2 Dzipfhumu 5:14 - Bhibhiliya Nya Guage

¹⁴ Khavbo avbo, a di relela aya dzi nega livbandre na dzimbili dzinyondro tsongoni wa Joridhani, kha nga guganela ga muthu wa Nungungulu; ni nyama yaye yi di vbindrugedza, yi khala kha nga nyama nya gyanana, uye a di hawulugiswa a aga.

2 Dzipfhumu 5:14 Iomraidhean Croise

1 Dzipfhumu 17:16

Wuguvbi kha wa nga vbela gifugoni, ni mafura kha ma nga vbela mu gigasini; kha nga guganela ga Pfhumu Nungungulu, a nga ganelago khu ga Eliya.

2 Dzipfhumu 4:35

Khu hwane a di khuga a ema, a dzundrulugela nyumbani eno ni eno, a engedza gu lita ata dzi ladza vbatshani nya gyanana; khavbo avbo, gyanana gi di watshimula livbandre na dzimbili dzinyondro, gi tula maho gi wona.

2 Dzipfhumu 5:10

Khavbo avbo, Elizewu, a di rumela mwango, aya mu embela, khuye: “Indra, u ya hamba livbandre na dzimbili dzinyondro tsongoni wa Joridhani, nyama yago yi na vbanya bwelo khavbo yi khalega.”

2 Dzikoronika 20:20

Khu litshigu li landrelago, na gu ngari dzimindru, va di khuga va bela khu giwulani gya Tekowa. Na va nga gu khuga, Josafati a di ema, khuye: Nyi yingiseni enu va na Judha ni enu mu vbahidego Jerusalema! Khodwani ga Pfhumu Nungungulu wanu, mu na bani mu tiyide; khodwani ga vaprofeti vaye, mu na dugelela.

Joba 31:13

Nya gu bani nyi ganedzide fanelo ya githumi gyangu nya mwama mwendro nya nyamayi, gikhati nyi nga ketsarana navo,

Joba 33:25

Khu kharato, tshonge yaye, yi na bwelela gambe yi mana makhalelo yaye nya wanana, a mana wumburi nga wudzahani gwaye.

Ekisodha 4:7

Pfhumu Nungungulu a di ganela, khuye: “Vega gambe mandza vbakhanatunu.” Uye gikhati a nga vegago gambe mandza vbakhanatunu, avbo a nga ma dusago a di ma wona gambe idzosaye ni tshonge nya givili gyaye gyatshavbo.

Mavingu 9:9

Laya muthu a gu ni guti, kholu a na engedzela guti ngudzu, hevbudza muthu nya gululame, kholu a na engedzela guti gwaye.

Levhi 13:58

Aholu tshalu, mwendro khindra, gilo gi lugidwego, mwendro gyombo nya gukhandwe khu lidowo, gi handzidwego gi mwalalega gibalavandza, gyombo gyogyo gi na handzwa gambe nya wuvili, khavbo avbo, gi na aga.

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Zakariya 14:8

Litshigu lolo, gukhugela Jerusalema gu na goga mati nya guvbanye, gipandre nya mati yoyo gi na goga gi ndrindrela phwani ga Khugadambo, gimbe gipandre gi ndrindrela phwani ga Muhwadambo; isoso si na girega khu nango nya maronga ni nango nya girame.

Luka 4:27

Va diromo gambe va nya sokono tigoni ga Israyeli matshiguni ya muprofeti Elizewu. Aholu mwalo a nga hawulugiswago vbavbandze ga Nahamani wa Siriya.” 2 Dzipf 5:1-14.

Luka 5:13

Jesu a di mu handzega mandza, na gukhuye: “Nyi ngu dzina, aga” Khavbo avbo, sokono yi di dzegela gu duga gwaye.

Johane 2:5

Mayi waye a di embela sithumi, khuye: “Girani satshavbo iso a na gu mi rumago.”

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Josuwa 6:4

Livbandre na vavili vaphasi nya mhamba va na thanga mbeli nya Ngasa nya Gidzumeledzwano, na va gu womba livbandre na mivili mipundru; khu litshigu nya livbandre na mavili, mu na dzundruluga lidhoropa livbandre na dzimbili dzinyondro, gumogo ni vaphasi nya mhamba na va gu womba mipundru.