2 Dzipfhumu 9:1 - Bhibhiliya Nya Guage

¹ Khavbo avbo, muprofeti Elizewu a di rana moyo nya vapizane va vaprofeti a mu embela, khuye: “Hunga giwunu gyago khu libhandri, u phara mandzani gwago kheho yeyi nya mafura u hongola Ramoti-Gileyadhi;

2 Dzipfhumu 9:1 Iomraidhean Croise

1 Dzipfhumu 1:39

Muphasi nya mhamba, Sadhoki, a di bela tshatshani aya dzega kheho nya mafura a todza Solomoni. Khu hwane va di womba pundru, vathu vatshavbo va di ganela, khavo: “A na vbanye mufumeli Solomoni.”

1 Dzipfhumu 18:46

Pfhumu Nungungulu a diri gumogo ni Eliya, uye a dzi hunga giwunu a tutuma mbeli, a thangela Akabi gu vboha nyangwani ga Jezireyeli.

1 Dzipfhumu 19:16

Todza gambe Jewu, mwamana wa Nisi, a khala mufumeli wa Israyeli, ni Elizewu mwamana wa Safati, wa Abheli-Meyola, a khala muprofeti wulangani gwago.

1 Dzipfhumu 20:35

Moyo nya sanana sa vaprofeti, khu guruma ga Pfhumu Nungungulu, a di embela moyo nya vabangaladzi vaye, khuye: “Nyi vete gibhakela; aholu mwama wule a di bomba gu mu veta.

1 Dzipfhumu 22:20

Pfhumu Nungungulu a di ganela, khuye: Khu mani a na kanganyisago Akabi, gu a gwele Ramoti wa Gileyadhi gasi aya fela iyoyo? Simbe sivangwa si di ganela egi, simbe si ganela gyaye.

1 Dzipfhumu 22:4

Khavbo avbo, uye a di wudzisa ga mufumeli Josafati, khuye: “U na hongola neni hi ya dhumela Ramoti-Gileyadhi, gani?” Josafati a di embela mufumeli wa Israyeli, khuye: “Eni nyi na gira nga esi u girago uwe; vathu vangu va na gira nga vago, ni dzikavalu dzangu dzi na gira nga dzago!”

2 Dzipfhumu 2:15

Vapizane va vaprofeti va nga bani va khade thonono ni Jeriko, na va mu wone, va di khavo: “Liphuvbo la Eliya li mbakide vbatshani ga Elizewu.” Va di mu khinga va ya mu khidzimela va thega khu dzikhovbe mbeli gwaye.

2 Dzipfhumu 2:3

Khavbo avbo, sanana sa vaprofeti si nga bani na siri Bheteli, si di duga si khinga Elizewu sita, khiso: “Ina u ngu dziti nya gukhuwe muhuno Pfhumu Nungungulu a na gu dzegela mune wago, gani?” Uye a di va embela, khuye: “Eni neni nyi ngu siti gwadi, aholu degulani.”

2 Dzipfhumu 2:5

Khavbo avbo, sanana sa vaprofeti si nga bani siri Jeriko, si di hidzimela ga Elizewu si ta, khiso: “Ina u ngu dziti nya gukhuwe muhuno Pfhumu Nungungulu a na gu dzegela mune wago a mu khusedzela vbatshani, gani?” Uye a di hakha khuye eni neni nyi ngu dziti, degulani.

2 Dzipfhumu 2:7

Avo va nga hongola va diri livbandre magumi vama nya sanana sa vaprofeti, va ya ema khu hwindzo gwawe va khedzana navo, avo navo khu wuvili wawe va ema khu bambe ga Joridhani.

2 Dzipfhumu 4:1

Nyamayi moyo, wa vbakari ga vagadzi va vapizane va vaprofeti, a di lila ga Elizewu a mu embela, khuye: “Githumi gyago, mwama wangu, fude; uwe u ngu dziti gwadi gukhuwe githumi gyago gi di gu thava Pfhumu Nungungulu, olu vbohide uye a nga bani nari ni mangava naye guta dzega sanana sangu sa sivili gasi guya si gira dzikhumbi.”

2 Dzipfhumu 4:29

Muprofeti a di embela Geyazi, khuye: “Dzi hunge giwununi gwago, u dzega ndronga yangu u phara ndzila u hongola, wa gu mana muthu ndzilani u nga mu losi, wa gu loswa khu muthu u nga mu hakhi, indra uya vega ndronga yangu khovbeni ga gyanana.”

2 Dzipfhumu 9:4

Khu guralo, lidzaha lile nya muprofeti, li di khuga li hongola Ramoti-Gileyadhi.

2 Dzikoronika 22:1

Vavbanyi va Jerusalema va di tshikedza wulangani wa Jeyoramo, khu gu emisa mwanaye nya nandra Akazi gu khala mufumeli, kholu, tsawa wu ngata ni Vaarabhiya lizumbotunu gwawe, wu di songide sanana saye satshavbo nya vakoma. Khu guralo, Akazi, mwamana wa Jeyoramo a di fumela Judha.

2 Dzikoronika 22:5

Khu kotani nya gu kutsedzedwe khavo, a di hongola ni Joramo, mwamana wa Akabi, mufumeli wa Israyeli, tigoni ga Ramoti-Gileyadhi, aya dwana ni Hazayeli, mufumeli wa Siriya, Joramo a di bayiswa khu Vaasiriya.

Jeremiya 1:17

Aholu uwe, khuga u ema u dzi hunga giwunu khu libhandri, u va embeledzela satshavbo nyi na gu rumago; u nga vbeli tshivba mbeli gwawe, kholu gimwalo gi na gu thelago hwanga.

Matewu 26:7

na va khade vbamezatunu, a di vboha nyamayi moyo ni gingotwana nya mafura nya gunungele ngudzu, ma nga bani ma rengwa khu dzitsapawu nya dzingi, ata mu thela yatshavbo hungoni.

Dhewuteronome 4:1

Gasi olu, uwe Israyeli, yingisa milayo ni sileletelo, esi nyi mi hevbudzago, gasi mu si landrisa, mu kodza guvbanya ni gu bela, gumogo ni gu dzega litigo eli Pfhumu Nungungulu wa vababe vanu, a mi ningago.

Dhewuteronome 4:3

Maho yanu ma wonide esi Pfhumu Nungungulu a giridego khu kotani ya Bhahali-Peyori; khu guralo, vathu vatshavbo vale va nga landrisela Bhahali-Peyori, Pfhumu Nungungulu wanu, a va mbembiside vbakari gwanu.

1 Pedro 1:13

Khu guralo, dzi hungeni siwunu sanu, mu nga sengwi khu gilo; vegani gutumba gwanu gwatshavbo ga giningwa mu na gi hakhago litshigu Jesu Kristo a na gu dzi wonegisago.

1 Samuweli 10:1

Samuweli a di dzega gigasi nya mafura, a ma guhula hungoni ga Sawule, a mu bhejari a mu embela, khuye: “Pfhumu Nungungulu a gu todzide khu mafura gasi gu khala muthangeli vbakari nya thomba yaye, vathu va Israyeli!

1 Samuweli 16:1

Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”