2 Dzipfhumu 5:8 - Bhibhiliya Nya Guage

⁸ Aholu avbo Elizewu, muthu wa Nungungulu a nga pwago gupwani, mufumeli wa Israyeli a pferude dzingandzu dzaye, a di rumela guya embela mufumeli, khuye: “Khu ginani u nga pferulago dzingandzu dzago? Mu dige ate avbo gwangu, uye a na kodza gu dziti gukhuye tigoni ga Israyeli womo muprofeti.”

2 Dzipfhumu 5:8 Iomraidhean Croise

2 Samuweli 3:31

Dhavhidhe a di embela Jowabhi ni masotshwa yaye yatshavbo, khuye: “Pferulani dzingandzu dzanu, mu ambala silendra mu lilani Abhineri!” Mufumeli Dhavhidhe, a di landra khu hwane nya lithatho.

1 Dzipfhumu 12:22

Khavbo avbo, magana ya Nungungulu ma dita ga Semaya, muthu wa Nungungulu ma ta khayo:

1 Dzipfhumu 17:24

Khavbo avbo, nyamayi a di ganela ga Eliya, khuye: “Olu nyi ngu dziti gukheni uwe u muthu wa Nungungulu, ni gukhuye; khya lisine magana ya Pfhumu Nungungulu ma dugelago khu kanani gwago.”

2 Dzipfhumu 1:6

Avo va di mu hakha, khavo: “Hi di khingwa khu mwama moyo a hi embela, khuye: Bwelelani ga mufumeli a mu rumedego mu ya mu embela, khenu: Pfhumu Nungungulu a ngu ganela kharati, khuye: Ina omu tigoni ga Israyeli mwalo Nungungulu nya gukala u rumela gu ya wudzisa ga Bhahali-Zebhubi, nungungulu wa Ekoroni, gani? Khu guralo, uwe gima khu na nga wuga gambe khu vbadawutunu u ladego; kholu u nafa.”

2 Dzipfhumu 5:15

Khavbo avbo, a di bwelela ga muthu wa Nungungulu uye gumogo ni vathu vaye, ata ema mbeli gwaye a mu embela, khuye: “Olu kamwe nyi ngu dziti gukheni omu tigoni gwatshavbo, mwalo Nungungulu, vbavbandze gwa Nungungulu wa tigoni ga Israyeli basi; gasi olu nyi ngu gu lomba kheni hakha gikategiso gya githumi gyago.”

2 Dzipfhumu 5:3

Uye a di embela mune waye, khuye: “Naripwani pfhumu yangu yi ngu hongola ga muprofeti a guromo Samariya, uye a di hadza guhawuluga sokono yaye.”

2 Dzipfhumu 5:7

Avbo mufumeli wa Israyeli, a nga hevbulago lidangalila leli, a di pferula dzingandzu dzaye, a ganela, khuye: “Gasi eni nyo va Nungungulu nya gusonge ni guvbanyisa, nya gukala uye a nyi rumela mwama yoyu gukhuye nyi na mu vbanyise sokono yaye, gani? Wonani nya gukhenu a gu vbweta mano nya gu nyi dwanise.”

2 Dzipfhumu 5:9

Khu guralo, Nahamani a dita ni dzikavalu dzaye, ni kareta yaye, ata ema nyangwani nya nyumba ya Elizewu.

Ekisodha 11:8

Khavbo avbo, sithumi sago satshavbo si na relela si ta gwangu si ta nyi khidzimela, khiso: “Duga uwe ni vathu vago vatshavbo u va thangelago. Hwane nya ugo, nyi na duga.” Khavbo avbo, Mosi a di duga khu ga Faro na garadzegide ngudzu.

Ezekiyeli 2:5

Avo gani va ngu gu yingisa, gani kha va gu yingisi, kholu vathu nya guyeyise, aholu va na dziti nya gukhavo a di romo muprofeti vbakari gwawe.

Hoseya 12:13

Aholu Pfhumu Nungungulu a di rumela muprofeti, guya dusa Israyeli khu tigoni ga Egipito. Vathu va di gimbidziswa khu muprofeti.

Varoma 11:13

Olu nya gu ganela gwanu enu mu si gu Vajudha. Eni nyi mupostoli ga va nya mayigo, gambe nyi ngu dzipwa matshandza khu kota nya thumo wangu.

1 Samuweli 9:6

Aholu githumi gi di mu phindrula, khigyo: “Dhoropani momu womo mwama moyo wa Nungungulu, a gu muthu nya guthavisege; satshavbo a profetago sa gu girega; olu hongole iyo gwaye, a gu dzina saye, a naya hi embela ndzila hi na gu bela khiyo.”