2 Dzipfhumu 5:10 - Bhibhiliya Nya Guage

¹⁰ Khavbo avbo, Elizewu, a di rumela mwango, aya mu embela, khuye: “Indra, u ya hamba livbandre na dzimbili dzinyondro tsongoni wa Joridhani, nyama yago yi na vbanya bwelo khavbo yi khalega.”

2 Dzipfhumu 5:10 Iomraidhean Croise

2 Dzipfhumu 2:21

Khavbo avbo, a di duga aya gifefetunu nya mati, aya gi thela munyu, a ganela, khuye: Pfhumu Nungungulu a ngu ganela kharati, khuye: Nyi thumide mati yaya, vbakari gwanu kha gu na manega gambe lufu ambari gumba bhindzula gilo.

2 Dzipfhumu 3:16

Uye a di ganela, khuye: “Pfhumu Nungungulu a ngu ganela, kharati: Kembani kovani momo milambo nya yingi!

2 Dzipfhumu 4:35

Khu hwane a di khuga a ema, a dzundrulugela nyumbani eno ni eno, a engedza gu lita ata dzi ladza vbatshani nya gyanana; khavbo avbo, gyanana gi di watshimula livbandre na dzimbili dzinyondro, gi tula maho gi wona.

2 Dzipfhumu 4:41

Aholu uye a di va embela, khuye: “Nyi reseleni wuguvbi! A di wu thela khalini, khuye: Thelani vathu va hodze! Gu diri mwalo gambe mhango khalini.”

2 Dzipfhumu 5:11

Aholu Nahamani a di swireka a khuga a hongola, na gu ganela, khuye: “Eni nyi di gu alakanya gukheni a na duga ata avbo gwangu, ata ema a lombelela ga Pfhumu Nungungulu waye, a nyi bavbula khu mandza yaye, a thuma sokono yangu.

2 Dzipfhumu 5:14

Khavbo avbo, a di relela aya dzi nega livbandre na dzimbili dzinyondro tsongoni wa Joridhani, kha nga guganela ga muthu wa Nungungulu; ni nyama yaye yi di vbindrugedza, yi khala kha nga nyama nya gyanana, uye a di hawulugiswa a aga.

2 Dzipfhumu 5:9

Khu guralo, Nahamani a dita ni dzikavalu dzaye, ni kareta yaye, ata ema nyangwani nya nyumba ya Elizewu.

Ekisodha 4:18

Mosi a di duga a bwelela ga Jetro, babe wa mwangadzi waye, aya mu embela, khuye: “Nyi dige nyi hongola, nyi bwelela ga vandriyangu va guromo tigoni ga Egipito, gasi gu ya wona mwendro va nga gu vbanya.” Jetro a di hakha, khuye: “Indra gwadi khu gurula.”

Levhi 13:58

Aholu tshalu, mwendro khindra, gilo gi lugidwego, mwendro gyombo nya gukhandwe khu lidowo, gi handzidwego gi mwalalega gibalavandza, gyombo gyogyo gi na handzwa gambe nya wuvili, khavbo avbo, gi na aga.

Levhi 14:16

Khavbo avbo, muphasi nya mhamba a na nega nyala yaye nya mandza ya nyamudye gwaye umo nya mafura ma guromo gyandzani gya nyambade a mitegedzela khu nyala livbandre na guvili mbeli ga Pfhumu Nungungulu.

Levhi 14:51

a na dzega simbo nya sedhari, ni hisopo, ni mwendra nya gufuvile ni ginyoni gi nga gu vbanyago a si nega satshavbo novbani nya ginyoni gi payidwego ni matini nya guage, a mitegedzela nyumba livbandre na guvili.

Levhi 14:7

Khavbo avbo, a na mitegedzela livbandre na dzimbili dzinyondro wule a agiswago madwali nya sokono, a tivisa gukhuye agide. Khu guhegisa a na tshula ginyoni nya guvbanye gi vbuvba.

Levhi 16:14

A na dzega novba wudugwana nya kuzi a mitegedzela khu nyala phuvbo ga Khugadambo nya gikhalo nya wuhindzi; khu nyala yaye, a na mitegedzela novba livbandre na guvili, mbeli nya gikhalo nya wuhindzi.

Levhi 16:19

Khu nyala yaye a na mitegedzela novba vbagiluvelotunu livbandre na guvili a gi kategisa ni gu gi handza gunyenyeza gwatshavbo gwa sanana sa Israyeli, gasi gu gi agisa.

Mitengo 19:19

Oyu a agidego, a na mitegedzela muthu yoyo nya gunyenyeze khu litshigu nya wuraru ni litshigu nya livbandre na mavili, a mu agisa; a na handza dzingandzu dzaye, bwelo khavbo a hamba givili gyaye, gupfolani nya lidambo a na bani na agide.

Mitengo 19:4

Muphasi nya mhamba Eleyazari, a na dzega novba wakone, a wu mitegedzela khu nyala yaye mbeli nya Tshatsha nya Tshangano, livbandre na dzimbili dzinyondro.

Johane 5:4

[kholu khu gikhati nya gukari ngilozi ya Nungungulu yi nga bani yi gu tshiga yita wunvudza mati muthu nya guphele gu bela lidhamuni a di hawuluga ni mevbini madwali a nga bani ari nawo.]

Johane 9:7

a gu gi embela, khuye: “Indra hamba lidhamuni ga Silowe” (gutshamusago pwani “Girumwa.”) Gikhumu gi di hongola giya hamba, gi wuya na gi gu wona.

1 Vakorinto 6:11

Vbakari gwanu vomo va nga bani vari ni mavbanyelo yoyo. Olu mu handzidwe, mu agiswa, mu gu girwa vathu nya gululame linani ga Pfhumu Jesu Kristo, khu tshivba nya Liphuvbo la Nungungulu wathu.

Josuwa 6:4

Livbandre na vavili vaphasi nya mhamba va na thanga mbeli nya Ngasa nya Gidzumeledzwano, na va gu womba livbandre na mivili mipundru; khu litshigu nya livbandre na mavili, mu na dzundruluga lidhoropa livbandre na dzimbili dzinyondro, gumogo ni vaphasi nya mhamba na va gu womba mipundru.