2 Dzipfhumu 8:10 - Bhibhiliya Nya Guage

¹⁰ Elizewu a di mu hakha, khuye: “Indra u ya mu embela, khuwe: Khu madwali yaya khu na hawuluga; aholu Pfhumu Nungungulu a nyi yeyedzide gukhuye: Khu lisine u nafa.”

2 Dzipfhumu 8:10 Iomraidhean Croise

Genesi 2:17

aholu handro nya simbo nya guti gu hambanisa silo nya sadi niso nyamba sadi, u nga wu hodzi. Kholu litshigu u na gu wu hodzago u nafa.”

Genesi 41:39

Khu hwane, Faro a di embela Josefa, khuye: “Kha nga olu Nungungulu a hi tivisidego satshavbo sesi, mwalo mumbe muthu nya mapimo ni guti kha nga uwe.

1 Dzipfhumu 22:15

Avbo uye a nga vbohago, mufumeli a di mu wudzisa, khuye: “Mikeya, ina hi ngu yela guya dwanisa lidhoropa la Ramoti-Gileyadhi, mwendro kha si kodzegi, gani?” Muprofeti a di mu embela, khuye: “Gwela, kholu Pfhumu Nungungulu a na li ningela mandzani ga mufumeli.”

2 Dzipfhumu 1:16

Eliya a di embela mufumeli, khuye: “Pfhumu Nungungulu a ngu ganela kharati, khuye: Khu ginani u rumedego myango gu ya wudzisa Bhahali-Zebhubi, nungungulu wa Ekoroni? Ina omu tigoni ga Israyeli mwalo Nungungulu nya guyele gu ya wudzisa gwaye, gani? Khu guralo, vbadawutunu vbovbo u ladego, gima khu na nga wuga, kholu khu lisine u nafa.”

2 Dzipfhumu 1:4

Khu guralo, Iso a ganelago Pfhumu Nungungulu khesi: Khu na nga wuga khu vbadawutunu u ladego; kholu u nafa.” Khavbo avbo, Eliya a di khuga a hongola.

Jeremiya 38:21

Aholu, wa gumba dzumela gu ya dzi ningela, gu na dugelela esi Pfhumu Nungungulu a nyi wonisidego.

Ezekiyeli 11:25

Nyi diya embeledzela vale va vbagedwego satshavbo iso Pfhumu Nungungulu a nyi yeyedzidego.

Ezekiyeli 18:13

A fiyarisa na gu lirela bhindzu ni guvelegisa. Muthu nya nga yoyo, a ngu yela guvbanya, gani? Ahihi, kha na vbanya! Khu kotani nya mithumo yatshavbo yoyo nya guvivbe, khu lisine a nafa, uye mune kamwe a na rwala nandru nya gufe gwaye.”

Amosi 3:7

Khu lisine, Pfhumu Nungungulu, kha na gira gilo nyamba phela khu gu ninga giwoniso ga sithumi saye, a gu vaprofeti.

Amosi 7:1

Pfhumu Nungungulu a di nyi yeyedza esi: Wonani, guphelani nya gurumbuge nya mela nya wuvili nya mwasi, uye a di gira mbasa. Hwane nya gu mufumeli na vbedzide guvbwera dzimbewu.

Amosi 7:4

Pfhumu Nungungulu a di nyi yeyedza esi, khuye: Wona nya gukhuwe Pfhumu Nungungulu a ngu vbweta guta lamula vathu vaye khu nilo, uwo wu na vbisago nondrwa nya guete, wu gu mbembisa gambe linene.

Amosi 7:7

Khu hwane nya ugo, Pfhumu Nungungulu a di nyi yeyedza gambe esi: Nyi di wona Pfhumu na emide vbatshani nya libhiyo na pharide ngodzi nya gupime mandzani gwaye.

Amosi 8:1

Pfhumu Nungungulu a di nyi yeyedza esi, khuye: “Wona avba gitundru gi gu ni mihandro nya guvidzwe.”

Zakariya 1:20

Pfhumu Nungungulu a di nyi nonedza vapfhuli vana nya dzisimbi.

Gutuledwa 22:1

Khavbo avbo, ngilozi yi di nyi yeyedza tsongo nya mati nya womi, nya gukhedzige nga libona nya kristali, na ma gu duga khu vbagikhalotunu nya wufumu wa Nungungulu ni wa Nvutana.