2 Dzipfhumu 9:7 - Bhibhiliya Nya Guage

⁷ U na sasela nyumba ya Akabi, mune wago, gasi nyi phodza novba wa sithumi sangu, vaprofeti ni novba wa sithumi satshavbo sa Pfhumu Nungungulu, wu vbaladzidwego khu gyandza gya Jezabheli.

2 Dzipfhumu 9:7 Iomraidhean Croise

1 Dzipfhumu 18:4

Kholu, gikhati Jezabheli a nga bani na sasela vaprofeti va Pfhumu Nungungulu, Obhadhiya a di dzega lizana (100) vaprofeti a va kabanisa khu mitsawa mivili nya livbandre magumi (50), a va siha mavbalani a va sayisa khu gu va ninga guhodza ni gu va ninga mati va sela.

1 Dzipfhumu 21:15

Avbo Jezabheli a pwidego gupwani Nabhoti pfaridwe khu siwindri afa, Jezabheli a di embela Akabi, khuye: “Khuga u hongole u ya dzega lithembwe la Nabhoti, wa Jezireyeli, a nga bani a bomba nalo gu gu rengisela li khala lago; kholu uye kha ngu gu vbanya gambe, aholu fude.”

1 Dzipfhumu 21:21

Wona nya gukhuwe nyi na resa libango mbeli gwago, nyi na vbiyela livelego lago latshavbo, nyi na vbedza vama vatshavbo va nyumbani ga Akabi, madzaha ni vakhongolo, dzikhumbi ni vatshulegidego va tigoni ga Israyeli.

1 Dzipfhumu 21:25

Aholu, mwalo ni moyo a nga girago kha nga Akabi, a nga dzi rengisago khu silo nya guvivbe si nyenyezidego mahoni ga Pfhumu Nungungulu; kholu a di kutsedzedwa khu mwangadzi waye, Jezabheli.

2 Dzipfhumu 10:10

Olu, gu vbweta mu mati gwadi magana ya Pfhumu Nungungulu aya a ganedego khu mahungu nya ndranga ya Akabi. Gimwalo gi na thegago vbavbatshi, kholu Pfhumu Nungungulu tadziside iso a ganedego khavbo ga githumi gyaye Eliya.”

2 Dzipfhumu 10:11

Jewu a di sasela gambe vatshavbo va nga bani va tshade va nyumbani ga Akabi, tigoni ga Jezireyeli, gumogo ni madhota yaye, valongo vaye ni vaphasi vaye nya mhamba, kala gu si tshali ni moyo.

2 Dzikoronika 22:7

Nungungulu a di thumisa liendro leli la Akazi gumogo ni gu mu vangela lufu khu gu hongola aya wusela Joramo; kholu avbo a ngatago, uye a di soma nyimbi gumogo ni Joramo, gasi guya dwana ni Jewu, mwamana wa Ninisi, uye a nga bani a todzidwe khu Pfhumu Nungungulu, gasi a mbembise nyumba ya Akabi.

Jeremiya 26:5

mwa gumba yingisa gambe magana ya sithumi sangu, vaprofeti, a gu avo nyi mi rumelago gikhati gyatshavbo, gambe kala ni olu mu si va yingisago,

Matewu 23:35

gasi gu novba watshavbo wa va nya ndruda wu vbalagele vbatshani gwanu, nya nga uwo wu nga vbaladzwago gukhugela gu songwa gwa Abheli, mululami, kala ugo gwa Zakariya, mwamana wa Bherekiya, mu nga mu songago vbakari nya makhuvi nya guagiswe nya Nyumba ya Nungungulu ni giluvelo.

Varoma 12:19

Vandruye, mu nga dzi phodzelini mwabune, digani Nungungulu a tsayise, kholu Pfhumu a ngu ganela omu nya Milowo nya Guage, khuye: “Eni kheni nyi gu ni fanelo nya gutsayise; kheni nyi na tshatshazelago.”

Varoma 13:4

Kholu fanelo yatshavbo nya guthangele vathu ya guta khu ga Nungungulu, gasi guthumela uwe. Aholu wa gu gira guvivba u na ni fanelo nya guthave, kholu vathangeli va na ni tshivba nya gutsayise. Muthangeli kha phari ndronga mahala. Wuthangeli wa gu thumela Nungungulu khu gu tsayisa vale va girago guvivba.

Dhewuteronome 32:35

Guphodza ni gubweledzela sa gu lumba eni, li na vboha litshigu eli ngondro wawe wu na kwirigago; kholu mahegiso gwawe gu na vboha nyamba hwela, silo va dongisedwago si nguta khu guvbiredza.

Dhewuteronome 32:43

Nengelani enu mayigo, gumogo ni vathu vaye, kholu Pfhumu Nungungulu a na phodzela novba wa sithumi saye a na si phodzela vbatshani ga valala vaye, a na pwela wuhindzi litigo laye ni vathu vaye.

Vahebheru 10:30

Kholu hi ngu muti gwadi oyu a nga khuye: “Guphodza ni gubweledzela sa gu lumba eni. Nyi na ninga tshatshazelo.” A engedza gambe, khuye: “Pfhumu yi na lamula vathu vaye.”

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

Gutuledwa 19:2

Kholu gulamula gwaye khwa lisine ni gululama, khaguva tsayiside gibhayi gikhongolo gi nga mbembisa litigo khu wubhayi waye, gambe phodzede vbatshani ga igyo novba wa sithumi saye.”

Gutuledwa 2:20

Aholu, u na ni nandru kholu u digago Jezabheli, nyamayi a dzi girago muprofeti, a ndreyisa sithumi sangu, a si hevbudza gu gira wuphuphulu, ni gu hodza nyama nya guphasedwe vanungungulu nya malipha.