2 Dzipfhumu 7:10 - Bhibhiliya Nya Guage

¹⁰ Khu guralo, va diya huwelela mahungu yaya ga vawoneleli nya dzinyangwa nya lidhoropa, khavo: “Hi di gu hongode lizumboni la Vaasiriya, aholu kha haya mana muthu, ambari gupwa lito nya muthu, hi di mana basi dzikavalu na dzi hungidwe, gumogo ni dziburu, mitshatsha na yi romo kha nga idzo yi nga bani yi romo khidzo khu gale.”

2 Dzipfhumu 7:10 Iomraidhean Croise

2 Samuweli 18:26

Muemeledzi a di wona gambe mumbe mwama na guta khu gu tutuma, uye a di huweta khu vbanyangwatunu a ganela, khuye: “Nya gu wona gukheni a nguta gambe mumbe mwama na gu tutuma ekha.” Khavbo avbo, mufumeli a di ganela, khuye: “Uye nuye a gu resa mahungu nya yadi.”

2 Dzipfhumu 7:11

Va di rana vawoneleli nya dzinyangwa, avo vaya tivisa va nyumbani ga mufumeli.

2 Dzipfhumu 7:9

Khavbo avbo, va di ganela khu gyawe, khavo: “Kha ha gira gwadi! Kholu litshigu leli, litshigu nya mahungu nya yadi; aholu ethu ha gu degula hi lirela kala gugya, hi na tshuka hi dugedwa khu mhango; khu guralo, olu hongoleni ndrangani ga mufumeli.”

1 Dzikoronika 15:18

gumogo ni vandriyaye nya tsawa nya wuvili, a gu ava: Zakariya, Bheni, Jahaziyeli, Semiramoti, Jeyeli, Uni, Eliyabhi, Bhenaya, Mahaseya, Matatiya, Elifelewu ni Mikineya, ni Obhedhi-Edhomi, ni Jeyeli, vawoneleli nya dzinyangwa.

1 Dzikoronika 16:38

a di tshiya gambe Obhedhi-Edhomi, gumogo ni vandriyaye, khu tengo nya livbandre na limwedo magumi ni livbandre na vararu vathu; Obhedhi-Edhomi, mwamana wa Jedhutumi, ni Hosa, va di vegwa gu khala vawoneleli nya dzinyangwa.

2 Dzikoronika 23:19

A di emisa vawoneleli nya dzinyangwa nya Nyumba ya Pfhumu Nungungulu, gasi gu si beli ni wevbini muthu a dzi nyenyezisidego.

Dzindzimo 127:1

Nyumba ya gumba vbahwa khu Pfhumu Nungungulu, thumo watshavbo wa vavbahi kha wu phasi gilo; lidhoropa la gumba woneledwa khu Pfhumu Nungungulu, vakhedziseli va gu pilekelana mahala.