2 Dzipfhumu 7:7 - Bhibhiliya Nya Guage

⁷ Khu guralo, va di duga ni vbawutshigu va tutuma, va tshiya mitshatsha yawe, dzikavalu, ni dziburu dzawe; va tshiya wughovelo nyambana gilo, gasi gu vbanyisa womi wawe.

2 Dzipfhumu 7:7 Iomraidhean Croise

1 Dzipfhumu 10:29

Kareta yi nga bani yi gu rengwa tigoni ga Egipito, yi di rana tengo nya livbandre na limwedo mazana (600) dzisikulu nya parata, tengo nya kavalu ni kavalu, a diri lizana ni livbandre magumi (150) dzisikulu; avo va di gira idzosaye kharato ni ga vafumeli nya Vahiti ni vafumeli va Siriya va nga bani va gu rumisa mataro yawe guya renga.

1 Dzipfhumu 20:20

Moyo ni moyo a di songa uye a nga mu mana mbeli gwaye; Vaasiriya va di thava, na va gu lundrwa khu hwane khu va na Israyeli. Bheni-Hadhadhi, mufumeli wa Siriya, a thava khu kavalu ni vambe vakhileli nya gukari nya dzikavalu.

Joba 18:11

Va na thurugiswa khu maphuvbo yatshavbo khu dzimhango, va landreledwa ni evbini va hongolago.

Dzindzimo 33:17

Dzikavalu nya nyimbi khandridzo dzi ningago muthu gupala; ambari na dziri ni tshivba nya yikhongolo, mwalo a dzi kodzago gu vbuluga.

Dzindzimo 68:12

“Vafumeli ni mabutho yawe, ndrivale, va ngu tutuma va gu thava!” Gaya, vanyamayi va di ya kabanelana silo nya guphangwe ga valala.

Mavingu 21:1

Monyo wa mufumeli, wa gu fanana ni gitsongwana nya mati gi gimbidziswago khu Pfhumu Nungungulu, uye a gu mu rumela ni evbini a gunago.

Mavingu 28:1

Sighohi sa gu thava ambari sa gumba tutumiswa khu muthu, aholu, avo va lulamidego va gu tiya nga nghala.

Mavingu 6:5

dzi vbanyise kha nga mbavala mandzani ga musoti, ni ginyoni gi kavilago ngodzi.

Isaya 2:20

Khu litshigu lolo, vathu va na dzudzugela ga magondzo ni makoha sifananiso nya vanungungulu nya parata ni ndralama, iso va nga si girago gasi gu si khozela.

Vahebheru 6:18

Khu kharato, silo sivili si si kodzigo gu vbindrugedza: Gitumbiso ni gisambanyo. Ga esi silo, Nungungulu kha dzi kodzi gu hi senga. Kharato, ethu hi tumbago uye hi ngu dzipwa na hi gu tiyisedwa khu gutumba hi ningidwego.

Valamuli 7:21

Muthu ni muthu, a di khala wulanga waye va randrela wughovelo; khavbo avbo vatshavbo va nga bani va romo wughoveloni, va di phela gu tutuma va pfowola va thava na va guwomba dzihuwa.

1 Samuweli 14:15

Gu di manega hwanga nya wukhongolo lizumboni, wulangani nya litunga ni vbakari nya vathu vatshavbo; vbakari nya masotshwa ni vaphangi vatshavbo va di ndrendremela ngudzu gu bwelo khavbo gu tsekatseka ni mafu; satshavbo si di manega nari hwanga wutago khu ga Nungungulu.