2 Dzipfhumu 4:3 - Bhibhiliya Nya Guage

³ Khavbo avbo, Elizewu a di mu embela, khuye: “Indra ga vaakelane vago vatshavbo uya lomba sifugo nya singi nya maphanga.

2 Dzipfhumu 4:3 Iomraidhean Croise

2 Dzipfhumu 3:16

Uye a di ganela, khuye: “Pfhumu Nungungulu a ngu ganela, kharati: Kembani kovani momo milambo nya yingi!

2 Dzipfhumu 4:2

Elizewu a di mu wudzisa, khuye: “Olu wa gu vbweta gukhuwe nyi gu phasa khu ginani? Nyi embele ginani u gu nagyo gaya gwago.” Uye a di mu embela, khuye: “Githumi gyago gi mwalo gilo nyumbani gwaye, gifugwana nya mafura basi.”

2 Dzipfhumu 4:4

Khavbo avbo, u na bela nyumbani uwe gumogo ni sanana sago, u sega lidimba, u guhula mafura musifugoni mule gwatshavbo, iso si talago vega phuvbo.”

Dzindzimo 81:10

Eni kheni Pfhumu Nungungulu wago, nyi nga gu dusago khu tigoni ga Egipito; tulani gwadi magana, nyi na mi hodzisa.

Dzindzimo 81:11

Aholu, vathu vangu kha va dzina gu nyipwa, Israyeli kha yeyedza gu khathala khu eni.

Johane 16:24

Gima mu si gu lombi gilo khu lina langu. Lombani, mu na ningwa, gasi gutsaka gwanu gu tadzisege.

Johane 2:7

Jesu a di va embela, khuye: “Tadzani misungwa yoyo khu mati.” Va di dzegela gu mi tadza khu lihofu.