafela gu hi songa.”

Mavingu 25:8

Wa gu wona silo, u nga vbiredzeli guya ketsari, kholu muakelane wago a gu danga, u na khuwe ginani?

Jeremiya 40:8

Va dita wonana ni Gedhaliya dhoropani ga Misipa vathangeli vava: Ismayeli, mwamana wa Netaniya, Jowanani ni Jonatane, sanana sa Kareya, Seraya, mwamana wa Tanumeti, ni sanana sa Efayi, wa Netofati, ni Jazaniya, mwamana wa moyo nya Muhaka, gumogo ni vathu vaye.

Jeremiya 46:21

Masotshwa nya guthodwe vbakari gwaye, ma gu tsakisa nga simombyana nya gunone; ayo nayo, ma bwelede khu gu tutuma ma tandrega gu mu vhikela, kha ma tiya, kholu litshigu lawe nya gumbembiswe li vbohide, gumogo ni gikhati nya tsayiso wawe.

Dhewuteronome 3:14

Jayiri, mwamana wa Manasi, a di dzega gipandre gyatshavbo gya Arigobhi kala vbinganoni ga Gesuri ni va na Mahaka, a li thangisa lina laye, khuye: Havoti-Jayiri, gu bhamusago gupwani dzindranga dza Jayir kala na muhuno.

Valamuli 11:3

Khavbo avbo, Jefiti a di thava mbeli ga vandriyaye aya vbaha dhoropani gwa Tobhi; vama nyamba phasa gilo va di ya dzi pata gwaye va gimbilagimbila gumogo naye.

Valamuli 11:5

Va na Amoni kha nga va nga bani va gu dwana ni Israyeli, vathangeli va Gileyadhi va di hongola vaya dzega Jefiti tigoni ga Tobhi.

Valamuli 18:28

Kha manega ni muthu nya gu va vbulugise, kholu va diri hwindzo ni litigo la Sidhoni, gambe avo va di si theli kota khu vambe vathu, lidhoropa li diri kovani wa Bheti-Rehobhi, khu hwane, avo va di vbahedza lidhoropa va khala umo.

1 Samuweli 13:4

Khu guralo, va na Israyeli va dipwa nya gupwani Sawule sasede gikwata nya vafilisitya, ni gupwani Israyeli giride livengo ga Vafilisitiya. Khu guralo, va na Israyeli va di rambwa guya tombana ga Sawule, dhoropani ga Giligali.

1 Samuweli 27:12

Akisi a di gu tumba ngudzu Dhavhidhe, na gu alakanya gukhuye: “Dhavhidhe a dzi girede livengo tigoni gwawe ga Israyeli; uye a na khala githumi gyangu kala gupindruga.”