2 Dzipfhumu 6:2 - Bhibhiliya Nya Guage

² Hi dzumedzise hi hongola kala kovani wa Joridhani, muthu ni muthu a na rwala lidingo gasi hi kodza gu ya vbaha iyoyo.” Uye a di va embela, khuye: “Indrani.”

2 Dzipfhumu 6:2 Iomraidhean Croise

2 Dzipfhumu 6:1

Vapizane va vaprofeti va di embela Elizewu, khavo: “Wona nya gukhuwe wulanga wowu hi khalago avbo, mbeli gwago wu dugwana.

2 Dzipfhumu 6:3

Moyo wawe a di mu embela, khuye: “Gu vbwetega u hongola nuwe ni sithumi sago.” Uye a di va hakha, khuye: “Nyi na hongola.”

Johane 21:3

Simoni a di va embela, khuye: “Nyi nga gu hongola nyi ya goga.” Va di mu hakha, khavo: “Ethu nethu hi na hongola nago.” Va di khuga, vaya bela ngalavani, aholu, kha va nga mana gilo wutshigu watshavbo.

Mithumo 18:3

Kholu va diri va thumo moyo ni uye. A di khala ndrangani gwawe, a gu thumela avbo. Va diri ni thumo nya gu luge malawu.

1 Vakorinto 9:6

Mwendro mwa gu pima gukhenu eni ni Bharinabha basi khethu hi gu ni giguruvedzo nya gu dzi thumele habune khu mandza yathu.

1 Vatesalonika 2:9

Vandruye, dundrugani khu lisine gugaradzega ni gugarala gwathu. Hi di thuma wutshigu ni mihani gasi hi si mi lemedzi, khu kharalo, hi di mi tivisani Mahungu nya Yadi ya Nungungulu.

2 Vatesalonika 3:8

kha ha hodza guhodza ga muthu mahala. Hi di thuma nya guvbindre pimo, wutshigu ni mihani, gasi hi si lemedzi muthu.

1 Thimoti 6:6

Ina, gukhodwa gu ngu khala wugwewo wa gu gu gimbidzisa khu ndzila ni lisine.