2 Dzipfhumu 7:6 - Bhibhiliya Nya Guage

⁶ Kholu Pfhumu, a di pwadza lizumboni ga Vaasiriya, ligwaha nya dzikareta ni dzikavalu, kha nga ligwaha nya gikwata nya gikhongolo nya masotshwa; avbo va nga embelana khu gyawe, khavo: “Dzi woneleni kholu mufumeli wa Israyeli, a hi rambede vafumeli nya Vahiti ni vafumeli va Egipito guta hi sasela.”

2 Dzipfhumu 7:6 Iomraidhean Croise

2 Samuweli 10:6

Avbo va na Amoni va nga wonago gukhavo va vbahide livengo ga Dhavhidhe, avo va di rumela myango gu ya ramba magumavili magumi mazana (20.000) vama nya Vaasiriya va Bheti-Rehobhi, ni Vaasiriya va Zobha, ni likhumi mazana (1.000) vama va mufumeli wa Mahaka, ni likhumi na mavili magumi mazana (12.000) va mufumeli wa Tobhi.

2 Samuweli 5:24

Avbo u na pwago ligwaha nya gugimbile vbatshani nya misimbo nya mimorya; u na duga khu guvbiredza, kholu khu gikhati gyogyo, Pfhumu Nungungulu a na bani a thangide mbeli gwago gu ya sasela mabutho nya Vafilistiya.

1 Dzipfhumu 10:29

Kareta yi nga bani yi gu rengwa tigoni ga Egipito, yi di rana tengo nya livbandre na limwedo mazana (600) dzisikulu nya parata, tengo nya kavalu ni kavalu, a diri lizana ni livbandre magumi (150) dzisikulu; avo va di gira idzosaye kharato ni ga vafumeli nya Vahiti ni vafumeli va Siriya va nga bani va gu rumisa mataro yawe guya renga.

1 Dzipfhumu 20:20

Moyo ni moyo a di songa uye a nga mu mana mbeli gwaye; Vaasiriya va di thava, na va gu lundrwa khu hwane khu va na Israyeli. Bheni-Hadhadhi, mufumeli wa Siriya, a thava khu kavalu ni vambe vakhileli nya gukari nya dzikavalu.

2 Dzipfhumu 19:7

Eni nyi na mu thela limbe liphuvbo, gasi avbo a na gu pwago mahungu nya gukari, uye a na bwelela tigoni gwawe; Eni nyi na mu sasela khu litshari tigoni gwawe.”

2 Dzipfhumu 7:5

Va di khuga ni silambo va hongola lizumbotunu ga Vaasiriya; avbo va nga vbohago nyangwani, kha va ngaya mana muthu.

Joba 15:21

Gikhati gyatshavbo dzindzeveni gwaye, gupwala malito nya guthise; ambari gikhatini nya gurule, uye a gu dhumedwa khu vaphangi.

Dzindzimo 14:5

Va na ndrendremela khu hwanga kholu Pfhumu Nungungulu a gu ema ni vale va lulamidego.

Isaya 31:1

Libango ga avo vayago Egipito guya lomba giphaso, na va gu tumba dzikavalu; Va gu tumba dzikareta ni va vakhileli vakone, kholu avo vangi, na vari ni tshivba ngudzu, aholu va si theli kota khuye a Agidego wa Israyeli, ambari gu vbweta giphaso ga Pfhumu Nungungulu.

Isaya 36:9

Mu na dzi kodza kharini gu tutumisa ambari ni ndruna mweyo basi vbakari nya dzindruna dzidugwana dza mune wangu, olu mu tumbago gu ningwa dzikareta ni vakhileli nya dzikavalu khu Egipito?

Jeremiya 46:21

Masotshwa nya guthodwe vbakari gwaye, ma gu tsakisa nga simombyana nya gunone; ayo nayo, ma bwelede khu gu tutuma ma tandrega gu mu vhikela, kha ma tiya, kholu litshigu lawe nya gumbembiswe li vbohide, gumogo ni gikhati nya tsayiso wawe.

Ezekiyeli 1:24

Nyi dipwa ligwaha nya dzimbapi dzawe, gikhati si nga bani si gu vbuvba. Gu di fanana ni ligwaha nya mati nya mangi, gu fanana ni lito la Pfhumu nya Tshivba Yatshavbo. A diri ligwaha nya guthise, nya gufanane ni ligwaha nya libutho nya masotshwa. Gikhati si emago si di neredza mambapi yawe.

Ezekiyeli 10:5

Ligwaha nya mambapi nya dzikerubhimi, li di pwala kala likupakupani la vbavbandze, kha nga lito la Pfhumu Nungungulu nya Tshivba Yatshavbo, gikhati a ganelago.

Gutuledwa 9:9

Yidiri ni givhikelo nya gikete vbakhanatunu, ligwaha nya mambapi yakone li di fana ni ligwaha nya dzikareta nya gundrindrwe khu dzikavalu nya dzingi nya gututumele nyimbini.

Valamuli 7:21

Muthu ni muthu, a di khala wulanga waye va randrela wughovelo; khavbo avbo vatshavbo va nga bani va romo wughoveloni, va di phela gu tutuma va pfowola va thava na va guwomba dzihuwa.

1 Samuweli 14:15

Gu di manega hwanga nya wukhongolo lizumboni, wulangani nya litunga ni vbakari nya vathu vatshavbo; vbakari nya masotshwa ni vaphangi vatshavbo va di ndrendremela ngudzu gu bwelo khavbo gu tsekatseka ni mafu; satshavbo si di manega nari hwanga wutago khu ga Nungungulu.

1 Samuweli 26:6

Dhavhidhe a di embela Ayimeleki, nya Muhiti, ni Abhisayi, mwamana wa Zeruwa, ndruye wa Jowabhi, khuye: “Khu mani a dzinago gu relela ni eni ga Sawule, lizumboni?” Abhisayi a di hakha, khuye: “Eni nyi na relela nago.”