2 Dzipfhumu 8:12 - Bhibhiliya Nya Guage

¹² Khavbo avbo, Hazayeli, a di mu embela, khuye: “Mune wangu, khu ginani u lilago?” Uye a di mu hakha, khuye: “Kholu nyi ngu dziti gukheni u na girela guvivba va na Israyeli, u va vbisela makhokhola yawe, ni gu songa madzaha yawe khu matshari, u vbadzulela sanana sawe, u pferula sirumbu nya dzimimba dza vagadzi vawe.”

2 Dzipfhumu 8:12 Iomraidhean Croise

1 Dzipfhumu 18:13

Ina kha va gu tivisa uwe, mune wangu, iso nyi giridego, gikhati Jezabheli a nga saselago vaprofeti va Pfhumu Nungungulu, idzo nyi nga sihago khidzo lizana vaprofeti va Pfhumu Nungungulu, nyi va kabanisa khu mitsawa nya livbandre magumi, nyi va siha mavbalani nyi va vbanyisa khu guhodza ni mati nya gusele.

1 Dzipfhumu 19:17

Vathu va na vbulugago gu songwa khu Hazayeli, va na songwa khu Jewu, ni vatshavbo va na vbulugago gu songwa khu Jewu, va na songwa khu Elizewu.

2 Dzipfhumu 12:17

Khavbo avbo, Hazayeli, mufumeli wa Siriya, a di gwela ata dhumela Gati, a phanga lidhoropa; khu hwane nya isoso, Hazayeli a di vbweta gu gwela aya dhumela gambe ni Jerusalema.

2 Dzipfhumu 12:18

Aholu Jowasi, mufumeli wa Judha, a di dzega sombo satshavbo nya guage, esi Josafati, Joramo ni Akazi, vababe vaye, vafumeli va Judha, va si phasedego, gumogo gambe ni ndralama yatshavbo va nga yi manago umo nya guvegedzedwe thomba ya Pfhumu Nungungulu, ni nyumbani ga mufumeli, a si rumela ga Hazayeli, mufumeli wa Siriya; khavbo avbo, uye a di khuga khu Jerusalema.

2 Dzipfhumu 13:22

Hazayeli, mufumeli wa Vaasiriya, a di tshanisa va na Israyeli, matshigu yatshavbo a nga fumago Jeyowakazi.

2 Dzipfhumu 13:3

Khu guralo, likhulo la Pfhumu Nungungulu li di khondrela va na Israyeli, a va ningela mandzani ga Hazayeli, mufumeli wa Siriya ni mandzani ga Bheni-Hadhadhi, mwamana wa Hazayeli, matshiguni yale yatshavbo.

2 Dzipfhumu 13:7

Kholu Jeyowakazi a diri mwalo gambe vathu nya vangi, a di tshala basi ni livbandre magumi vakhileli nya dzikavalu ni likhumi dzikareta, ni gikwata nya likhumi magumi mazana (10.000) vama basi, kholu mufumeli wa Siriya a di mbembiside va na Israyeli, a va gira gukhwatshi i kudzudzwane wu gandredzedwago.

2 Dzipfhumu 15:16

Khavbo avbo, Menayemi, a di sasela Tifisa, ni vatshavbo va nga bani varomo umomo, gumogo gambe ni mivbinganoni gwawe gukhugela Tiriza, kholu gu di bani gu si gu tudwi myanya yaye; a va sasela, a pferula khu vbakari sirumbu sa vanyamayi nya dzimimba.

2 Dzipfhumu 4:28

Khu guralo, nyamayi a di ganela, khuye: “Ina eni nyi di lombide gyanana ga mune wangu, gani? Ina kha nya nga ganedza gukheni u nga nyi pfhadzi, gani?”

Isaya 13:16

Sanana sawe sa beleni si na pfareledwa mbeli gwawe, dzindranga dzawe dzi na phangwa, vagadzi vawe, va na pfinywa va sagaredwa.

Isaya 13:18

Malaho yawe va na songa khayo madzaha; gima kha va na pwa gisiro khu sanana si ngarigu ndrani; maho yawe kha ma na tsetsa sanana sa beleni.

Hoseya 10:14

Khu guralo, vbakari nya vathu vago, gu na duga ghudzeghudze nya nyimbi, makhokhola yago yatshavbo ma na khungumudwa, kha nga Salamani a nga pfhungumula Bheti-Aribheli khu litshigu nya nyimbi, avbo mayime a nga vbadzuledwa gumogo ni sanana saye.

Hoseya 13:16

Vathu va Samariya va na rwala nandru wawe, kholu va wugedego Nungungulu wawe. Avo va na songwa khu matshari, sanana sawe si na pfareledwa, ni vagadzi vawe va gu ni dzimimba va na pferuledwa sirumbu khu vbakari.

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Amosi 1:13

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa va na Amoni, kha nyi na bweledza tsayiso, kholu va pferulede dzimimba dza vanyamayi va Gileyadhi, gasi guanamisa litigo lawe.

Nahume 3:10

Ambari khu guralo, uye vbagedwe a yiswa wugumbitunu; sanana saye si pfareledwa mahandzakanyani nya dzindzila. Vathu vawe nya guthavisege, va di va lolela dzisolo, vathangeli vawe, va di modwa va hungwa khu makhetshe.