2 Dzipfhumu 3:19 - Bhibhiliya Nya Guage

¹⁹ Mu na saselani madhoropa yawe yatshavbo nya makhokhola, ni madhoropa yatshavbo nya tshivba, mu kokelela misimbo yatshavbo yi ningago mihandro, mu futela milambo yatshavbo nya mati, mu ghohetela khu siwindri marembwe yatshavbo nya yadi.”

2 Dzipfhumu 3:19 Iomraidhean Croise

Genesi 21:19

Nungungulu a di tula maho Agari, uye a di wona nambo. A diya tadza kanvu khu mati a ninga gyanana gi sela.

2 Dzipfhumu 13:17

A ganela, khuye: “Tula gihogo khu phuvbo ga Khugadambo.” Uye a di tula. Khavbo avbo, Elizewu a di khuye: “Khwandra u tshapwisa.” A di tshapwisa; a ganela, khuye: “Egi gighalala nya gupale ga Pfhumu Nungungulu ni gighalala nya gupale Vaasiriya; kholu u na sasela Vaasiriya tigoni ga Afeka kala u va mbembisa.”

2 Dzipfhumu 3:25

Va di khungumulela madhoropa; khavbo avbo, mwama ni mwama a di rinya giwindri marembweni nya dzimbewu, va futela milambo, va kokelela misimbo yatshavbo yi ningago mihandro, gu di tshala basi lidhoropa la Kiri-Hareseti; aholu avo va nga bani na va rinya siwindri, va di li randrela va li sasela, gu tshala basi siwindri.

Mitengo 24:17

Eni nyi ngu mu wona, aholu khandri olu, nyi na mu khedza, aholu nasiri khu vbafuvbi; gu na duga nyeledzi khavbo ga Jakobe ni ndronga nya wufumu khavbo ga Israyeli. Yi na khungumula mihungo ya va na Mowabhi, yi mbembisa sanana satshavbo sa Seti.

Valamuli 6:16

Pfhumu Nungungulu a di mu hakha, khuye: “Eni nyi na bani nyiri nago, u na pala va na Medhiyani vatshavbo nga khwatshi wa gu pala muthu moyo basi.”

1 Samuweli 15:3

Olu indra uya sasela Amaleki, u mu pfhungumulela muphelo ni satshavbo si mu lumbago nyamba mu tsetsa; khu guralo, u na songetela vanyamayi, ni sanana niso sa beleni, dzimombe ni dzinvuta, dzingameriya ni dziburu.”

1 Samuweli 23:2

Dhavhidhe a di wudzisa Pfhumu Nungungulu, khuye: “Nyi hongola nyi ya sasela Vafilisitiya, gani?” Pfhumu Nungungulu a di mu hakha, khuye: “Gimbila, kholu u na ya pala Vafilisitiya, u bwelo khavbo u tshudzisa Keyila.”