2 Dzipfhumu 3:17 - Bhibhiliya Nya Guage

¹⁷ Kholu Pfhumu Nungungulu a ngu ganela, khuye: Kha mu napwa phuvbo ambari gu wedwa khu ndzadzi; aholu kova yoyu wu na tala khu mati mu na selago enu, mitshambi yanu gumogo ni sifuyo sanu.

2 Dzipfhumu 3:17 Iomraidhean Croise

2 Dzipfhumu 3:16

Uye a di ganela, khuye: “Pfhumu Nungungulu a ngu ganela, kharati: Kembani kovani momo milambo nya yingi!

Dzindzimo 107:35

Giride giwula gi khala litsiva nya mati, ni mafu nya gubange a ma gira sibuga nya mati.

Dzindzimo 84:6

Va gu tsemakanya mikova yi bangidego, ya gu manega na yiri ni sibuga nya mati; ya gu kategiswa khu ndzadzi nya guphele.

Ekisodha 17:6

Eni nyi na gu thangela, nyi ya gu emela vbatshani nya giwindri gya Horebhi. Uwe u na veta giwindri, gu na duga mati va sela vathu.” Mosi a di gira kharato mbeli ga madhota ya na Israyeli.

Isaya 48:21

Gima kha va ngapwa lidora, avbo a nga bani a gu gimbila navo musiwulani, kholu a di va dusela mati khu mugiwindrini; a di pandra giwindri, gu goga mati.