2 Dzipfhumu 24:3 - Bhibhiliya Nya Guage

³ Si giregide kamwe khu lisine, kha nga guleletela ga Pfhumu Nungungulu, esi si dugelede ga Judha a mu dusidego mbeli gwaye, khu kotani nya sighoho sa Manasi, gu khedza khu satshavbo a giridego;

2 Dzipfhumu 24:3 Iomraidhean Croise

Genesi 50:20

Enu khu lisine, mu nyi giredeni gikungo nya guvivbe; aholu Nungungulu a gi vbindrugedzide a gi gira nya gyadi gasi gu manega nya sadi, kha nga olu mu si wonago, gasi vathu nya vangi va kodze guvbanyiswa.

2 Dzipfhumu 17:18

Pfhumu Nungungulu a di gorogela va na Israyeli a va dusa mbeli gwaye; gimwalo gi tshadego vbavbandze basi ga nyumba ya Judha.

2 Dzipfhumu 17:20

Khu guralo, Pfhumu Nungungulu a di hambana ni livelego latshavbo la Israyeli, a va tshanisa, a va ningela mandzani ga vaphangi, kala a va dusa mbeli gwaye.

2 Dzipfhumu 17:23

kala Pfhumu Nungungulu a mu ndreyisa mbeli gwaye, kha nga idzo a ganedego khidzo khu magana ya sithumi saye, a gu vaprofeti vatshavbo; khu guralo, Israyeli a di duswa tigoni gwaye a vbagedwa a yiswa tigoni ga Asiriya, umo a vbahidego umo kala na muhuno.

2 Dzipfhumu 18:25

Ina eni nyi di gwela wulanga wowu nyamba embedwa khu Pfhumu Nungungulu guta nyi ta wu sasela, gani? Pfhumu Nungungulu a nyi embede, khuye: Gwela ga litigo leli u ya li sasela.”

2 Dzipfhumu 21:16

Gu diga nya esi, Manasi vbaladzide gambe novba nya wungi ngudzu nyambana nandru, kala a tadza Jerusalema gwatshavbo khuwo, gukhugela mahegiso kala mahegiso, vbavbandze nya gighoho gyaye a nga ghohisa khigyo va na Judha, giride silo nya guvivbe mahoni ga Pfhumu Nungungulu.

2 Dzipfhumu 24:20

Si giregide kharalo khu kotani nya likhulo la Pfhumu Nungungulu, a wugela Jerusalema ni Judha, gumogo ni gu va dusa mbeli gwaye; aholu Zedhekiya a di wugela mufumeli wa Bhabhiloni.

2 Dzikoronika 24:24

Ambari ulo masotshwa ya Siriya, ma ngatago na mari madugwana, Pfhumu Nungungulu a di ma ninga tshivba nya gupale masotshwa nya gutale ngudzu nya Vajudha, kholu avo va di digide Pfhumu Nungungulu wa vababe vawe. Khu guralo, Vaasiriya va di gira ga Jowasi gulamula gwa Nungungulu.

2 Dzikoronika 25:16

Na nga gu ganela muprofeti, mufumeli a di khuye: “Gasi va gu vegide gu khala moyo nya vasingalagadzi va mufumeli, gani? Degula! Wa gu vbweta gu songedwa ginani avba?” Khavbo avbo, muprofeti a di degula, aholu a di mu embela, khuye: “Nyi ngu dziti gukheni Nungungulu a dzi emisede gu gu mbembisa, kholu u giridego esi, u bwelo khavbo u si yingisi gulaya gwangu.”

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Isaya 45:7

Eni nyi ngu wumba wenengedzo ni gu gira gidema; nyi ngu tsakisa muthu, nyi bwelo khavbo nyi mu rumela sigaradzo; eni Pfhumu Nungungulu nyi ngu gira silo satshavbo sesi.”

Jeremiya 32:31

Kholu gukhugela litshigu li phedwego gu vbahwa lidhoropa leli kala na muhuno, va nyi goroside va wusa likhulo langu nya likhongolo, khu guralo, Eni nyi na li dusa mbeli gwangu.

Jeremiya 52:28

Owu khu tengo nya vama va yisidwego wugumbitunu khu Nabhukodhonosori khu mwaga nya livbandre na wuvili nya gufume gwaye, a gu owu: Magumararu mazana ni magumavili na vararu (3.023) vama va Judha.

Ezekiyeli 22:3

u va embela, khuwe: Pfhumu Nungungulu a ngu ganela kharati, khuye: Uwe lidhoropa u dzi girelago tsayiso wago wabune khu gu vbaladza novba vbakari gwago, ni gu dzi nyenyezisa khu gu dzi girela sifananiso u si khozela!

Ezekiyeli 24:6

Khu guralo, Mune Pfhumu Nungungulu, a ngu ganela kharati, khuye: “Libango ga lidhoropa li vbaladzago novba, libango ga khali yi tadego khu ndzilo, ndzilo yakone yi na gumba duga! Dusa khu khalini sitsuwu, gimwegyo khu gimwegyo, nyamba si hathela.

Amosi 3:6

Ina gu ngu wombwa pundru dhoropani, vathu va si ndrendremeli khu hwanga, gani? Ina gu ngu kodzega gu dugelela mhango dhoropani nyambata khiyo ga Pfhumu Nungungulu, gani?

Mikeya 2:10

Khugani mu hongole, kholu avba khandri wulanga nya guhefemule. Khu kotani nya wudambane wanu mu pfhungumulago khuwo, mu engedzela gu pfhungumula.

Dhewuteronome 28:63

Kha nga olu Pfhumu Nungungulu a tsakago khu gu mi kategisa, a mi andrisa, khidzo gambe kharato Pfhumu Nungungulu a na tsaka khu gu mi pfhungumula ni gu mi mbembisa; a nenu mu na duswa ga litigo mu yago ga ilo guya li fumela.

Dhewuteronome 29:28

Silo si sihadego sa gu lumba Pfhumu Nungungulu wathu, aholu iso nya guwonege sa gu lumba ethu gikhati gyatshavbo gumogo ni sanana sathu, gasi hi kodza gu landrisa magana yatshavbo nya Nayo yoyu.

Josuwa 23:15

Kha nga olu magana yatshavbo ya Pfhumu Nungungulu ma dzudego avbo gwanu, satshavbo nya sadi esi Pfhumu Nungungulu a mu tumbisidego, kharato gambe Pfhumu Nungungulu a na tiyisa vbatshani gwanu tsayiso watshavbo a mu embedego kala a mi sasela ga litigo leli nya ladi Pfhumu Nungungulu wanu a mi ningidego.