2 Dzipfhumu 4:16 - Bhibhiliya Nya Guage

¹⁶ Elizewu a di mu embela, khuye: “Khu mwaga wutago khu gikhati nya nga egi, u na bani u wugarela gyanana.” Nyamayi a di hakha, khuye: “U nga ganeli kharato mune wangu, muthu wa Nungungulu, u nga lipheli githumi gyago.”

2 Dzipfhumu 4:16 Iomraidhean Croise

Genesi 17:21

Aholu gidzumeledzwano gyangu nyi na hunga ni Isaki a na velegwago khu Sara mwaga wutago, khu matshigu nya nga aya.”

Genesi 18:10

Moyo nya avo a di engedza, khuye: “Mwakani, nyi na wuya gambe ndrangani gwago, mwangadzi wago Sara a na bani nari ni gyanana.” Sara a di yingisela satshavbo, khu hwane nya lidimba nya tshatsha.

1 Dzipfhumu 17:18

Nyamayi a di embela Eliya, khuye: “Gasi mahungu muni nyi gu navo eni ni uwe, muthu wa Nungungulu? U dzude avba gasi guta nyi alakanyisa sighoho sangu ni gu songa gyanana gyangu, gani?”

1 Dzipfhumu 17:24

Khavbo avbo, nyamayi a di ganela ga Eliya, khuye: “Olu nyi ngu dziti gukheni uwe u muthu wa Nungungulu, ni gukhuye; khya lisine magana ya Pfhumu Nungungulu ma dugelago khu kanani gwago.”

1 Dzipfhumu 18:9

Aholu Obhadhiya a di hakha, khuye: “Gasi ginani nyi ghohidego eni, nya gukala u ningela githumi gyago mandzani ga Akabi gasi a nyi songe?

2 Dzipfhumu 2:19

Vathu nya gukari va dhoropani, va di embela Elizewu, khavo: “Makhalelo nya lidhoropa leli ma mburide, kha nga idzo uwe mune wangu u li wonago khidzo; aholu mati yakone khandri yadi ni mafu yakone gyumba.”

2 Dzipfhumu 4:15

Elizewu a di ganela, khuye: “Nga mu rana. Avbo a nga mu ranago, nyamayi a dita ema vbanyangwatunu.”

2 Dzipfhumu 4:17

Nyamayi a di khura mimba, a velega gyanana nya gikhwathana, khu gikhati gi nga ganedwago, kha nga guganela ga Elizewu.

2 Dzipfhumu 4:28

Khu guralo, nyamayi a di ganela, khuye: “Ina eni nyi di lombide gyanana ga mune wangu, gani? Ina kha nya nga ganedza gukheni u nga nyi pfhadzi, gani?”

Dzindzimo 116:11

Khu gu vbela tshivba nyi di kala nyi ganela, kheni: “Vathu vatshavbo kha va tumbegi.”

Luka 1:13

Aholu ngilozi yi di mu embela, khiyo: “Zakariya, u nga thavi, kholu nombelo wago wu yingisidwe. Mwangadzi wago, Elizabheta, a na velega gyanana nya gikhwathana u na gi thangisago lina la Johane.