2 Dzipfhumu 3:13 - Bhibhiliya Nya Guage

¹³ Aholu muprofeti Elizewu, a di embela mufumeli wa Israyeli, khuye: “Gasi mahungu muni nyi gu nawo nago uwe, na? Indra ga vaprofeti vababe wago ni ga vaprofeti vamayi wago.” Aholu mufumeli wa Israyeli a di mu hakha, khuye: Ahihi, kholu Pfhumu Nungungulu, khuye a residego vafumeli vava va vararu gasi guta va ningela mandzani gwa va na Mowabhi.

2 Dzipfhumu 3:13 Iomraidhean Croise

1 Dzipfhumu 17:18

Nyamayi a di embela Eliya, khuye: “Gasi mahungu muni nyi gu navo eni ni uwe, muthu wa Nungungulu? U dzude avba gasi guta nyi alakanyisa sighoho sangu ni gu songa gyanana gyangu, gani?”

1 Dzipfhumu 18:19

Gasi olu, rumela guya ramba vatshavbo va na Israyeli, vaya tshangana gumogo ni vaprofeti gigomoni gya Karimelo gumogo gambe ni mazana mana ni livbandre magumi (450) vaprofeti Vabhahali, ni mazana mana (400) vaprofeti va Asitaroti, va hodzago vbamezatunu ga Jezabheli.”

1 Dzipfhumu 22:6

Khavbo avbo, mufumeli a di tombanisa Vaprofeti, va nga bani vari mazana mana (400) vama, a va wudzisa, khuye: “Nyi ngu yela gu hongola nyi ya dwanisa Ramoti-Gileyadhi, mwendro nyi nga hongoli, gani?” Avo va di hakha, khavo: “Indra! Kholu Pfhumu Nungungulu a na ningela lidhoropa mandzani ga mufumeli.”

2 Dzipfhumu 3:10

Khavbo avbo, mufumeli wa Israyeli a di ganela, khuye: “Mayi wangu! Pfhumu Nungungulu a di rana vafumeli vava nya vararu, gasi guta va ningela mandzani ga mufumeli wa Mowabhi.”

2 Dzipfhumu 3:12

Josafati, khuye: “Magana ya Pfhumu Nungungulu momo avbo gwaye.” Khavbo avbo, vafumeli va vararu va di relela ga Elizewu.

Mavingu 1:28

Khu guralo, mu na nyi rana, aholu kha nyi na mi hakha, mu na nyi vbweta, aholu kha mu na nyi mana.

Jeremiya 37:19

Olu vomo hayi vaprofeti vago va nga bani va gu profeta, khavo: Mufumeli wa Bhabhiloni kha nata mu sasela, ambari gu sasela litigo leli?

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Matewu 8:29

Avo va di gulumela, khavo: “Ginani hi nga gu ghohela, Mwamana wa Nungungulu? U tede guta hi tshanisela ginani, na gi si gu vbohi gikhati gyakone?”

Johane 2:4

Jesu a di hakha, khuye: “Nyamayi! Gasi ginani u gi vbwetago avbo gwangu? Gikhati Gyangu gi si gu vbohi.”

2 Vakorinto 5:16

Ethu olu kha hi nga gu pimisa gambe muthu khu mawonelo nya wuthu wa mafuni. Ambari olu gale hi nga pimisa kharato khu Kristo, olu kha hi pimisi gambe kharato khu uye.

2 Vakorinto 6:15

Gu mwalo gu hengela Kristo ni Sathane kha nga gambe gu gu mwalo ga oyu a khodwago ni oyu nyamba khodwa.

Valamuli 10:14

Lilani ga vanungungulu mu va hathidego; va na mi vbulugise ga litshigu nya sigaradzo sanu.”

Rute 1:15

Nowemi a di mu embela, khuye: “Wona gukhuwe dzegwa kwanu, bwelede tigoni gwawe ni ga vanungungulu vawe. Khu guralo, uwe nuwe bwelela kha nga dzegwa kwanu.”