2 Dzipfhumu 3:3 - Bhibhiliya Nya Guage

³ Khu guralo, a di namarela ga sighoho sa Jerobhowamo mwamana wa Nebhati, a nga ghohisa Israyeli watshavbo; a si hambani naso.

2 Dzipfhumu 3:3 Iomraidhean Croise

1 Dzipfhumu 13:33

Ambari khu hwane nya guwone silo sesi, Jerobhowamo kha nga diga ndzila yaye nya guvivbe, uye a di hatha vbakari nya vathu nya vanyalidede a va gira vaphasi nya mhamba va malangani nya sigomo, a hatha uye a mu golago gu khala muphasi nya mhamba wa malangani nya sigomo.

1 Dzipfhumu 14:16

Israyeli a na ningedwa khu kotani nya sighoho si nga girwago khu Jerobhowamo, esi a nga gira a ghohisa khiso va na Israyeli.”

1 Dzipfhumu 14:9

aholu, uwe u di nyi girela guvivba guvbindra vatshavbo va gu hegudzidego guta mafuni momu, kholu u di dzi girela vambe vanungungulu ni sifananiso nya gunyiviligiswe, u nyi pfhurarela gasi u wusa likhulo langu.

1 Dzipfhumu 15:26

A di gira ugo guvivbidego mahoni ga Pfhumu Nungungulu, a landrela dzindzila nya sighoho si nga girwago khu babe waye, a nga ghohisa va na Israyeli vatshavbo.

1 Dzipfhumu 15:34

A di thuma mithumo nya guvivbe mahoni ga Pfhumu Nungungulu, a di gimbila khu ndzila nya sighoho sa Jerobhowamo, a nga ghohisa ni vana Israyeli vatshavbo.

1 Dzipfhumu 16:31

Kha nga kodwa basi khu gu gira sighoho si giridwego khu Jerobhowamo, mwamana wa Nebhati, gu diga isoso, a di dzegana ni Jezabheli, nyamahegyane wa Etibhahali, mufumeli wa Sidhoni, a diya khozela Bhahali, a khidzima mbeli gwaye.

2 Dzipfhumu 13:11

A di gira silo nya guvivbe mahoni ga Pfhumu Nungungulu; kha nga hambana ni sighoho sa Jerobhowamo, mwamana wa Nebhati, a nga gira a ghohisa va na Israyeli vatshavbo, aholu a di dzi ningela ga isoso.

2 Dzipfhumu 13:2

A di thuma mithumo nya guvivbe mahoni ga Pfhumu Nungungulu; kholu a di landra sighoho sa Jerobhowamo, mwamana wa Nebhati, a nga ghohisago Israyeli watshavbo; kha nga hambana naso.

2 Dzipfhumu 13:6

Ambari khu guralo, kha va nga hambana ni sighoho sa nyumbani ga Jerobhowamo, a nga gira a ghohisa Israyeli watshavbo, kholu va di dzi ningela ga isoso, ni gifananiso gya Asitaroti gi di tshala na gi emide Samariya.

2 Dzipfhumu 14:24

A di thuma mithumo nya guvivbe mahoni ga Pfhumu Nungungulu, gima kha nga hambana gilo ni sighoho sa Jerobhowamo, mwamana wa Nebhati, a nga gira a ghohisa va na Israyeli.

2 Dzipfhumu 15:18

A di thuma mithumo nya guvivbe mahoni ga Pfhumu Nungungulu; matshiguni yaye yatshavbo kha nga hambana gilo ni sighoho sa Jerobhowamo, mwamana wa Nebhati, a nga ghohisago khiso va na Israyeli.

2 Dzipfhumu 15:9

A di thuma mithumo nya guvivbe mahoni ga Pfhumu Nungungulu, kha nga idzo va nga girago vavelegi vaye; kha ndreya gilo ga sighoho sa Jerobhowamo, mwamana wa Nebhati, iso a nga ghohisago khiso Israyeli.

2 Dzipfhumu 17:21

Avbo Pfhumu Nungungulu a nga hambanisago va na Israyeli ni nyumba ya Dhavhidhe, avo va di emisa Jerobhowamo, mwamana wa Nebhati; Jerobhowamo a di ndreyisa va na Israyeli, va si landreli Pfhumu Nungungulu, a va ghohisa khu gu gira gighoho nya gikhongolo.

2 Dzipfhumu 17:22

Khu guralo, va na Israyeli va di gimbila khu ndzila nya sighoho satshavbo si nga bani si giridwe khu Jerobhowamo; gima kha va nga ndreya ga iso,

2 Dzipfhumu 17:23

kala Pfhumu Nungungulu a mu ndreyisa mbeli gwaye, kha nga idzo a ganedego khidzo khu magana ya sithumi saye, a gu vaprofeti vatshavbo; khu guralo, Israyeli a di duswa tigoni gwaye a vbagedwa a yiswa tigoni ga Asiriya, umo a vbahidego umo kala na muhuno.

2 Dzipfhumu 21:16

Gu diga nya esi, Manasi vbaladzide gambe novba nya wungi ngudzu nyambana nandru, kala a tadza Jerusalema gwatshavbo khuwo, gukhugela mahegiso kala mahegiso, vbavbandze nya gighoho gyaye a nga ghohisa khigyo va na Judha, giride silo nya guvivbe mahoni ga Pfhumu Nungungulu.

2 Dzipfhumu 23:15

Ambari ni giluvelo nigyo gi bani giri Bheteli ni wulanga nya gukhugege uwo wu nga girwago khu Jerobhowamo, mwamana wa Nebhati, uye a nga ghohisa vatshavbo va na Israyeli; gumogo ni giluvelo gyogyo, ni wulanga nya gukhugege si di khungumudwa, nyumba yakone a yi vbisa yi khala nguma, a vbisa gifananiso gya Asitaroti.