2 Dzipfhumu 4:26 - Bhibhiliya Nya Guage

²⁶ Olu, khuga u mu khinga u mu wudzisa khuwe wa guta gwadi, gani? Mwama wago khwadi, gani? Mwanago nuye khwadi, gani?” Nyamayi a di hakha, khuye: “Hi ngari vadi.”

2 Dzipfhumu 4:26 Iomraidhean Croise

Genesi 29:6

Uye a di va wudzisa, khuye: “A ngari wadi uye, gani?” Avo va di hakha, khavo: “A ngari wadi. Nyamahegyane waye nya gupwani khu Rakeli khuye wule atago ni tshambi.”

Genesi 37:14

Israyeli a di mu embela, khuye: “Indra u ya wona vandriyago vomo kharini ni gu wona mitshambi, u nyi resela phindrulo.” A di mu rumela kharati gukhugela kovani wa Hebroni. Josefa a di phara ndzila a hongola Sikemi.

Genesi 43:27

Josefe a di va wudzisa guvbanya gwawe, a va embela, khuye: “Gu wani guvbanya ga babe wanu nya gikhosane mu nga nyi embelani limbe litshigu? A nga gu vbanya, gani?”

2 Samuweli 18:29

Mufumeli a di hakha, khuye: “ Lidzaha Abhisalamo li ngari ladi, gani?” Ayimahasi a di hakha, khuye: “Gikhati Jowabhi a nga nyi ruma, eni githumi gyago, nyi wonide pfilupfilu nya yikhongolo ngudzu, aholu kha nyi giti ginani gi nga bani gi girega, mufumeli.”

2 Dzipfhumu 4:23

Uye a di mu wudzisa, khuye: “Wa gu yela ginani iyo gwaye muhuno? Khandri litshigu nya Buzo nya gumege nya Ngima, gambe khandri Sabhadho.” Nyamayi a di hakha, khuye: “U nga garadzegi.”

2 Dzipfhumu 4:25

Nyamayi a di khuga a hongola ga muthu wa Nungungulu, gigomoni gya Karimelo; avbo muthu wa Nungungulu a nga mu wona na ngari hwindzo, a di embela githumi gyaye Geyazi, khuye: “Khu mu woni wule nyamayi nya Musunami.

2 Dzipfhumu 4:27

Avbo a nga vbohago gigomoni ga muthu wa Nungungulu a dita mu phara mawundru yaye. Geyazi a di hidzimela vbafuvbi gasi guta mu digisa, aholu muthu wa Nungungulu a di mu embela, khuye: “Mu dige, kholu hefemulo waye wu ngu garadzega, aholu Pfhumu Nungungulu a nyi sihede silo sesi, kha nyi tivisa gilo.”

2 Dzipfhumu 5:22

Geyazi a di hakha, khuye: “Gwadi! Mune wangu a nyi rumide, kholu: Va vbohide vapfhumba vatago khu gigomoni gya Efrayimi, nya madzaha mavili nya vapizane va vaprofeti; va ninge taleta mweyo nya parata ni dzingandzu dzimbili.”

Dzindzimo 39:9

Eni nya gu degula kha nyi tuli likana, kholu khuwe u giridego isoso.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Zakariya 2:4

yi ya yi embela, khiyo: “Tutuma u ya embela lidzaha lile, khuwe: Jerusalema gu na khala kha nga mitalala nyambana mabhiyo khu kotani nya talo nya vathu vaye ni sifuyo saye nya singi.

Mithumo 15:36

Khu hwane nya matshigwana, Pawulo a di embela Bharinabha khuye “Hongole hi bwelela hi gimbila hi holela vandriyathu madhoropani omu hi nga hevbudza mahungu ya Pfhumu, hi vati va ngu vbanya kharini.”

1 Samuweli 17:18

Dzega gambe likhumi sibaba sesi nya gugirwe khu mahwe uya ningela muthangeli nya masotshwa yawe. U vbweta guti vandriyago va ngu wuga kharini, u nyi resela gitiviso.

1 Samuweli 3:18

Khavbo avbo, Samuweli a di mu embeledzela satshavbo nyamba siha ni gimwegyo. Eli a di khuye: “Pfhumu Nungungulu a na gire iso a si wonago na siri sadi.”