2 Dzipfhumu 5:18 - Bhibhiliya Nya Guage

¹⁸ Pfhumu Nungungulu, a tsetselele githumi gyago, gikhati mune wangu a na gu belago nyumbani ga Rimoni, gasi guya khozela, na pharedzede a tiya khu mandza yangu, eni neni nyi gurumedzwa gu khidzima nyumbani ga Rimoni; Pfhumu Nungungulu a na divalele eni githumi gyaye, khu isoso.

2 Dzipfhumu 5:18 Iomraidhean Croise

1 Dzipfhumu 19:18

Ambari khu kharato, nyi di tshiya livbandre na mavili magumi mazana (7000) vama nya guvbanye tigoni ga Israyeli, avo va ngamba khozela nungungulu Bhahali, ni sihofu sawe si ngamba mu bhejari.”

2 Dzipfhumu 17:35

Pfhumu Nungungulu a di giride gidzumeledzwano navo, a va leletela, khuye: “Kha mu na nga khozela vambe vanungungulu, ambari gu khidzima mbeli gwawe, mu nga va thumeli ambari gu va phasela.

2 Dzipfhumu 7:17

Mufumeli a di rumela ndruna a nga bani na gu khighela vbagyandzatunu gwaye guya ghadha vbanyangwatunu; aholu vathu va di yi gandredzela yifa avbovbo, kha nga guganela ga muthu wa Nungungulu, a nga ganelago; gikhati mufumeli a nga relelago gwaye.

2 Dzipfhumu 7:2

Aholu ndruna mweyo ya mufumeli eyi a nga bani a gu khighela vbagyandzatunu gwaye, yi di phindrula muthu wa Nungungulu, khiyo: “Ambari Pfhumu Nungungulu a gu tula sihogo ndzadzini, ina silo soso si nga kodzega gu girega, gani?” Uye a di hakha, khuye: “Uwe u na si wona khu maho yago, aholu khu na nga si hodza.”

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Jeremiya 50:20

Khu matshigu yoyo ni gikhati gyogyo, a ngu ganela Pfhumu Nungungulu, va na vbweta wuvivbi wa Israyeli, va si wu mani, va vbweta sighoho sa Judha, va si si mani, kholu nyi na tsetselela vale nyi na gu va diga va vbanya.

Mitengo 21:15

wuyago kala mayigoni ga Ari ni dzibambe nya tsongo wu longoloka ni vbingano wa Mowabhi.”

Josuwa 23:7

gasi mu si dzi tshanganisi ni mayigo yaya ma tshadego vbakari gwanu. Mu nga khumbugi malina ya vanungungulu vawe, ambari gu sambanya khavo, mu nga va thumeli ambari gu va khozela.