2 Dzipfhumu 23:5 - Bhibhiliya Nya Guage

⁵ A di fuvisa gambe vaphasi nya mhamba va nga bani va emisidwe khu vafumeli va Judha, gu khala vavbisi nya mabani malangani nya gukhugege, ni dzindrangani dza na Judha ni vbavbandze ga Jerusalema, gumogo ni avo va nga bani va vbisela libani Bhahali, lidambo ni ngima, ni simbe sivangwa ni sivangwa satshavbo sa ndzadzini.

2 Dzipfhumu 23:5 Iomraidhean Croise

2 Dzipfhumu 21:5

A di vbahela gambe siluvelo nya sivangwa satshavbo sa ndzadzini ni umo nya makupakupa ya mavili ya Pfhumu Nungungulu.

2 Dzikoronika 33:3

Kholu uye a di pheledza guvbaha malanga sigomoni, ayo ma nga bani ma khungumuledwe khu babe waye Ezekhiya; a emisa siluvelo sa Vabhahali, a gira madingo nya sifananiso, a khidzima mbeli nya mabutho yatshavbo ya ndzadzini.

2 Dzikoronika 34:4

Uye a di khungumulela siluvelo sa Vabhahali, a thesela sifananiso nya lidambo, si nga bani siri vbatshani gakone iso; sihuru ni sifananiso nya guvatwe niso nya gupfhudwe, a di si khungumulela si khala nguma, a si vbaladzela marowoni ga vale va nga bani va si khozela.

Joba 38:32

Mwendro gu kodza gu dusa siwoniso sa damboni gumogo ni dzinango dzaye mwendro gu gimbidzisa giwumbelo gya ndzadzini, ni sanana saye, gani?

Ezekiyeli 8:6

Uye a di nyi embela, khuye: “Mwamana wa muthu, u ngu si wona esi va girago, gani? Mithumo nya gunyenyeze ya na Israyeli, silo si na gu nyi dzegago si nyi yisa hwindzo ni Wulanga wangu nya Guage, gani? Aholu uwe u na wona silo nya gunyenyeze ngudzu guvbindra esi.”

Hoseya 10:5

Vathu va vbanyago Samariya va na thuswa khu githombe nya gimombyana gya Bheti-Avheni, kholu vathu vaye, va na lila khu kotani yaye, gumogo gambe ni tsawa waye nya vaphaseli nya sifananiso va nga bani va tsaka khu wudhumo waye, kholu thomba yawe yi dusidwego, vbakari gwawe.

Sofoniya 1:4

Nyi na thawuludza libogo langu nyi bayisa Judha ni vathu vatshavbo va vbanyago Jerusalema. Nyi na fuvisa ga wulanga wowu, esi si nga tshadego sa Bhahali, nungungulu nya malipha, ni malina ya vaphasi vaye nya mhamba ni vaphasedzeli vakone,