2 Johane 1:3 - Bhibhiliya Nya Guage

³ Wuhigo ni wuhindzi ni gurula gwa Nungungulu Babe ni ga Jesu Kristo, Mwamana wa Babe wu na khale ni ethu khu lisine ni lihaladzo.

2 Johane 1:3 Iomraidhean Croise

Zakariya 8:19

Pfhumu Nungungulu nya Tshivba Yatshavbo a ngu ganela kharati, khuye: “Guhala nya ngima nya wu na mwendro nya livbandre, nya livbandre na mivili ni owu nya likhumi, gu na vbindrugedza gu khala matshigu nya gutale khu gunengela, buzo nya gutsake ga vathu va Judha. Khu guralo golani lisine ni gurula.”

Varoma 1:7

Nyi ngu mi losani enu mwatshavbo mu gumogo Roma, enu mu haladzwago khu Nungungulu, mu ranidwego gu khala va nya guaga vaye, kheni: Wuhigo ni gurula gu tago khu ga Nungungulu Babe wathu, ni ga Pfhumu Jesu Kristo gu na khale ni enu mwatshavbo.

Vagalatiya 5:6

Kholu, na hi tshanganisidwe ni Kristo, gu hana ni gumba hana wugwera kha si phasi gilo. Egi gi phasago khu gukhodwa gu dzi wonegisago khu mithumo ya lihaladzo.

1 Thimoti 1:14

Gambe wuhigo wa Pfhumu yathu Jesu Kristo wu tade ngudzu, ni gukhodwa ni lihaladzo hi gu nalo ga Kristo Jesu.

1 Thimoti 1:2

nyi ngu gu lovela eli lidangalila, uwe Thimoti, gyanana gyangu nya lisine gukhodwani. Wuhigo ni lihaladzo ni gurula gutago khu ga Nungungulu Babe wathu ni ga Jesu Kristo, Pfhumu yathu, gu na khale ni uwe.

2 Thimoti 1:13

Phara khu gutiya ni gukhodwa ni lihaladzo u li manago ga Kristo Jesu, mahungu yaya nya yadi u ma pwidego ga eni, gasi ma khale giyeyedzo gwago.

1 Johane 4:10

Lihaladzo kheli: Khandri ethu hi nga mu haladzago Nungungulu, uye khuye a nga hi haladzago, a hi rumela Mwamana waye, gasi, khavbo gwaye, hi ditshedzwa sighoho sathu.

2 Johane 1:1

Eni lidhota nyi ngu lovela singalagadzi a hathidwego ni sanana saye, avo nyi va golago khu lisine; nasiri eni basi, aholu ni vatshavbo vale va litigo lisine, va ngu mi golani.