2 Samuweli 1:21 - Bhibhiliya Nya Guage

²¹ Enu sigomo sa Gilibhowa, gu nga thegi vbatshani gwanu, thondrwane ni ndzadzi, ambari gu manega marembwe ma dusago dzimbewu nya ningelo, kholu umo gu nyenyezisidwe sitshangu sa dzindrena, gitshangu gya Sawule, gukhwatshi gima kha gya nga todzwa khu mafura.

2 Samuweli 1:21 Iomraidhean Croise

1 Dzikoronika 10:1

Vafilisitiya va di dhumela va na Israyeli; va na Israyeli va di padwa va tutuma mbeli ga Vafilisitiya, nya vangi vawe va di songwa gigomoni gya Gilibhowa.

1 Dzikoronika 10:8

Khu litshigu li landrelago, avbo Vafilisitiya va ngata guta phanga dzitshalu nya sirumbi, va dita tugula Sawule gumogo ni sanana saye na va fude gigomoni gya Gibhowa.

Gizimba 4:4

Thamo yago ya gu fanana ni likhokhola la Dhavhidhe li vbahidwego gasi gu vegedzela matshari, umomo gu vbayegidwe likhumi mazana sitshangu, sitshangu satshavbo nari sa dzindrena nya gudwane nyimbi.

Isaya 21:5

Va ngu dongisela meza, va ladza malawu va hodza, va sela. Enu vathangeli nya dzinyimbi, khugani mu eme, dongiselani sitshangu.”

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Ezekiyeli 31:15

Mune Pfhumu Nungungulu, a ngu ganela kharati, khuye: Litshigu simbo wu reledego phalani nya vafi, nyi rumide gu gira gililo khu kotani gwaye, nyi wu fenengedzide khu mati ma guromo vbavbatshi nya mafu, nyi futela mitsongo yaye, ni mati yaye nya mangi ma di tsagatela; khu kotani yaye, nyi fenengedzide litigo la Libhanoni khu gidema, ni misimbo yatshavbo ya khabini yi difa yi banga khu kotani gwaye.

Joyele 1:9

Miningelo nya dzimbewu, niyo nya wadwa, yi mwalo gambe Nyumbani ga Pfhumu Nungungulu; vaphasi nya mhamba a gu sithumi sa Pfhumu Nungungulu, va swihade.

Joyele 2:14

A gu dzina saye a na bwelela hwane a dzi laya, a mu ninga makategwa, a mu ninga wuguvbi ni miningelo nya vhinya nya guphasele khiso Pfhumu Nungungulu wanu.

Valamuli 5:23

Li na vadwe lidhoropa la Merozi, gu ganela Ngilozi ya Pfhumu Nungungulu valani ngudzu vavbanyi vaye, kholu, kha vata phasedzela Pfhumu Nungungulu, gu phasedzela Pfhumu Nungungulu gu dwana ni valala vaye nya tshivba.

1 Samuweli 10:1

Samuweli a di dzega gigasi nya mafura, a ma guhula hungoni ga Sawule, a mu bhejari a mu embela, khuye: “Pfhumu Nungungulu a gu todzide khu mafura gasi gu khala muthangeli vbakari nya thomba yaye, vathu va Israyeli!

1 Samuweli 31:1

Khavbo avbo, Vafilisitiya va di dwana ni va na Israyeli, vama va na Israyeli va di thava va tutuma mbeli ga Vafilisitiya, va di sasedwa mugigomoni gya Gilibhowa.

1 Samuweli 31:8

Khu mindru ga kone, avbo Vafilisitiya va ngatago guta phanga sirumbi, va dita tugula Sawule ni sanana saye sa siraru na va thegide mugigomoni gya Gilibhowa.