2 Dzipfhumu 6:10 - Bhibhiliya Nya Guage

¹⁰ Mufumeli wa Israyeli a di rumela vathu vaye wulanga wule a nga embedwago khu muthu wa Nungungulu, gasi a wu wonelele; khu kharati, a dzi vbanyisa wurumba waye. Esi kha sa dugelela gumogo mwendro guvili basi, aholu sikhati nya guhambanelane.

2 Dzipfhumu 6:10 Iomraidhean Croise

1 Dzipfhumu 20:15

Khavbo avbo, Akabi a di sayela madzaha ya vathangeli nya sipandrengulu, a mana mazana mavili ni magumararu na vavili (232) vama. Khu hwane nya ava, a di sayela satshavbo sanana sa Israyeli, a mana na siri livbandre na mavili magumi mazana (7000) vama.

2 Dzipfhumu 13:14

Elizewu a di gu dwala khu ngumbe a fudego khiyo; Jowasi, mufumeli wa Israyeli a di relela aya iyo gwaye, aya lila khovbeni gwaye, khuye: “Baba wangu! Baba wangu! Kareta ya Israyeli ni vakhileli vakone!”

2 Dzipfhumu 2:12

Elizewu, na wonide esi, a di womba huwa, khuye: “Baba wangu, baba wangu! Dzikareta dza Israyeli ni vakhileli vawe nya dzikavalu!” Kha nga mu wona gambe. Khavbo avbo, Elizewu a di dzega dzingandzu dzaye a dzi pferula khu vbakari ni vbakari.

2 Dzipfhumu 5:14

Khavbo avbo, a di relela aya dzi nega livbandre na dzimbili dzinyondro tsongoni wa Joridhani, kha nga guganela ga muthu wa Nungungulu; ni nyama yaye yi di vbindrugedza, yi khala kha nga nyama nya gyanana, uye a di hawulugiswa a aga.

2 Dzipfhumu 6:11

Mufumeli wa Siriya a di vbisega monyoni, a rana vathu vaye ata va embela, khuye: “Nga nyi embelani, gasi khu mani vbakari gwanu a emago mufumeli wa Israyeli?”

2 Dzipfhumu 6:9

Aholu muthu wa Nungungulu a di rumela guya tivisa mufumeli wa Israyeli, khuye: “Dzi wonele, u nga vbindri khu wulanga wule; kholu Vaasiriya va relede vbale.”

2 Dzikoronika 20:20

Khu litshigu li landrelago, na gu ngari dzimindru, va di khuga va bela khu giwulani gya Tekowa. Na va nga gu khuga, Josafati a di ema, khuye: Nyi yingiseni enu va na Judha ni enu mu vbahidego Jerusalema! Khodwani ga Pfhumu Nungungulu wanu, mu na bani mu tiyide; khodwani ga vaprofeti vaye, mu na dugelela.

Mavingu 27:12

Muthu nya mapimo a ngu wona mhango na yi ngari hwindzo a sihala, aholu gipumbu gya gu yi thonona gi ya mana gutshaniseka.

Jeremiya 11:18

Nyi si pimide kholu Pfhumu Nungungulu dzinide gukhuye nyi si pima; eni nyi wona mithumo va nga bani na va gu gira.

Matewu 2:12

Na va layidwe khu ndroro gupwa va nga bweleli ga Herodhi, va di bwelela tigoni gwawe khu yimbe ndzila.

Matewu 3:7

Aholu, na wonide nya gukhuye Vasadhusi nya vangi ni Vafarisi va di guta navo gasi guta bhapatiswa khuye, a di va embela, khuye: “Enu livelego nya dzinyoga! Khu mani a nga mi ruma gu thava likhulo litago?

Mithumo 27:24

yita nyi embela, khiyo: ‘Pawulo, u nga khali hwanga kholu uwe u ngu vbwetega guya vboha mahoni ga Sezari. Khu kotani yago, Nungungulu a na vbanyisa vathu vatshavbo u gu navo ngalavani.’

Vahebheru 11:7

Khu gukhodwa, Nowa pwide sitiviso sa Nungungulu nya esi si nga hadza gu dugelela, a nga bani a si kodzi gu si wona. Nowa a di yingela Nungungulu a gu gira ngalava, a bela umo uye ni ngamo yaye, a gu vbanyiswa. Khu guralo, a di kona litigo, a gu hakha ga Nungungulu wuzundzo nya gukhodwe.