2 Dzipfhumu 3:11 - Bhibhiliya Nya Guage

¹¹ Aholu Josafati a di mu wudzisa, khuye: “Mwalo avba muprofeti moyo wa Pfhumu Nungungulu gasi hi wudzisa ga Pfhumu khavbo gwaye, gani?” Moyo nya sithumi sa mufumeli wa Israyeli a di hakha, khuye: “Womo avba Elizewu, mwamana wa Safati, a nga bani na gu thela mati mandzani ga Eliya.”

2 Dzipfhumu 3:11 Iomraidhean Croise

Genesi 18:4

Nyi na rumela gu reswe mati madugwana mu ta hambani mawundru, mu hefemula mutsani nya simbo yoyu.

1 Dzipfhumu 19:21

Khu vbale, Elizewu, a di diga Eliya, a hongola aya dzega patwa nya dzimombe a songa. Khu mapulango nya kanga, a di khondrisa nilo a gu phula nyama, a ninga valongo vaye va hodza. Khu vbale, a di duga a hongola ni Eliya, a di khala a thuma kha nga muphasedzeli waye.

1 Dzipfhumu 22:7

Aholu, Josafati, a di wudzisa, khuye: “Gu mwalo gambe mumbe muprofeti wa Pfhumu Nungungulu avba gasi hi hongola hi ya wudzisa gambe gwaye, gani?”

2 Dzipfhumu 2:25

Khu vbale, uye a di gwela gigomoni gya Karimelo; aya khuga khavbo a wuya Samariya.

2 Dzipfhumu 3:10

Khavbo avbo, mufumeli wa Israyeli a di ganela, khuye: “Mayi wangu! Pfhumu Nungungulu a di rana vafumeli vava nya vararu, gasi guta va ningela mandzani ga mufumeli wa Mowabhi.”

2 Dzipfhumu 3:12

Josafati, khuye: “Magana ya Pfhumu Nungungulu momo avbo gwaye.” Khavbo avbo, vafumeli va vararu va di relela ga Elizewu.

2 Dzipfhumu 3:3

Khu guralo, a di namarela ga sighoho sa Jerobhowamo mwamana wa Nebhati, a nga ghohisa Israyeli watshavbo; a si hambani naso.

1 Dzikoronika 10:13

A di fisa kharato Sawule khu kotani nya gighoho a giridego ga Pfhumu Nungungulu, khu kotani nyamba landrisa magana ya Pfhumu Nungungulu, ni guya wudzisa ni gu lomba gu phaswa khu muloli nya dzisolo,

1 Dzikoronika 14:10

Khavbo avbo, Dhavhidhe a di wudzisa ga Nungungulu, khuye: “Ina nyi ngu dzi kodza guya dwana ni Vafilisitiya? U na va ningela mandzani gwangu, gani?” Pfhumu Nungungulu a di hakha, khuye: “Indra, kholu nyi na va ningela mandzani gwago.”

1 Dzikoronika 14:14

Dhavhidhe a di engedza a wudzisa Nungungulu; Nungungulu a mu embela, khuye: U nga va landri khu hwane, aholu va dzuwuluge uya mbeli gwawe, u naya va dhumela khu misimboni nya mimora.

1 Dzikoronika 15:13

Khu guralo, olu guhegulani mu ngamba manegani, Pfhumu Nungungulu wathu a hi vetide, kholu kha ha landrisa sileletelo a hi leletedego.”

2 Dzikoronika 18:6

Aholu Josafati a di khuye: “Ina avba mwalo muprofeti wa Pfhumu Nungungulu, gasi hi mu wudzise, gani?”

Dzindzimo 74:9

Olu kha hi woni gambe siliwugiso; gu mwalo gambe vaprofeti, kha hi dziti gukhethu kala lini.

Jeremiya 37:17

Khu hwane, mufumeli Zedhekiya, a di rumela guya mu dusa gasi guta mu wudzisa khu gisihaledza, nari khu nyumbani gwaye nya wufumu, a mu wudzisa, khuye: “U na ni mahungu ya Pfhumu Nungungulu, gani?” Jeremiya a di hakha, khuye: “Ina momo.” A mu embela gambe, khuye: “Uwe u na ningedwa mandzani ga mufumeli wa Bhabhiloni.”

Amosi 3:7

Khu lisine, Pfhumu Nungungulu, kha na gira gilo nyamba phela khu gu ninga giwoniso ga sithumi saye, a gu vaprofeti.

Vafilipi 2:22

Gasi Thimoti, enu mu ngu pima gutumbega gwaye: A dzi garadzide gumogo ni eni thumoni nya gutivise Mahungu nya Yadi, kha nga gyanana gi phasedzelago babe waye.

1 Thimoti 5:10

Gu vbwetega a tidwa nga nyamayi moyo a giridego mithumo nya gululame, a hevbudzidego gwadi sanana saye, a kodzago gu hakha sisiwana, a dzi vegidego vbavbatshi thumoni nya vakhodwa, a phasedzedego sisiwana sigaradzoni gwawe, a thumidego mithumo yatshavbo nya yadi.

Josuwa 1:1

Avbo a ngafago Mosi, githumi gya Pfhumu Nungungulu, Pfhumu Nungungulu a di ganela ga Josuwa, mwamana wa Nuni, githumi gya Mosi, khuye:

Josuwa 9:14

Va na Israyeli va di dzumela gu hakha dzisagwati dzawe, nyamba phela khu gu wudzisa Pfhumu Nungungulu.

Valamuli 20:18

Va na Israyeli va di khuga va gwela Bheteli, vaya wudzisa Nungungulu, khavo: “Khu mani wa vbakari gwathu, a na gu phelago khuye a gwela guya dwana ni va na Bhejami?” Pfhumu Nungungulu a di va embela, khuye: “Va na phele khu va na Judha.”

Valamuli 20:23

Va na Israyeli, va di gwela vaya lila mbeli ga Pfhumu Nungungulu kala ni silambo, va wudzisa Pfhumu, khavo: “Hi bwelela hi ya dwana ni vandriyathu va na Bhejami, gani?” Pfhumu Nungungulu a di va embela, khuye: “Indrani mu ya dwana navo.”