2 Samuweli 1:2 - Bhibhiliya Nya Guage

² khu litshigu nya wuraru, gu di vboha muthu na guta khu wughoveloni ga Sawule, dzingandzu dzaye na dzi pferugede, na phorode hungoni khu mafu. Na vbohide vbafuvbi ga Dhavhidhe, a dita thega vbavbatshi a noga a yeyedza githawo.

2 Samuweli 1:2 Iomraidhean Croise

Genesi 22:4

Khu litshigu nya wuraru, Abrahama a di khusa maho, a gu wona wulanga na ngari hwindzo.

Genesi 37:29

Avbo Rubheni a nga bwelelago nambotunu, a di wona gukhuye Josefa mwalo vbale, a di pferula dzingandzu dzaye,

Genesi 37:34

Khavbo avbo, Jakobe a di pferulela dzingandzu dzaye, a gu hunga libhandri nya miba giwununi, a ambala silendra nya gulile gyanana gyaye, matshigu nya gulaphe ngudzu.

Genesi 43:28

Avo va di hakha, khavo: “Githumi gyago, babe wathu khwadi, a nga gu vbanya. Khavbo avbo, va di noga.”

2 Samuweli 1:3

Dhavhidhe a di mu wudzisa, khuye: “Wa guta khu hayi?” Uye a di hakha, khuye: “Nyi di vbuluga khu wughoveloni ga na Israyeli.”

2 Samuweli 13:19

Khavbo avbo, Tamari a di baga nguma a dzi phorodza hungoni gwaye, a pferula guambala nya mavalavala a nga bani na ambade; a rwala mawogo hungoni a bwelela na gu lila.

2 Samuweli 14:4

Nyamayi yoyu wa Tekowa, a di ganela ni mufumeli, a thega vbavbatshi khu khovbe yaye a yeyedza githawo, khuye: “Ama mufumeli, nyi vbanyise.”

2 Samuweli 15:32

Avbo Dhavhidhe a nga vboha tshokhatunu nya gigomo wulanga wu khozedwago avbo Nungungulu, Husayi, Muaraki, a di mu khinga na ambade libhadzi nya gulaphe nya sitsangala na tade hungoni gwaye khu kudzudzwane.

2 Samuweli 24:20

Arawuna a di khusa maho a wona mufumeli gumogo ni sithumi saye na guta avbo gwaye; Arawuna a di duga aya khidzima mbeli ga mufumeli, a tsitsa vbavbatshi khu khovbe.

2 Samuweli 4:10

Ga muthu a ngatago a ta nyi tivisa mahungu nya gukhuye: Sawule fude, a dzi gira mwango nya gurese mahungu nya yadi, eni nyi di dzegela gu mu mola nyi mu songa dhoropani ga Zikalagi, a livba nandru nya mwango waye.

Dzindzimo 66:3

Embelani esi Nungungulu, khenu: “Sigiro sago si ngu samadzisa ngudzu! Valala vago va gu ndrendremela mbeli gwago, kholu tshivba yago yikhongolo.

Ezekiyeli 27:30

Va na khusedza lito va womba huwa khu wuvi wawe watshavbo, khu kotani gwago; va na phorola kudzudzwane hungoni ni gu puluwundra ngumani.

Hoseya 6:2

Khu hwane nya matshigu mavili basi, a na wuyisa nyaluphye guvbanya gwathu, khilo nya wuraru, a na hi wusa, hi vbanya mbeli gwaye.

Joyele 2:13

Pferulani myonyo yanu, nasiri guambala gwanu, vbindrugedzani mu wuye ga Pfhumu Nungungulu wanu; kholu uye a na ni wuhindzi, ni gu pwela gisiro, a hwelago gu goroga, na tadego khu wuwadi, a ngu thindregisa makungo nya gu gu tsayise.

Matewu 12:40

Kha nga Jona a nga khalago girumbuni nya nyatudwi matshigu mararu wutshigu ni mihani, kharato nuye Mwamana wa Muthu a na khala vbavbatshi nya mafu matshigu mararu wutshigu ni mihani.

Matewu 16:21

Gukhugela litshigu lile, Jesu a di phela gu yeyedza vapizane vaye khuye na ni fanelo nya guhongole Jerusalema aya saniswa ngudzu khu madhota, ni vakhongolo nya vaphasi ni vahevbudzi nya Nayo, a songwa; aholu a na wuga khu litshigu nya wuraru!

Josuwa 7:6

Khavbo avbo, Josuwa a di pferula dzingandzu dzaye, a thega vbavbatshi khu khovbe mbeli nya Ngasa nya Gidzumeledzwano gya Pfhumu Nungungulu kala vbasilambotunu, uye gumogo ni madhota ya na Israyeli; va di phorola nguma hungoni.

Gutuledwa 3:9

Nyi na gu ninga tshangano nya valandreli va Sathane, vale va dzi randrago Vajudha nari va gu lipha. Va na khidzima migondroni gwago, gasi va dziti nya gukhavo nyi ngu gu gola.

1 Samuweli 20:41

Hwane nya gu na li hongode lidzaha, Dhavhidhe a di duga khu phuvbo ga Marandzi nya giwindri, a khidzima guraru a kuha mafu khu khovbe mbeli ga Jonatane. Khavbo avbo, va di vbanganana na va gu bhejarana vatshavbo va di lila; Dhavhidhe khuye a nga lila ngudzu guvbindra Jonatane.

1 Samuweli 25:23

Avbo Abhigayili a nga wona Dhavhidhe, a di dzegela gu tshiga khu vbaburutunu a khidzima a nogisa khovbe yaye kala mafuni mbeli ga Dhavhidhe.

1 Samuweli 4:12

Ga litshigu lolo la limwedo, mwama moyo nya lihundzu la na Bhejami, a di vbuluga nyimbitunu, a thava , a hongola tigoni ga Silo, guambala gwaye na gu pferugede, hungoni na gu kunede khu kudzudzwane.

1 Samuweli 4:16

Mwama wule a di embela Eli, khuye: “Eni kheni nyi nga duga khu vbakari nya litunga nyi vbuluga khu gututuma muhuno kamwe.” Eli a di mu wudzisa, khuye: “Gasi ginani gi nga gu dugelela, mwanangu?”