2 Dzipfhumu 6:16 - Bhibhiliya Nya Guage

¹⁶ Uye a di hakha, khuye: “U nga thavi gilo, kholu avo hi gu navo ethu vangi ngudzu, guvbindra avo va gu navo avo.”

2 Dzipfhumu 6:16 Iomraidhean Croise

Genesi 32:1

Jakobe nuye a di simama ni ndzila yaye, a di tshangana ni dzingilozi dza Nungungulu.

2 Dzipfhumu 6:15

Githumi gya muthu wa Nungungulu, gi di wuga ni mambagugya gi duga, gi ta mana lidhoropa na li randredwe khu gikwata nya masotshwa, dzikavalu ni dzikareta; khavbo avbo, githumi gyaye gi di mu embela, khigyo: “Mune wangu, olu hi na gira ginani?”

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

Dzindzimo 11:1

Eni nya gu thavela ga Pfhumu Nungungulu. Khu ginani mu nyi embelago, khenu: “Thavela sigomoni nga ginyoni?”

Dzindzimo 27:3

Ambari nyi fenengedzwa khu dzinyimbi, gima kha nyi na thava gilo; ambari valala vangu va gu nyi randrela, monyo wangu kha wu na thava gilo, nyi na simama nyi tumba.

Dzindzimo 3:6

Kha nyi thavi talo nya vathu va nyi randredego khu maphuvbo yatshavbo.

Dzindzimo 46:11

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 46:7

Pfhumu Nungungulu nya Tshivba Yatshavbo womo vbakari gwathu; Nungungulu wa Jakobe khuye wuthavelo wathu.

Dzindzimo 55:18

Vbulugisa hefemulo wangu, khu gurula, ga avo va nyi lundrago; kholu avo vangi.

Ekisodha 14:13

Khavbo avbo, Mosi a di embela vathu, khuye: “Mu nga thavi; tiyani mu na wonani esi Pfhumu Nungungulu a na girago gasi gu mi vbanyisa muhuno; kholu Vagipiti mu va wonago muhuno olu, gima kha mu na nga va wona gambe kala gupindruga.

Isaya 8:10

Ambari mwa gu hungani gikungo, gi na pfhungumudwa, ambari mwa gu lugani mano, kha mu na dugelela, kholu Nungungulu a na ni ethu.

Jeremiya 39:17

Khu guralo, Eni nyi na gu vbulugisa ga litshigu lile, khu na thegela mandzani ga vathu vale u va thavago; a ngu ganela Pfhumu Nungungulu.

Matewu 26:53

Wa gu pimisa nya gukhuwe nya gu tandrwa khu gu lomba ga Babe wangu gu a nyi rumela nugunugu likhumi na sivili sikwata nya dzingilozi, ni gu vbindrisa, gani?

Marko 16:6

Aholu Lidzaha li di va embela, khilo: “Mu nga thavi, khandri mwa guvbweta Jesu wa Nazareta, oyu a nga khokhothedwago. Wugide, mwalo avba. Wonani wulanga va nga bani va mu vegide avbo.

Varoma 8:31

Hi na khethu ginani khu silo sesi? Nungungulu a gu ema ni ethu, khu mani a na hi wugelago?

Vafilipi 1:28

Mu nga khalini hwanga khu kotani ya valala vanu, kholu silo sesi ga avo, si na khala giyeyedzo nya gumbembe. Aholu, ga enu, si na khala giyeyedzo nya guvbanyiswe. Silo satshavbo sa guta khu ga Nungungulu.

Josuwa 11:6

Pfhumu Nungungulu a di embela Josuwa, khuye: “U nga khali hwanga mbeli gwawe; kholu mindru, khu gikhati nya gufanane ni egi, Eni nyi na bani nyi va ningede vatshavbo va songwa mandzani ga na Israyeli. U na pila misivba nya mawundru nya dzikavalu dzawe, u vbisa dzikareta dzawe khu nilo.”

1 Johane 4:4

Vanavangu, enu mwa gu lumba Nungungulu. Mu va pade vaprofeti nya malipha. Kholu, Liphuvbo mu gu nalo enu, li na ni tshivba guvbindra liphuvbo la vale va lumbago litigo leli.