2 Samuweli 1:26 - Bhibhiliya Nya Guage

²⁶ Nyi ngupwa wuvi khuwe, ndriyangu Jonatane; u diri gigodwa gyangu! Nyi di nengedziswa khu lihaladzo lago, gu vbindra ni lihaladzo nya vanyamayi.

2 Samuweli 1:26 Iomraidhean Croise

2 Samuweli 1:27

Dzi thegide kharini dzindrena, ni gu luza ga matshari nya nyimbi!

Mavingu 18:24

Uye a vbwetago dzipari nya dzingi a gu dzi vbwetela libango, aholu dzomo dzipari dzi tumbegago guvbindra ndriyago.

1 Samuweli 19:2

Uye a di ya lembedza Dhavhidhe, a mu embela, khuye: “Babe wangu, Sawule, a ngu vbweta gu gu songa; khu guralo, mindru dzimindrudzile dzi wonele, vbweta wulanga nyamba tidwa u sihala avbo.

1 Samuweli 20:17

Jonatane a di gira Dhavhidhe a tiyisa gisambanyo gyaye nya wupari, kholu a diri pari yaye nya gutumbege.

1 Samuweli 20:41

Hwane nya gu na li hongode lidzaha, Dhavhidhe a di duga khu phuvbo ga Marandzi nya giwindri, a khidzima guraru a kuha mafu khu khovbe mbeli ga Jonatane. Khavbo avbo, va di vbanganana na va gu bhejarana vatshavbo va di lila; Dhavhidhe khuye a nga lila ngudzu guvbindra Jonatane.

1 Samuweli 23:16

Khavbo avbo, Jonatane, mwamana wa Sawule a di kuga a hongola aya manana ni Dhavhidhe tigoni ga Horesa gasi guya mu tiyisela ni gu a tumba Nungungulu.