2 Dzipfhumu 3:25 - Bhibhiliya Nya Guage

²⁵ Va di khungumulela madhoropa; khavbo avbo, mwama ni mwama a di rinya giwindri marembweni nya dzimbewu, va futela milambo, va kokelela misimbo yatshavbo yi ningago mihandro, gu di tshala basi lidhoropa la Kiri-Hareseti; aholu avo va nga bani na va rinya siwindri, va di li randrela va li sasela, gu tshala basi siwindri.

2 Dzipfhumu 3:25 Iomraidhean Croise

Genesi 26:15

Milambo yatshavbo yi nga podwago khu sithumi sa babe waye Abrahama, matshigu a vbanyidego, yi di futedwa khu Vafilisitiya, va gu yi tadza khu mafu.

Genesi 26:18

Isaki a di ravba nyaluphye milambo yi nga podwago matshiguni ya babe waye Abrahama, eyi Vafilisitiya va nga yi futelago hwane nya gufe Abrahama. A di rana milambo yoyo khu malina a nga yi ranago khayo babe waye.

2 Samuweli 8:2

Pade gambe va na Mowabhi, a va ladzisa vbavbatshi, a va pima khu ngodzi, avo va nga bani va enedza dzingodzi dzimbili, a di va songa, avo va nga bani va enedza ngodzi mweyo basi, a di va diga va vbanya. Khu guralo, va na Mowabhi, va di khala sithumi ga Dhavhidhe, va henga khupo gwaye.

2 Dzipfhumu 3:19

Mu na saselani madhoropa yawe yatshavbo nya makhokhola, ni madhoropa yatshavbo nya tshivba, mu kokelela misimbo yatshavbo yi ningago mihandro, mu futela milambo yatshavbo nya mati, mu ghohetela khu siwindri marembwe yatshavbo nya yadi.”

2 Dzipfhumu 3:24

Avbo va nga vbohago lizumboni ga va na Israyeli, va na Israyeli va di khuga va dwana ni va na Mowabhi, va na Mowabhi va di tutuma mbeli ga va na Israyeli. Va na Israyeli va di bela tigoni gwawe va sasela va na Mowabhi.

2 Dzipfhumu 3:26

Avbo mufumeli wa Mowabhi a nga wona nya gukhuye a ngu padwa, a di dzega livbandre na mavili mazana (700) vama nya gu bani va somide matshari va duga va tutuma vaya ga mufumeli wa Edhomi, aholu avo va di tandrega.

2 Dzikoronika 32:4

Gu di tombana vathu nya vangi ngudzu va ta futela milambo yatshavbo ni sitsongwana si nga bani si goga vbakari nya litigo, na va gukhavo: “Gasi, vafumeli va Asiriya, va gu vboha avba va siti mana mati nya mangi.”

Isaya 15:1

Aya khu mahungu mayelano khu Mowabhi: Khu wutshigu wumowo basi, gu di pfhungumudwa lidhoropa la Ari wa Mowabhi; khu wutshigu wumowo basi, Kiri wa Mowabhi, di pfhungumudwa gu khala giwula.

Isaya 16:11

Khu guralo, mahembe yangu ma gu dzuma nga gitendre khu kotani ya Mowabhi, monyo wangu wa gu vbisega khu kotani ya Kiri-Heresi.

Isaya 16:7

Khu guralo, enu va na Mowabhi, lilelani litigo lanu; mu lilela ngudzu mihandro nya dziuvha dza Kiri-Hareseti.

Jeremiya 48:31

Khu guralo, nyi na lila khu litigo la Mowabhi, nyi na womba huwa khu kotani nya litigo latshavbo la Mowabhi, kholu vathu va Kiri-Heresi va na wombeledzela dzihuwa.

Jeremiya 48:36

Khu guralo, monyo wangu, wu na dzuma kha nga sengele khu kotani ya Mowabhi, wu na dzuma gambe kha nga misengele; khu kotani ya vathu va Kiri-Heresi, kholu thomba va nga bani va yi hengeledzede yi luzide.

Dhewuteronome 2:9

Khavbo avbo, Pfhumu Nungungulu a di nyi embela, khuye: U nga khuti va na Mowabhi, a gu situgulwana sa Loti ambari gu va dwanisa, kholu kheni nyi va ningidego gipandre gegi gya Ari gambe kha nyi na gu ninga ni gipandryana gimwegyo nya litigo lawe.

Valamuli 9:45

Litshigu lolo latshavbo, Abhimeleki a di sasela lidhoropa, a songa vathu vatshavbo va nga bani va gu vbanya umo. A khungumula lidhoropa a li vbaladzela munyu.