2 Dzipfhumu 24:12 - Bhibhiliya Nya Guage

¹² Khavbo avbo, Jowakimi, mufumeli wa Judha, a di duga dhoropani aya dzi ningela ga mufumeli wa Bhabhiloni; uye gumogo ni mayi waye, sithumi saye, dzindruna ni mithenwa yaye; mufumeli wa Bhabhiloni, a di va mola a va gira dzikhumbi; gu diri mwaga nya livbandre na miraru nya gufume gwaye.

2 Dzipfhumu 24:12 Iomraidhean Croise

2 Dzipfhumu 20:18

Ambari ni sanana sago nya livelego lago, si na dzegwa si ya girwa mithenwa nya guthumele nyumbani ga mufumeli wa Bhabhiloni.”

2 Dzipfhumu 24:11

Gikhati sithumi saye si nga bani si li randrede, Nabhukodhonosori, mufumeli wa Bhabhiloni a dita nuye dhoropani.

2 Dzipfhumu 25:27

Hwane nya esi, khu mwaga nya magumararu na livbandre na mivili nya gu khothedwe ga Jowakimi, mufumeli wa Judha, khu ngima nya likhumi na mivili, khu litshigu nya magumavili na livbandre na mavili, Evhili-Merodhaki, mufumeli wa Bhabhiloni, khu mwaga a nga phela khuwo gufuma; a di tshula Jowakimi a mu dusa khu pasoni.

2 Dzipfhumu 25:8

Khu litshigu nya livbandre na mavili nya ngima nya livbandre, wu diri mwaga nya likhumi na livbandre nya gufume ga Nabhukodhonosori, mufumeli wa Bhabhiloni; Nebhuzaradhani, muthangeli nya vawoneleli, githumi gya mufumeli wa Bhabhiloni, a dita Jerusalema,

2 Dzikoronika 36:10

Guvbelani nya mwaga yoyo, mufumeli Nabhukodhonosori a di rumela gu va mu mola va mu yisa Bhabhiloni, gumogo ni sombo nya singi nya sugu nya lisima sa Nyumbani ga Pfhumu Nungungulu; a vega ndriyaye Zedhekiya a khala mufumeli wa Judha ni Jerusalema.

Isaya 24:6

Khu kotani nya isoso, guvivba gu midzide mafu, ni avo va vbanyago umo, va mane nandru; vavbanyi va tigoni va na dagarela khu nilo, gu na tshala vathu vadugwana basi.

Jeremiya 13:18

Embela mufumeli ni pfhumugadzi, khuwe: “Dzi vbwasamiseni mu khala vbavbatshi, wumburi ni sihugu nya wudhumo wanu, si thegide khu mihungoni gwanu.”

Jeremiya 24:1

Pfhumu Nungungulu a di nyi yeyedza situndru sivili nya gutale khu dzindzawa na si vegidwe Nyumbani gwa Pfhumu Nungungulu, hwane nya gu Nabhukodhonosori, mufumeli wa Bhabhiloni, na vbagede Jekoniya, mwamana wa Jowakimi, mufumeli wa Judha, gumogo ni dzindruna dza Judha, ni vameseri, ni vabethi nya dzisimbi dza Jerusalema, a va yisa wugumbini Bhabhiloni.

Jeremiya 25:1

Khu mwaga nya wu na nya gufume ga Jowakimi, mwamana wa Josiya, mufumeli wa Judha, gu rumedwe magana yaya ga Jeremiya, mayelano khu vathu va Judha; a diri mwaga nya guphele gufuma ga Nabhukodhonosori, mufumeli wa Bhabhiloni.

Jeremiya 27:20

esi Nabhukodhonosori, mufumeli wa Bhabhiloni, a ngamba si dzega gikhati a nga vbagela Jekoniya, mwamana wa Jowakimi, mufumeli wa Judha, khu Jerusalema a mu yisa Bhabhiloni, gumogo ni vatshavbo vathu nya guthavisege va Jerusalema.

Jeremiya 36:30

Khu guralo, Pfhumu Nungungulu a ngu ganela kharati khu kotani ya Jowakimi, mufumeli wa Judha, khuye: Mwalo ni moyo nya gitugulwana gyago a na gu khalago vbagikhalotunu nya wufumu wa Dhavhidhe, sirumbi sawe si na dzudzugwa sivbya khu lihani vbamihanitunu ni gu banga khu girame vbawutshigutunu.

Jeremiya 37:1

Zedhekiya, mwamana wa Josiya, mufumeli wa Judha, a di emiswa gu khala mufumeli khu Nabhukodhonosori, mufumeli wa Bhabhiloni. A di fuma wulangani wa Koniya, mwamana wa Jowakimi.

Jeremiya 52:12

Khu litshigu nya likhumi, nya ngima nya livbandre, khu mwaga nya likhumi na livbandre na wu na nya gufume ga Nabhukodhonosori, mufumeli wa Bhabhiloni, Nebhuzaradhani, muthangeli nya vaemeledzi ni githumi gya mufumeli wa Bhabhiloni, a dita Jerusalema;

Jeremiya 52:28

Owu khu tengo nya vama va yisidwego wugumbitunu khu Nabhukodhonosori khu mwaga nya livbandre na wuvili nya gufume gwaye, a gu owu: Magumararu mazana ni magumavili na vararu (3.023) vama va Judha.

Jeremiya 52:31

Khu mwaga nya magumararu na livbandre na mivili nya gu vbagedwe ga Jowakimi, mufumeli wa Judha, khu litshigu nya magumavili na mavili nya ngima nya likhumi na wuvili, Evhili-Merodhaki, mufumeli wa Bhabhiloni, khu mwaga nya guhegule nya gufume gwaye, a di tsetselela Jowakimi, mufumeli wa Judha, a rumela gu a duswe khu pasoni.

Ezekiyeli 1:2

Khu litshigu nya livbandre nya ngima nya wu na, nya mwaga nya livbandre nya guvbagedwe ga mufumeli Jowakimi.

Ezekiyeli 17:12

Embela vathu vovo nya gu kanyise, khuwe. Ina kha mu yiti tshamuselo nya silo sesi, gani? Va embele, khuwe: Mufumeli wa Bhabhiloni dzude Jerusalema, ata mola mufumeli ni dzindruna dzaye, a va dzega a hongola navo Bhabhiloni.

Ezekiyeli 17:4

Li di dzega litamo leli nya tshoka ya vbatshani ngudzu, li li yisa tigoni la va nya wugwewo, li ya li yala dhoropani nya varengisi.

Ezekiyeli 19:1

Wombani huwa mu lilela vafumeli va Israyeli,

Ezekiyeli 19:13

Olu yi di yadwa giwulani, umo nya mafu nya lipfule ni gihala.

Dhewuteronome 28:36

Pfhumu Nungungulu a na gu dzega uwe gumogo ni mufumeli, u na mu emisago gu khala mufumeli wago, a gu yisa ga vathu u gu gima uwe ni vababe vago mu si gu vati; iyoyo u na ya khozela vambe vanungungulu nya guvatwe khu misimbo ni siwindri.