2 Dzipfhumu 8:4 - Bhibhiliya Nya Guage

⁴ Mufumeli a di gu bhula ni Geyazi, githumi gya muthu wa Nungungulu, a mu lomba gu a mu embeledzela sisamadziso nya sikhongolo si giridwego khu Elizewu.

2 Dzipfhumu 8:4 Iomraidhean Croise

2 Dzipfhumu 2:14

A dzega libhadzi la Eliya li nga mu thegelago, a veta khilo mati, a ganela, khuye: “U womo hayi Uwe Pfhumu Nungungulu wa Eliya?” Khavbo avbo, a di veta mati ma kabanega khu vbakari ma manega eno ni eno; Elizewu a vbindra khu vbakari.

2 Dzipfhumu 2:24

A di thendregedza a khedza hwane, a di si wona a si vala linani ga Pfhumu Nungungulu; khavbo avbo, gu di duga khu khabini sirengo sivili nya sikankanka si ta vbadzulela magumana na sivili nya sikhwathana sile.

2 Dzipfhumu 4:12

A di embela githumi gyaye Geyazi, khuye: “Nga nyi ranela Musunami yoyo.” Avbo a nga mu ranago, nyamayi a dita ema mbeli ga muprofeti.

2 Dzipfhumu 4:25

Nyamayi a di khuga a hongola ga muthu wa Nungungulu, gigomoni gya Karimelo; avbo muthu wa Nungungulu a nga mu wona na ngari hwindzo, a di embela githumi gyaye Geyazi, khuye: “Khu mu woni wule nyamayi nya Musunami.

2 Dzipfhumu 5:14

Khavbo avbo, a di relela aya dzi nega livbandre na dzimbili dzinyondro tsongoni wa Joridhani, kha nga guganela ga muthu wa Nungungulu; ni nyama yaye yi di vbindrugedza, yi khala kha nga nyama nya gyanana, uye a di hawulugiswa a aga.

2 Dzipfhumu 6:32

Elizewu a di khade nyumbani gwaye gumogo ni madhota. Mufumeli a di rumela moyo nya sithumi saye aholu na wu si gu vbohi mwango, Elizewu a di embela madhota, khuye: “Kha mu dziti nya gukhenu mwamana wa gighevenga rumede muthu nya gukari gasi guta nyi pila hungo, gani? Mu ngupwani, wa gu vboha mwango, segani lidimba, mu rindrividzeni khu lidimba a duga vbavbandze, kha mu sipwi sikingo sa mufumeli waye a mu landrago khu hwane gwaye?”

2 Dzipfhumu 6:6

Muthu wa Nungungulu a di hakha, khuye: “Li thegede hayi?” Na mu yeyedzide wulanga wakone, a di pila simbo a wu rinya vbale, libhewula li di deluga.

2 Dzipfhumu 7:1

Khavbo avbo, Elizewu a di ganela, khuye: “Yingisani magana ya Pfhumu Nungungulu; Pfhumu Nungungulu a ngu ganela kharati, khuye: Mindru khu gikhati nya nga egi, pimo moyo nya wuguvbi nya wadi, wu na rengwa khu sikulu mweyo, ni mipimo mivili nya mala, yi na rengwa avba nyangwani ga Samariya khu sikulu mweyo basi.”

2 Dzipfhumu 7:10

Khu guralo, va diya huwelela mahungu yaya ga vawoneleli nya dzinyangwa nya lidhoropa, khavo: “Hi di gu hongode lizumboni la Vaasiriya, aholu kha haya mana muthu, ambari gupwa lito nya muthu, hi di mana basi dzikavalu na dzi hungidwe, gumogo ni dziburu, mitshatsha na yi romo kha nga idzo yi nga bani yi romo khidzo khu gale.”

2 Dzipfhumu 7:3

Vbanyangwatunu gu diri ni vama vana nya gudwale khu sokono, avo va di ganela khu gyawe, khavo: “Hi na khala sathu avba kala hifa, gani?

2 Dzipfhumu 8:3

Avbo gu nga vbelago livbandre na mivili myaga, nyamayi a di wuya khu tigoni ga Vafilisitiya, aya ga mufumeli aya lomba nyumba yaye ni gipeto gyaye.

Matewu 2:8

A di va rumela Bhetlehema, a va embela, khuye: “Indrani muya vbweta guti gwadi gyanana gyogyo. Mwa gu gi mana, deluni muta nyi embela, gasi eni neni nyi ya gi khozela.”

Luka 23:8

Herodhi, na wonide Jesu, a di tala khu gutsaka, kholu matshigu nya gulaphe na guvbweta gu mu wona, khu kotani nya ndruma a nga yipwago. A di khuye mwendro a na gira giliwugiso nya gukari mahoni gwaye.

Luka 9:9

Aholu, Herodhi a di khuye: “A gu bani ari Johane, nyi rumede gu a pidwe ngolo. Ahati oyu a gupwani a ngu gira satshavbo sesi, khu mani?” Herodhi a di vbweta gu mu wona.

Johane 9:27

A di va hakha, khuye: “Nyi mi embedeni, kha mu vbweti gupwa; mwa gu nyi wudzisela ginani gambe? Mwa guvbweta gu khala nenu vapizane vaye, gani?”

Mithumo 24:24

Khu hwane nya matshigu, a dita Felisi ni mwangadzi waye Dhrurusila a nga bani ari Mujudha. A di ranisa Pawulo gasi gu mupwa na gu ganela khu gukhodwa ga Jesu Kristo.