2 Dzipfhumu 24:7 - Bhibhiliya Nya Guage

⁷ Mufumeli wa Egipito, gima kha nga duga gambe ni masotshwa khu tigoni gwaye, kholu mufumeli wa Bhabhiloni, a di dzega satshavbo iso si nga bani si gu lumba mufumeli wa Egipito, gukhugela tsongo wa Egipito, kala tsongoni wa Ewufrate.

2 Dzipfhumu 24:7 Iomraidhean Croise

Genesi 15:18

Litshigu lolo la limwedo, Pfhumu Nungungulu a di gira pwanano ni Abrama, khuye: “Nyi ngu ninga litigo leli sanana sago, gukhugela Egipito kala tsongoni nya wukhongolo wa Ewufrate.

1 Dzipfhumu 4:21

Solomoni a diri ni tshivba ga mifumo yatshavbo, gukhugela tsongoni wa Ewufrate, kala tigoni ga Vafilisitiya, kala ni vbinganoni wa Egipito. Mifumo yeyi yi dita luva ga Solomoni ni gu mu thumela matshigu yatshavbo nya guvbanye gwawe.

Isaya 27:12

Khu litshigu lolo, Pfhumu Nungungulu a na vbula mavbila yaye gukhugela tsongoni wa Ewufrate, kala tsongoni wa Egipito; Gasi enu va na Israyeli, mu na roledwa khu moyo ni moyo.

Jeremiya 46:2

Khu mahungu ya Egipito, khu nyimbi ya Faro-Neko, mufumeli wa Egipito, a nga bani na khade bambe nya tsongo wa Ewufrate, dhoropani ga Karakemesi, avbo a nga palago Nabhukodhonosori, mufumeli wa Bhabhiloni, khu mwaga nya wu na nya gufume ga Jowakimi, mwamana wa Josiya, mufumeli wa Judha, khuye:

Jeremiya 46:6

Muthu nya mazambo kha kodzi guthava, ndrena niyo kha yi na vbuluga! Khu Wuronga nya tsongo wa Ewufrate, va di tshunganela va thega.

Ezekiyeli 30:21

Mwamana wa muthu, eni nyi fanyide libogo la Faro, mufumeli wa Egipito, wonani nya khenu kha hungeledwa, ambari gu theledzedwa rendre, mwendro gudzongeledzedwa mikeka, gasi gu li mana tshivba a kodza gu phara gambe litshari.

Ezekiyeli 30:22

Khu guralo, Mune Pfhumu Nungungulu, a ngu ganela kharati, khuye: Wonani nya gukhenu nyi ngu wugela Faro, mufumeli wa Egipito; nyi na mu fanya mawogo yaye ya mavili eli li gu ni tshivba, ambari lile li fanyegidego, nyi na thesa litshari li guromo mandzani gwaye.

Mitengo 34:5

Khu Azimoni, vbingano wu na dzundruluga wu thonona gitsongwanani gya Egipito, wu ya hegisela phwani.

Josuwa 15:4

wu vbindra khu Hezironi, wu gwela kala Adhari wu dzundrulugela Karaka; wu vbindra khu Azimoni, wu ya dugela gitsongwanani gya Egipito wu ya vbelela pwani; owu khuwo wu na gu bani wuri vbingano wanu, khu phuvbo ga Marandzi.