2 Dzipfhumu 5:5 - Bhibhiliya Nya Guage

⁵ Khavbo avbo, mufumeli wa Siriya a di ganela, khuye: “Khuga u hongole, nyi na rumela lidangalila ga mufumeli wa Israyeli.” Uye a di khuga a hongola, a phara mandzani gwaye, likhumi dzitaleta nya parata, livbandre na limwedo magumi mazana (6.000) singerengere nya ndralama ni likhumi dzisambo nya myendra.

2 Dzipfhumu 5:5 Iomraidhean Croise

Genesi 11:3

Va di embedzelana khu gyawe, khavo: “Hongoleni hi gire sitini, hi si vbisa niloni.” Sitini va di si thumisa kha nga siwindri, aholu va di londra khu nyedzi.

Genesi 11:7

Hongoleni hi relela vbavbatshi yeyi, hi ya hambanisa malimi gasi vathu va si mani gupwanana khu gyawe.”

Genesi 45:22

Vatshavbo a di va ninga moyo ni moyo dzingandzu nya buzo; aholu Bhejami a di mu ninga mazana mararu sikwangwangwa nya dzitsapawu nya parata ni livbandre dzingandzu nya buzo.

1 Dzipfhumu 13:7

Mufumeli a di embela muthu wa Nungungulu, khuye: “Hongole gaya gwangu u ya hodza gilogyo, nyi na gu ninga tshatshazelo,”

1 Dzipfhumu 22:3

Mufumeli wa Israyeli a di wudzisa dzindruna dzaye, khuye: “Kha mu dzitini nya gukhenu lidhoropa la Ramoti-Gileyadhi la gu lumba ethu, gani? Khu ginani hi si girigo gilo gasi hi li wandra ga mufumeli wa Siriya?”

2 Dzipfhumu 4:42

Mwama moyo nya gute khu Bhahali-Salisa, a di resa ga muthu wa Nungungulu sibaba nya mihandro nya guhegule, magumavili sibaba nya mala, sivbila nya makonva ni mahagane yaye, a embela Elizewu, khuye: Ninga vathu va hodze.

2 Dzipfhumu 5:4

Khu guralo, Nahamani a di yisa magana yaya ga mufumeli waye, aya mu embela, khuye: “Nyamahegyane wule atago khu tigoni ga Israyeli, a di ganede esi ni esi.”

2 Dzipfhumu 5:6

A di dzega lidangalila a li yisa ga mufumeli wa Israyeli, a mu embela, khuye: “La gu vboha lidangalila leli avbo gwago, u na dziti nya gukhuwe nyi rumede Nahamani githumi gyangu, gasi uwe u kodza gu mu thuma sokono.”

Mavingu 18:16

Avo va ningelago dzisagwati va gu tula dzindzila, dzi kodzago gu vboha kala ga vakhongolo nya vathu.

Muhevbudzi 2:1

Nyi di ganela khu monyoni gwangu, kheni: “Delu! Nya gu vbweta gu gu pwisa gutsaka; dzi buze khu gunengela.” Aholu nyi di si wona gambe nari gu dzi pfhadza.

Isaya 5:5

Gasi, eni olu, nyi na mi yeyedzani esi nyi vbwetago gu gira ga lithembwe langu: Nyi na thesa libhiyo gasi li khala wuhaviselo, nyi khungumula ni ndzari yaye, gasi li gandredzedwa.

Mitengo 22:7

Vasingalagadzi va Mowabhi ni vasingalagadzi va Madhiyani, va di hongola na va pharide tengo nya gulivbe wuprofeti waye. Avbo va nga vbohago vbafuvbi ni Bhalahama, va di ya mu embeledzela magana yatshavbo ya Bhalaki.

Jakobe 4:13

Olu, upwani, enu mu ganelago, khenu: “Muhuno, mwendro mindru hi na hongola dhoropani nya gukari hi ya khala mwaga, hi gira wugwewo wathu, hi mana nya singi.”

Valamuli 14:12

Samisoni a di ma embela, khuye: Nya guvbweta gu mu gira tekatekane gasi mu sandrula ndrani nya livbandre na mavili matshigu nya buzo, mwa gu sandrulani gwadi, nyi na mi ninga magumararu dzilasolo ni magumararu mayadha nya myendra.