2 Dzipfhumu 5:12 - Bhibhiliya Nya Guage

¹² Ina yi mwalo mitsongo nya yingi tigoni ga Dhamasiko, wa Abhana ni Faripari, nya yadi nya guvbindre yatshavbo mitsongo ya Israyeli, gani? Ina nyi di si dzi kodzi gu hamba momo nyi aga gwadi, gani? A di khuga a bwelela na gorogide.

2 Dzipfhumu 5:12 Iomraidhean Croise

2 Dzipfhumu 2:14

A dzega libhadzi la Eliya li nga mu thegelago, a veta khilo mati, a ganela, khuye: “U womo hayi Uwe Pfhumu Nungungulu wa Eliya?” Khavbo avbo, a di veta mati ma kabanega khu vbakari ma manega eno ni eno; Elizewu a vbindra khu vbakari.

2 Dzipfhumu 2:8

Khavbo avbo, Eliya a di dzega libhadzi laye a li peta a veta khilo mati, ayo ma di kabanega khu vbakari ma khala eno ni eno, va vavili va di tshatuga khu mawundru, mati na ma bangide.

2 Dzipfhumu 5:11

Aholu Nahamani a di swireka a khuga a hongola, na gu ganela, khuye: “Eni nyi di gu alakanya gukheni a na duga ata avbo gwangu, ata ema a lombelela ga Pfhumu Nungungulu waye, a nyi bavbula khu mandza yaye, a thuma sokono yangu.

2 Dzipfhumu 5:17

Nahamani a di ganela, khuye: “A gu bani nari kharalo, kha nga u bombago, dzumedzisa eni githumi gyago nyi ningwa mafu ya tigoni momu ma ninganago rwalo nya dziburu dzimbili; kholu gukhugela muhuno, githumi gyago, kha gi na ningela phaselo nya guvbiswe, ambari wumbe phaso ga vambe vanungungulu vbavbandze ga Pfhumu Nungungulu.”

Mavingu 14:17

Muthu nya gihafane a gu gira silo nya guhandruge, gasi muthu nya mapimo nya guwegele khwa gu nyenywa khu vathu.

Mavingu 16:32

Uye a hwelago gu goroga, a ngu vbindra ndrena, ni muthu a kodzago gutimisela a guvbindra uye a phangago lidhoropa.

Mavingu 19:11

Muthu nya mapimo kha vbiredzeli gu goroga, wuzundzo waye, khu gutsetselela sihoso.

Gizimba 4:8

Delu hi hongole hatshavbo Libhanoni, uwe ngadzangu, relela khu vbatshani nya gigomo gya Amana, khu tshokhatunu nya gikoli gya Seniri ni Herimoni, khu mavbalani nya dzinghala, ni sigomoni nya dziyingwe.

Jeremiya 49:23

Mayelano khu Dhamasiko. Hamati ni Aripadhi va thedwe dzitshoni, kholu va pwide magana nya guvivbe, myonyo yawe yi tade khu rerema, ya gu vila kha nga mavimbi ya linene, nyamba rudziswa khu muthu.

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Zakariya 14:8

Litshigu lolo, gukhugela Jerusalema gu na goga mati nya guvbanye, gipandre nya mati yoyo gi na goga gi ndrindrela phwani ga Khugadambo, gimbe gipandre gi ndrindrela phwani ga Muhwadambo; isoso si na girega khu nango nya maronga ni nango nya girame.

Marko 1:9

Khu matshigu yale, Jesu a di khuga Nazareta ga Galileya a gu hongola tsongoni wa Joridhani aya bhapatiswa khu Johane.