2 Samuweli 1:11 - Bhibhiliya Nya Guage

¹¹ Khavbo avbo, Dhavhidhe a di pferula dzingandzu dzaye, ni avo a nga bani nari navo va di gira navo kharato.

2 Samuweli 1:11 Iomraidhean Croise

Genesi 37:29

Avbo Rubheni a nga bwelelago nambotunu, a di wona gukhuye Josefa mwalo vbale, a di pferula dzingandzu dzaye,

Genesi 37:34

Khavbo avbo, Jakobe a di pferulela dzingandzu dzaye, a gu hunga libhandri nya miba giwununi, a ambala silendra nya gulile gyanana gyaye, matshigu nya gulaphe ngudzu.

Genesi 44:13

Khavbo avbo, va di pferula guambala gwawe; va di khiledza gambe dzisaku vbadziburutunu, va bwelela dhoropani.

2 Samuweli 13:19

Khavbo avbo, Tamari a di baga nguma a dzi phorodza hungoni gwaye, a pferula guambala nya mavalavala a nga bani na ambade; a rwala mawogo hungoni a bwelela na gu lila.

2 Samuweli 13:31

Khavbo avbo, mufumeli a di khuga a pferula dzingandzu dzaye, a thega vbavbatshi; sithumi saye niso si di gira niso kharalo, nasiri ni dzingandzu nya guhagale.

2 Samuweli 3:31

Dhavhidhe a di embela Jowabhi ni masotshwa yaye yatshavbo, khuye: “Pferulani dzingandzu dzanu, mu ambala silendra mu lilani Abhineri!” Mufumeli Dhavhidhe, a di landra khu hwane nya lithatho.

2 Dzipfhumu 5:7

Avbo mufumeli wa Israyeli, a nga hevbulago lidangalila leli, a di pferula dzingandzu dzaye, a ganela, khuye: “Gasi eni nyo va Nungungulu nya gusonge ni guvbanyisa, nya gukala uye a nyi rumela mwama yoyu gukhuye nyi na mu vbanyise sokono yaye, gani? Wonani nya gukhenu a gu vbweta mano nya gu nyi dwanise.”

2 Dzikoronika 34:27

Kha nga olu monyo wago wu vbevbugidego u dzi nogisa mbeli ga Nungungulu, u yingisa magana ma ganelago khu mahungu nya wulanga wowu gumogo ni vathu vaye, u dzi nogisa mbeli gwangu, u pferula dzingandzu dzago, u lila mbeli gwangu, Eni neni nyi gu yingiside, a ngu ganela Pfhumu Nungungulu.” Khavbo avbo, avo va di yisa phindrulo yeyi ga mufumeli.

Ezira 9:3

Na nyi pwide silo nya nga esi, nyi di pferula dzingandzu dzangu ni gifenengelo gyangu nyi vbalula ni ndzudzu wa hungoni gwangu ni giledzu gyangu, nyi khala vbavbatshi na nyi tade khu guswihala.

Jeremiya 36:24

Mufumeli ni manganagana yaye, ambari avbo va ngapwago magana yaya, kha va thurugiswa khayo va pferula dzingandzu dzawe va lila.

Joyele 2:13

Pferulani myonyo yanu, nasiri guambala gwanu, vbindrugedzani mu wuye ga Pfhumu Nungungulu wanu; kholu uye a na ni wuhindzi, ni gu pwela gisiro, a hwelago gu goroga, na tadego khu wuwadi, a ngu thindregisa makungo nya gu gu tsayise.

Mithumo 14:14

Na va pwide silo sesi, vapostoli Bharinabha ni Pawulo, va di pferula dzingandzu dzawe va gu bela vbakari nya gidzemo va ganela khu tshivba, khavo:

Varoma 12:15

Nengelani ni vale va nengelago, mu lila ni vale va lilago.

Josuwa 7:6

Khavbo avbo, Josuwa a di pferula dzingandzu dzaye, a thega vbavbatshi khu khovbe mbeli nya Ngasa nya Gidzumeledzwano gya Pfhumu Nungungulu kala vbasilambotunu, uye gumogo ni madhota ya na Israyeli; va di phorola nguma hungoni.