2 Dzipfhumu 3:4 - Bhibhiliya Nya Guage

⁴ Khavbo avbo, Mesa, mufumeli wa na Mowabhi, a diri mufuyi nya mitshambi, uye khu mwaga ni mwaga, a di gu livba gikhaba ga mufumeli wa Israyeli, khu lizana magumi mazana (100.000) dzinvuta, ni mawoya nya lizana magumi mazana (100.000) dzihamba.

2 Dzipfhumu 3:4 Iomraidhean Croise

Genesi 13:2

Abrama a di fumide ngudzu mitshambi, parata ni ndralama.

2 Samuweli 8:2

Pade gambe va na Mowabhi, a va ladzisa vbavbatshi, a va pima khu ngodzi, avo va nga bani va enedza dzingodzi dzimbili, a di va songa, avo va nga bani va enedza ngodzi mweyo basi, a di va diga va vbanya. Khu guralo, va na Mowabhi, va di khala sithumi ga Dhavhidhe, va henga khupo gwaye.

2 Samuweli 8:6

Dhavhidhe a di vega sikwata nya masotshwa nya gughadhe litigo la Dhamasiko; gasi Vaasiriya, va di khala sithumi ga Dhavhidhe, va mu livba khupo. Khu guralo, Pfhumu Nungungulu, a di ninga Dhavhidhe tshivba nya gupale gwatshavbo umo a nga bani na gu vbindra khumo.

1 Dzikoronika 18:2

A di pala gambe va na Mowabhi, va khala sithumi sa Dhavhidhe, va mu livba khupo.

2 Dzikoronika 26:10

Giride gambe madingo giwulani, a kemba milambo nya yingi; kholu a diri ni mitshambi nya yingi, mikovani ni vbavbandze a diri ni valimi, ni vathu nya vangi va nga bani va thuma marembweni nya miuvha, sigomoni ni mahangeni nya gunone; kholu a di gu tsakela wulimi.

Joba 1:3

A diri ni livbandre na mavili magumi mazana (7.000) nya dzinvuta, magumararu mazana (3.000) dzingameriya, livbandre mazana (500) mipatwa nya dzimombe, livbandre mazana (500) nya dziburu nya migadzi ni tengo nya wungi nya dzikhumbi. A diri muthu nya gufume ngudzu tigoni ga Khugadambo.

Joba 42:12

Khu guralo, Pfhumu Nungungulu, a di kategisa Joba a mu ninga thomba guvbindra iyo a nga bani nari nayo guhegulani; kholu a di manega nari ni likhumi na mana magumi mazana (14.000) dzinvuta, livbandre na limwedo magumi mazana (6.000) dzingameriya, likhumi mazana (1.000) mipatwa nya dzimombe ni likhumi mazana (1.000) dziburu.

Dzindzimo 60:8

Aholu litigo la Mowabhi, ginamelo gyangu nya guhambe khigyo; Nyi na rinya silato sangu tigoni ga Edhomi; nyi ghiya khu gu pala Vafilisitiya.