2 Dzipfhumu 8:1 - Bhibhiliya Nya Guage

¹ Elizewu a di ganela ga nyamayi wule a nga mu wusela gyanana gyaye nya gufe, khuye: “Khuga uwe gumogo ni mwama wago, u ya luvela ga litigo u na gu li wonago, kholu Pfhumu Nungungulu, reside ndzala ga litigo leli, yi na gu vbedzago livbandre na mivili myaga.”

2 Dzipfhumu 8:1 Iomraidhean Croise

Genesi 12:10

Gu di manega ndzala tigoni mule, Abrama a di thavela tigoni ga Egipito, aya vbanya iyo gikhati nya gukari, kholu, ndzala yi diri yikhongolo ngudzu.

Genesi 26:1

Gu di manega ndzala nya yikhongolo ngudzu tigoni mule, gu diga ndzala nya guphele ya matshiguni ya Abrahama. Isaki a di hongola Gerari ga Abhimeleki, mufumeli wa Vafilisitiya.

Genesi 41:25

Khavbo avbo, Josefa a di ganela ga Faro, khuye: “Ndroro ya Faro mweyo basi. Nungungulu tiviside ga Faro esi a vbwetago gu gira.”

Genesi 41:32

Gu wuyedzela guvili ndroro ya mweyo, gu yeyedza gupwani si hungidwe gikungoni gwa Nungungulu, somo vbafuvbi nya gugirege.

Genesi 41:54

gu di vboha livbandre na mivili myaga yile nya ndzala, kha nga idzo a nga bani na ganede khidzo Josefe. Gu di manega ndzala mayigoni gwatshavbo, aholu tigoni ga Egipito, gu di romo guhodza.

Genesi 47:4

Va di ganela gambe ga Faro, khavo: “Hi rurede tigoni momu, kholu gu ngu hamugega mwasi nya guhavise mitshambi ya sithumi sago, gambe ndzala yingi ngudzu tigoni ga Khanani. Olu hi ngu gu lomba u dzumedzisa sithumi sago guya vbaha tigoni ga Goseni.”

2 Samuweli 21:1

Matshiguni ya Dhavhidhe, gu manegide ndzala yi dzegidego myaga miraru, khu mwaga ni mwaga, Dhavhidhe a di wudzisa Pfhumu Nungungulu, Pfhumu Nungungulu, a di mu embela, khuye: “Sawule ni ndranga yaye khavo va gu ni nandru nya wusongi, kholu va nga songago Vagibhiyoni.”

2 Samuweli 24:13

Khu guralo, a dita Gadhi ga Dhavhidhe, ata mu pwadzela, a mu embela, khuye: “U ngu dzina gukhuwe gu manega ndzala livbandre na mivili myaga tigoni gwago; mwendro gu tutumiswa khu valala vago ndrani nya migima miraru na va gu lundra; mwendro ndrani nya matshigu mararu, gu manega tungu tigoni gwago, gani? Olu pimisa phindrulo muni nyi na gu bwelelago nayo nyi ya ninga wule a nyi rumidego.”

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

1 Dzipfhumu 18:2

Eliya a diya dzi wonegisa ga Akabi. Ndzala yi di tshingide ngudzu tigoni ga Samariya khu matshigu yoyo.

2 Dzipfhumu 4:18

Avbo gyanana gi nga dandrago, litshigu limwedo, gyanana gi di landra babe waye thembweni kholu a diri ni vavbweri.

2 Dzipfhumu 4:36

Khavbo avbo, a di rana Geyazi, ata mu embela, khuye: “Nga rana nyamayi yoyo nya Musunami.” Uye a di mu rana ata gwaye, ata mu embela, khuye: “Dzega gyanana gyago.”

2 Dzipfhumu 4:38

Khu hwane nya esi, Elizewu a di bwelela Giligali. Tigoni mule gu diri ni ndzala, avbo vapizane va vaprofeti va nga bani va khade mbeli gwaye, a di embela githumi gyaye, khuye: “Tshelega khali nya yikhongolo niloni, u phulela guhodza nya mitongwe vapizane va vaprofeti.”

2 Dzipfhumu 7:20

Khu guralo, si di mu dugelela kholu, vathu va di mu gandredzela vbanyangwatunu, afa avbovbo.

2 Dzipfhumu 8:2

Nyamayi wule a di khuga, kha nga guganela ga muthu wa Nungungulu; a di khuga gumogo ni lipango laye, vaya luvela tigoni ga Vafilisitiya, livbandre na mivili myaga.

Dzindzimo 105:16

A di gira yi manega ndzala tigoni mule, a diga vathu nyambana guhodza.

Dzindzimo 107:34

Wulime nya wadi a di wu vbindrugedza wu khala munyu, khu kotani nya wuvivbi wa avo va khalago umo.

Jeremiya 25:29

Wonani nya gukhenu nya gu phela khu gu tsayisa dhoropani mule gu ranwago khu lina langu; ina enu mu na digwa nyamba tsayiswani, gani? Ahihi, kha mu na vbuluga gilo, kholu nyi womo vbafuvbi ni gu resa dzinyimbi dzi ta sasela vathu vatshavbo va tigoni, a ngu ganela Pfhumu Nungungulu nya Tshivba Yatshavbo.

Levhi 26:26

Vbavbandze nya isoso, nyi na mi vbungulela guhodza gwanu, avbo nya gu likhumi vanyamayi va na phula guhodza khu khali mweyo muya khu gupimedwa; mu na hodzani, aholu kha mu na khura.

Amosi 4:6

Khu guralo, enu nenu nyi mi guhide magwaha madhoropani gwanu gwatshavbo, ni malangani gwanu gwatshavbo gu mwalo guhodza. Ambari khu guralo, enu kha mwa vbindrugedza mu wuya avbo gwangu, a ngu ganela Pfhumu Nungungulu.

Agewu 1:11

Nyi reside gihala mafuni, musigomoni, umo nya tirigu, umo nya miuvha, umo nya mafura ni gwatshavbo umo mafu ma ningago mihandro, gumogo gambe ni umo nya vathu, numo nya sirengo, ni vbatshani nya thumo watshavbo nya mandza yanu.

Luka 21:11

Si na manega sirevareva nya sikhongolo; malanga nya mangi gu na manega ndzala ni mitungu nya gutale; si na tumbuluga silo nya guthise mafuni ni siwonegiso nya sikhongolo Ndzadzini.

Luka 21:22

kholu matshigu yoyo khya gu dzi phodzela, gasi gu tadzisega satshavbo iso si nga lowago.

Luka 4:25

“Aholu nyi ngu mi embelani gambe, khu lisine, kheni: Matshiguni ya Eliya dzi diromo dzinoni nya dzingi tigoni ga Israyeli, gikhati yi nga segegago ndzadzi myaga miraru ni livbandre na moyo migima, yi manega, ndzala nya yikhongolo tigoni gwatshavbo.

Mithumo 11:28

Moyo wawe nya gupwani khu Agabo a di khuga a ema a tivisa khu Liphuvbo nya Guage khuye yi na manega ndzala nya yikhongolo tigoni gatshavbo; khiyo yi nga manega matshiguni ya Klawudiyo.

Rute 1:1

Ga gikhati valamuli va nga bani va gu fuma, gu di manega ndzala tigoni ga Israyeli. Mwama nya gukari wa Bhetlehema tigoni ga Judha, a di hongola ni mwangadzi waye gumogo ni sanana saye sa sivili aya luvela tigoni ga Mowabhi.