2 Dzipfhumu 7:16 - Bhibhiliya Nya Guage

¹⁶ Khavbo avbo, vathu vatshavbo va di duga guya phanga lizumbo la Vaasiriya; vaya mana pimo nya wuguvbi nya wadi na wu gu rengiswa khu tengo nya guvbevbuge nya parata, ni mipimo mivili nya wuguvbi nya mala, wu rengiswa nuwo khu tengo nya guvbevbuge, kha nga idzo a nga ganelago khidzo Pfhumu Nungungulu.

2 Dzipfhumu 7:16 Iomraidhean Croise

2 Dzipfhumu 7:1

Khavbo avbo, Elizewu a di ganela, khuye: “Yingisani magana ya Pfhumu Nungungulu; Pfhumu Nungungulu a ngu ganela kharati, khuye: Mindru khu gikhati nya nga egi, pimo moyo nya wuguvbi nya wadi, wu na rengwa khu sikulu mweyo, ni mipimo mivili nya mala, yi na rengwa avba nyangwani ga Samariya khu sikulu mweyo basi.”

2 Dzipfhumu 7:15

Va di khuga va landra kala tsongoni wa Joridhani, ndzilani va di wona na gu mbambamede myendra ni simbe sombo si nga dzudzugedwago khu Vaasiriya, gikhati va nga bani va tutuma; Khavbo avbo, va di resa myango vata tivisa mufumeli.

2 Dzikoronika 20:25

Gikhati Josafati gumogo ni vathu vaye, va ngata guta va phanga, va dita mana thomba nya yingi ni sombo nya gutale nya lisima, va di si dzega va tandrega ni gu si rwala kholu a diri singi. Va di vbedza matshigu mararu na va gu va phanga, kholu si di tade.

Dzindzimo 68:12

“Vafumeli ni mabutho yawe, ndrivale, va ngu tutuma va gu thava!” Gaya, vanyamayi va di ya kabanelana silo nya guphangwe ga valala.

Dzindzimo 68:13

Sifananiso nya matuva ni mambapi nya parata, ni mitenga yakone nya gukhedzige nga ndralama. Khu ginani vambe va varamago phandroni nya dzinvuta litshigu nya gudwane nyimbi?

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Isaya 33:23

Dzingodzi nya dzingalava dzaye dzi nyegide, ni miningwati yaye, kha ya tiya, matanga yaye, kha ma ghwimbega. Khavbo avbo, va na kabaniswa pfimba nya phango nya wungi wu phangidwego; ambari ni silima si na phanga niso.

Isaya 33:4

Khu guralo, silo sanu mu phangidego, si na wungedzedwa kha nga idzo yi wungedzedwago khidzo mbasa; kha nga dzimbera dzi ndragandragago, kharato nugo, vathu va na ndragandraga navo.

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Matewu 24:35

Yi na vbindra ndzadzi ni mafu, aholu mahungu yangu gima kha ma na vbindra.

1 Samuweli 17:53

Hwane nya gu bani va lundride Vafilisitiya, va na Israyeli va di bwelela va ta phanga mitshatshani ya mazumboni yawe.