2 Dzipfhumu 3:14 - Bhibhiliya Nya Guage

¹⁴ Elizewu a di ganela, khuye: “Nyi ngu sambanya khu Pfhumu Nungungulu nya Tshivba Yatshavbo, Uye nyi mu thumelago, kholu nari gupwani khandri olu nyi ningago githawo Josafati, mufumeli wa Judha, gima nyi si gu yingisi, ambari gu gu thela kota.

2 Dzipfhumu 3:14 Iomraidhean Croise

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

1 Dzipfhumu 18:15

Eliya a di hakha, khuye: “Nyi ngu sambanya khu Pfhumu Nungungulu nya Tshivba Yatshavbo, oyu nyi mu thumelago, kheni: Muhuno nyi na dzi yeyedza khovbeni gwaye.”

1 Dzipfhumu 21:20

Akabi a di hakha Eliya, khuye: “Ina, olu u nyi mane, uwe nala wangu, gani?” Eliya a di hakha, khuye: “Ina nyi gu mane gambe, kholu u dzi rengiside khu gu gira esi si vivbidego mahoni ga Pfhumu Nungungulu.

2 Dzipfhumu 5:16

Aholu uye a di mu hakha, khuye: “Nyi ngu sambanya khu Pfhumu Nungungulu a vbanyago, uye nyi mu thumelago, kheni kha nyi na hakha gilo.” A di mu gurumedza gukhuye a dzege, aholu uye a di bomba.

Dzindzimo 15:4

wule a nyenyago va nya guvivba, a rungudzago avo va ningago githawo Pfhumu Nungungulu; oyu a si bweleligo hwane ga gisambanyo gyaye; ambari na gu wona gukhuye gu na gira mhango.

Jeremiya 1:18

Wona nya gukhuwe gukhugela muhuno nyi na gu gira lidhoropa nya gutiye, kha nga lidingo nya dzisimbi, ni libhiyo nya sugu, gasi u vhikela litigo latshavbo, vafumeli va Judha, vathangeli vaye, vaphasi nya mhamba ni vathu vaye vatshavbo.

Matewu 22:16

Va di rumela vapizane vawe, gumogo ni va na Herodhi, gasi guya mu wudzisa, khavo: “Muhevbudzi, hi ngu dziti nya gukhethu u muthu nya lisine, ni gukhethu u ngu hevbudza ndzila ya Nungungulu kha nga idzo li lombago khidzo lisine; khu thavi muthu, kholu khu khedzi giemo nya muthu.