2 Pedro 1:1 - Bhibhiliya Nya Guage

¹ Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.

2 Pedro 1:1 Iomraidhean Croise

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Jeremiya 33:16

Khu matshigu yoyo, Judha a na vbanyiswa, Jerusalema a na vbanya na tiyide, eli khu lina va na mu ranago khilo, khavo: “Pfhumu Nungungulu khuye Gululama Gwathu.”

Matewu 10:2

Malina yawe khaya: Nya guphele khu Simoni, a ranwago pwani khu Pedro, ni ndriyaye Andreya; Jakobe ni ndriyaye Johane, sanana sa Zebhedhewu;

Matewu 4:18

Na gu gimbila siwoni ga Galileya, a di wona Simoni, a ranwago pwani khu Pedro, ni ndriyaye Andreya, va nga bani va thesa dzikhoga, kholu va diri vagogi.

Luka 1:47

ni monyo wangu wu ngu nengela ga Nungungulu, Muvbanyisi wangu,

Luka 11:49

Khidzo kharati Guti ga Nungungulu gu nga khugo: ‘Nyi na va rumela vaprofeti ni vapostoli. Vambe va na va songa, vambe va na va sanisa.’

Johane 1:42

A di mu dzega aya naye ga Jesu. Jesu, na khuside maho a mu khedza, a di mu embela, khuye: “Uwe khuwe Simoni, mwamana wa Johane, u na ranwa pwani khuwe Khefasi” gutshamusago pwani: Giwindri.

Johane 12:26

Uye a vbwetago gu nyi thumela, a na nyi landre; ni avbo nyi na gu manegago, gi na bani giromo nigyo githumi gyangu. Uye a na nyi thumelago, a na rungudzwa khu Babe wangu.

Johane 20:21

A di va embela nyaluphye, khuye: “Gurula gu na khale ni enu. Kha nga idzo a nga nyi rumelago khidzo Babe, eni neni nyi ngu mi rumani.”

Mithumo 15:14

Simoni ganede khu edzi Nungungulu, gukhugela guhegulani, a hathidego khidzo vbakari nya va nya mayigo vale va nga ranwago vathu vaye.

Varoma 1:1

Eni Pawulo, githumi gya Jesu Kristo, nyi ranidwego gu khala Mupostoli, nyi hathidwe gasi gu tivisa Ivhangeli ya Nungungulu.

Varoma 1:12

Nya gu gola gukheni hita tiyiselana hatshavbo: Eni nyi tiyisedwa khu gukhodwa gwanu, ni enu mu tiyisedwani khu gwangu.

Varoma 1:17

Kholu khavbo nya Ivhangeli, hi tugula gikungo gya Nungungulu nya hi tshanganise naye khu tshivba nya gukhodwe, hi gu manago gukhugela guhegulani kala guhegisani, kha nga gu lovidwego gupwani: “Muthu a lulamidego a na vbanya khu gukhodwa.”

1 Vakorinto 1:30

Aholu hi tshanganisidwe ni Jesu Kristo, a gu uye a khadego guti gwathu. Khu tshivba ya Kristo hi giridwe vathu nya gululame mahoni gwaye, hi giridwe vathu va Nungungulu, hi dzegisidwe wugumbini nya gighoho.

1 Vakorinto 15:9

Kholu eni kheni nyi gu dugwana ga vapostoli, gambe kha nyi faneli gu ranwa mupostoli, khu kotani nyi nga tshanisa Libandla la Nungungulu.

1 Vakorinto 9:1

Ina kha nyiri muthu nya gutshulege, gani? Kha nyiri mupostoli, gani? Pfhumu yathu Jesu Kristo kha dzi wonegisa gwangu, gani? Ahati enu, kha muri handro nya thumo wangu gukhodwani gwanu, gani?

2 Vakorinto 4:13

Na hi tade khu Liphuvbo nya gukhodwe kha nga idzo yi ganelago Milowo nya Guage, khiyo: “Eni nyi khodwe, khu guralo nyi ganede.” Ethu nethu na hi tade khu Liphuvbo nya gukhodwe, hi ngu ganela kholu hi khodwe.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.

Vagalatiya 2:8

Kholu wule giride Pedro mupostoli wa Vajudha, a di nyi gira neni mupostoli wa va nya mayigo.

Vaefeso 3:5

Ga mimelana yi vbindridego mwalo ni moyo a tuledwego guti sihalo yoyu, aholu, ga matshigu ya muhuno, Nungungulu, khu Liphuvbo laye nya Guage, a wu tiviside ga vapostoli vaye nya guage ni ga vaprofeti.

Vaefeso 4:11

Khuye a kavedzedego vathu siningwa: Vambe a va ninga wuhigo nya gukhale vapostoli, vambe vaprofeti, vambe vavhangeli, vahavisi, ni vahevbudzi.

Vaefeso 4:5

Yomo Pfhumu mweyo basi, ni gukhodwa gumogo basi, ni gubhapatiswa gumogo basi:

Vafilipi 1:1

Eni Pawulo ni Thimoti, sithumi sa Kristo Jesu, hi ngu lovela vathu vatshavbo va Kristo Jesu va vbanyago dhoropani ga Filipi, gumogo ni vathangeli vawe ni vaphasedzeli vakone.

Vafilipi 1:29

Nungungulu a mi ningide wuhigo, nasiri basi owu nya gukhodweni ga Kristo, aholu, ni owu gambe nya gusaniseke khu kotani yaye.

Vafilipi 3:9

Satshavbo nya gu si wona nga ndzilo khu gufela gu mana Kristo nyi hengela naye guvbanya. Eni nya gu vbanya wulongoni gwa Nungungulu, khandri khu kota nya gulandrise Nayo, kholu wulongo nya wadi ni Nungungulu wa gu hungwa khu gukhodwa.

2 Thimoti 1:5

Nyi ngu dundruga gwadi gukhodwa gwago nyamba sengedzela, gu khade nga ogu a nga bani ari nago guhegula kokwe wago Loyidhe ni mayi vago Ewunise. Nyi ngu ganela khu lisine kheni khugosaye gukhodwa u gu nago uwe.

Tito 1:1

Eni Pawulo, githumi gya Nungungulu, mupostoli wa Jesu Kristo, nyi ngu lova lidangalila leli. Nyi hathidwe nyi rumedwa gasi guta phasa ni gu tiyisa vathu va Nungungulu gukhodwani, ni gu va yisa lisineni li hevbudzwago khu nayo wathu,

Tito 1:4

Nyi ngu lovela uwe Tito, gyanana gyangu nya lisine gukhodwani, gukhodwa ogu a gu gwago ni gwangu. Wuhigo ni gurula gwa Nungungulu Babe wathu ni ga Kristo Jesu, Muvbanyisi wathu gu na khale ni uwe.

Tito 2:13

Gu ngu hi hevbudza gambe guvbanya na hi gu tumba litshigu nya gunengele gu na gu wonegiswago khilo wudhumo wa Nungungulu wathu nya khongolo ni wa Muvbanyisi wathu, Jesu Kristo.

Jakobe 1:1

Eni Jakobe, githumi ya Nungungulu ni ya Pfhumu Jesu Kristo, nyi ngu losa likhumi na mavili mahundzu ma phalalegidego ni litigo latshavbo.

1 Pedro 1:1

Eni, Pedro, nyi gu mupostoli wa Jesu Kristo, nyi ngu lova eli lidangalila ga vathu va Nungungulu va vbanyago vbavbandze nya litigo lawe, mayigoni ga Pontu, Galatiya, Kapadhokiya, Aziya, Bhitiniya.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

1 Pedro 2:7

Khu guralo, ga enu mu khodwago, giwindri gyogyo khya lisima ngudzu. Aholu, ga ava va si khodwigo; “Giwindri gi nga nyenywa khu vavbahi gi khade giwindri nya gutshanganise.”

1 Pedro 5:1

Eni nyi gu lidhota neni, nyi ngu khongotela mambe madhota. Eni nyi fakazi nya gusaniseke ga Kristo, nyi na hengela wudhumoni wu na gu wonegiswago.

2 Pedro 1:4

Khu guralo, uye a hi ningide siningwa nya sikhongolo nya lisima a nga hi tumbisago, gasi hifela gu vbulugiswa ga mapimo nya gupfhungumule ma fumago tigoni, hi kodza gu hengela tumbunugoni gwaye nya wunungungulu.

Judha 1:1

Eni, Judha, githumi gya Jesu Kristo nyi gu ndruye wa Jakobe, nyi ngu lovela ava va ranidwego ni gugolega ga Nungungulu Babe ni gu vhikedwa khu Jesu Kristo.