2 Samuweli 1:1 - Bhibhiliya Nya Guage

¹ Hwane nya bani na fude Sawule, Dhavhidhe na ngari gu wuya khiyo nya gusasele Vaamaleki, na khade matshigu mavili tigoni ga Zikalagi;

2 Samuweli 1:1 Iomraidhean Croise

Genesi 14:7

Khu vbale va di thendregedza vata tigoni ga Eni-Misipati, a gu Kadesi vata khozisa gipandre gyatshavbo gya Vaamaleki, ni Vaamori va vbanyago Hazazoni-Tamari.

1 Samuweli 27:6

Khavbo avbo, Akisi a di mu ninga ga litshigu lile, lidhoropa la Zikalagi. Khu kotani nya isoso, Zikalagi a gu lumba vafumeli va Judha, kala ni muhuno.

1 Samuweli 30:1

Na gu vbindride matshigu mararu, avbo Dhavhidhe a nga vboha dhoropani ga Zikalagi ni vathu vaye, Vaamaleki va di bede khu phuvbo ga Marandzi, va sasela lidhoropa la Zikalagi gumogo ni gu livbisa khu nilo.

1 Samuweli 31:4

Khavbo, Sawule a di embela muphari nya matshari yaye, khuye: “Homola litshari lago u nyi paya khilo, gasi nyi siti paywa khu va nya misutu vava, va bwelo va hagana khu girumbi gyangu.” Aholu muphari nya matshari yaye, kha dzumela gu gira isoso, kholu a di gu thava ngudzu; khavbo avbo, Sawule a di dzega litshari laye a dzi rinya vbatshani gakone.

1 Samuweli 31:6

Khu kharati, Sawule a difa ni sanana saye sa siraru gumogo ni muphari nya matshari yaye, masotshwa yaye yatshavbo ma fude nayo khu litshigu lile gumogo naye.