2 Dzipfhumu 4:13 - Bhibhiliya Nya Guage

¹³ Kholu uye a di embede githumi gyaye Geyazi, khuye: “Ginani hi yelago gu gu girela gasi gu gu bonga khu giphaso u hi girelago khu gu hi hakha gwadi. Gyomo u gi vbwetago gukhuwe hi ya gu ganelela ga mufumeli gani mwendro ga muthangeli nya nyimbi, gani?” Nyamayi a di hakha, khuye: “Eni nya gu vbanya vbakari ga va na gyathu.”

2 Dzipfhumu 4:13 Iomraidhean Croise

Genesi 14:24

Eni nyi na eneledwa basi khu esi va hodzidego vathu vangu, ni gipandre gya vale va nga hengela ni eni, Aneri, Esikoli ni Mambre. Avo khu lisine va na ni fanelo nya guduse gipandre gyawe.

2 Samuweli 19:13

Embelani Amasa khenu gasi uwe khundri marambo yangu, ni nyama yangu, gani? Nungungulu a na nyi tsayise ngudzu, uwe wa gumba emiswa gu khala muthangeli nya nyimbi mbeli gwangu kala gupindruga, wulangani wa Jowabhi.”

1 Dzipfhumu 2:32

Khu kharalo, Pfhumu Nungungulu a na gira novba waye wu thega hungoni gwaye abune, kholu, songide vama vavili nya gululame guvbindra uye, a va songa khu litshari nyamba tidwa khu babe wangu Dhavhidhe, a gu Abhineri, mwamana wa Neri, muthangeli nya nyimbi ya Israyeli; ni Amasa, mwamana wa Jeteri, muthangeli nya nyimbi ya Judha.

2 Dzipfhumu 4:12

A di embela githumi gyaye Geyazi, khuye: “Nga nyi ranela Musunami yoyo.” Avbo a nga mu ranago, nyamayi a dita ema mbeli ga muprofeti.

2 Dzipfhumu 4:14

Khavbo avbo, Elizewu a di ganela, khuye: “Olu hi na gira ginani khuye; Nyamayi yoyu a mwalo gyanana narigu mwama waye gumbide.”

2 Dzipfhumu 8:1

Elizewu a di ganela ga nyamayi wule a nga mu wusela gyanana gyaye nya gufe, khuye: “Khuga uwe gumogo ni mwama wago, u ya luvela ga litigo u na gu li wonago, kholu Pfhumu Nungungulu, reside ndzala ga litigo leli, yi na gu vbedzago livbandre na mivili myaga.”

2 Dzipfhumu 9:5

Gikhati li bedego, vathangeli vatshavbo nya dzinyimbi va di khade vbale; a di ganela, khuye: “Muthangeli, nyi na ni lito nyi vbwetago gu gu embela.” Jewu a di hakha, khuye: “Ga mani wakone vbakari nya ethu?” Uye a di khuye: “Nya gu thula uwe muthangeli!”

Dzindzimo 37:3

Uwe tumba Pfhumu Nungungulu, gira nya sadi; u na vbaha tigoni u vbanya khu gukhadzisega.

Varoma 16:2

Mu hakheni gwadi khu lina la Pfhumu, nga edzi gu vbwetegago khidzo vbakari nya vakhodwa, mu phasedzeleni ga satshavbo a na si vbwetago, kholu uye nuye phasedzede nya vangi, ambari eni neni a nyi phasedzede.

Varoma 16:6

Losedzelani Mariya a thumidego ngudzu vbakari gwanu.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”

Vahebheru 6:10

Nungungulu khwadi, kha divaledwi khu thumo mu wu giridego enu, ni lihaladzo mu li yeyedzidego, ni giphaso mu giridego ni olu mu nga gu girago ga vandriyanu nya vakristo.