2 Dzipfhumu 7:18 - Bhibhiliya Nya Guage

¹⁸ Khu kharati si di tadzisega esi muthu wa Nungungulu a nga ganelago ga mufumeli, khuye: “Mindru khu gikhati gegi, gu na manega mipimo mivili nya mala na yi rengwa khu tengo nya guvbevbuge khu gingerengere gimwegyo nya parata, ni pimo moyo nya wuguvbi khu gingerengere gimwegyo nya parata, nyangwani ga Samariya.”

2 Dzipfhumu 7:18 Iomraidhean Croise

Genesi 18:14

Ina gyomo gilo a gi tandregago Pfhumu Nungungulu, gani? Khu matshigu nya nga aya, mwaga wutago, nyi na wuya gambe khavba, Sara a na bani nari ni gyanana nya gikhwathana.

2 Dzipfhumu 6:32

Elizewu a di khade nyumbani gwaye gumogo ni madhota. Mufumeli a di rumela moyo nya sithumi saye aholu na wu si gu vbohi mwango, Elizewu a di embela madhota, khuye: “Kha mu dziti nya gukhenu mwamana wa gighevenga rumede muthu nya gukari gasi guta nyi pila hungo, gani? Mu ngupwani, wa gu vboha mwango, segani lidimba, mu rindrividzeni khu lidimba a duga vbavbandze, kha mu sipwi sikingo sa mufumeli waye a mu landrago khu hwane gwaye?”

2 Dzipfhumu 7:19

Ndruna yile yi di ganedzide muthu wa Nungungulu, khiyo: “Ambari Pfhumu Nungungulu a gu tula sihogo, ina si ngu kodze gu girega isoso, khu magana yoyo, gani?” Ni uye a di mu embede, khuye: “Uwe kamwe u na si wona khu maho yago, aholu khu na si hodza.”

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.