2 Dzipfhumu 7:8 - Bhibhiliya Nya Guage

⁸ Va nya sokono vava na va vbohide, nyangwani nya wughovelo va di bela ga moyo nya mitshatsha, va hodza ni gu sela, va dzega vbale parata, ndralama ni guambala vaya si siha; va bwelo khavbo va wuya ga wumbe tshatsha vaya dusa gambe simbe silo vaya siha.

2 Dzipfhumu 7:8 Iomraidhean Croise

2 Dzipfhumu 5:24

Na vbohide gigomotunu, Geyazi a di si dzega khu mandzani gwawe, aya si vega nyumbani gwaye; a bweledza vama vale va hongola.

2 Dzipfhumu 7:9

Khavbo avbo, va di ganela khu gyawe, khavo: “Kha ha gira gwadi! Kholu litshigu leli, litshigu nya mahungu nya yadi; aholu ethu ha gu degula hi lirela kala gugya, hi na tshuka hi dugedwa khu mhango; khu guralo, olu hongoleni ndrangani ga mufumeli.”

Isaya 33:23

Dzingodzi nya dzingalava dzaye dzi nyegide, ni miningwati yaye, kha ya tiya, matanga yaye, kha ma ghwimbega. Khavbo avbo, va na kabaniswa pfimba nya phango nya wungi wu phangidwego; ambari ni silima si na phanga niso.

Jeremiya 41:8

Vbakari nya vama vale, gu manegide likhumi nya avo va nga lomba ga Ismayeli, khavo: “U nga hi songi, kholu, hi na ni tirigu, mala, mafura ni wulombe, hi sihidego khabini.” Khu guralo, kha va songwa gilo, va di digwa gumogo ni vakwawe.

Matewu 13:44

“Mufumo wa Ndzadzini wu ngu fanana ni thomba yi nga sihwago mahangeni yi gu tugudwa khu muthu, a yi fulusa a yi siha wumbe wulanga. Na tade khu gunengela, a di ya rengisa satshavbo a nga bani ari naso, gasi gu renga mahange yale.

Matewu 25:18

Gasi wule a nga tshiyedwago mweyo basi, a di ya kemba liphala a siha tsapawu ya mune waye.

Josuwa 7:21

Nyi di wona vbakari nya sombo si phangidwego, gifenengelo nya gumbure gya Bhabhiloni, ni mazana mavili (200) nya masekeli nya dzisikulu nya parata ni giwindri nya ndralama nya livbandre magumi dzisikulu, nyi di si dogorela nyi si dzega; nyi si kembela mafuni vbavbatshi nya tshatsha wangu, parata nyi yi vega khu vbavbatshi.