2 Dzipfhumu 8:16 - Bhibhiliya Nya Guage

¹⁶ Khu mwaga nya livbandre nya gufume ga Jeyoramo, mwamana wa Akabi, mufumeli wa Israyeli, na nga gu fuma Josafati tigoni ga Judha, a phede gufuma mwanaye Jeyoramo tigoni ga Judha.

2 Dzipfhumu 8:16 Iomraidhean Croise

1 Dzipfhumu 22:42

Josafati a diri ni tanga nya magumararu na livbandre myaga avbo a nga emiswago gu khala mufumeli, fumide magumavili na livbandre myaga dhoropani ga Jerusalema. Lina la mayi waye a diri uye Azubha, nyamahegyane wa Sili.

1 Dzipfhumu 22:44

Aholu kha nga khungumula malanga ya musigomoni; kholu, vathu va di bani na va nga gu gira miphaso ni gu vbisa libani musigomoni.

1 Dzipfhumu 22:50

Khavbo avbo, Akazi, mwamana wa Akabi, a di embela Josafati, khuye: “Dzindruna dzangu, dzi na hongole gumogo ni dzindruna dzago mataroni. Aholu, Josafati kha nga dzumela.”

1 Dzipfhumu 22:51

Josafati lade gumogo ni vavelegi vaye, dzingidwe vbafuvbi ga vavelegi vaye, dhoropani ga babe waye Dhavhidhe. Wulangani gwaye, fumide mwanaye Jeyoramo.

2 Dzipfhumu 1:17

Akazi a difa, kha nga idzo a ganedego khidzo Pfhumu Nungungulu khu ga muprofeti Eliya. Vbgikhalotunu gwaye nya wufumu a di tshikedzwa khu ndriyaye Joramo, kholu Acazi kha nga velega sanana. Gu di gu vbindra myaga mivili hwane nya gu Joramu, mwamana wa Josafati na khade vbagikhalotunu nya wufumu wa tigoni ga Judha.

2 Dzipfhumu 11:2

Aholu Jeyosebha, nyamahegyane wa mufumeli Joramo, ndruye wa Akazi, a di dzega Jowasi, mwamana wa Akazi, a muba vbakari ga sanana sa mufumeli, si nga bani si gu songetedwa, aya mu siha ga musayisi waye a nga bani a manega nyumbani a lalago umo, a mu siha ga Ataliya, khu kharato, uye kha songwa.

2 Dzipfhumu 3:1

Joramo, mwamana wa Akabi, phede gu fumela va na Israyeli, dhoropani ga Samariya, khu mwaga nya likhumi na livbandre na miraru nya gufume ga Josafani, mufumeli wa Judha; fumide likhumi na mivili myaga.

2 Dzipfhumu 8:25

Khu mwaga nya likhumi na mivili nya gufume ga Joramo, mwamana wa Akabi, mufumeli wa Israyeli, a di phela gu fuma tigoni ga Judha Akazi, mwamana wa Jeyoramo, mufumeli wa Judha.

2 Dzikoronika 22:1

Vavbanyi va Jerusalema va di tshikedza wulangani wa Jeyoramo, khu gu emisa mwanaye nya nandra Akazi gu khala mufumeli, kholu, tsawa wu ngata ni Vaarabhiya lizumbotunu gwawe, wu di songide sanana saye satshavbo nya vakoma. Khu guralo, Akazi, mwamana wa Jeyoramo a di fumela Judha.