2 Dzipfhumu 23:4 - Bhibhiliya Nya Guage

⁴ Mufumeli a di rumela muphasi nya khongolo nya mhamba Hilikiya ni vaphasi nya vadugwana ni vasayisi va vbanyangwatunu, gasi va dusa khu Nyumbani gwa Pfhumu Nungungulu, satshavbo sikalango si nga bani si giredwe Bhahali ni gifananiso nya simbo nya guvatwe, ni libutho latshavbo la ndzadzini; aya si vbisa vbavbandze ga Jerusalema, mahangeni ya Kedhroni, nguma wakone a wu yisa Bheteli.

2 Dzipfhumu 23:4 Iomraidhean Croise

2 Samuweli 15:23

Litigo latshavbo li di womba dzihuwa li lila, ni vathu vatshavbo navo gumogo ni mufumeli; va tshatuga tsongo wa Kedhroni, va thonona khu ndzila ya giwulani.

1 Dzipfhumu 12:29

A di vega gimombyana gimwegyo Bheteli, gimbe aya gi vega Dhani.

1 Dzipfhumu 15:13

Ambari ni mayi waye Mahaka, a mu duside wulangani waye nya wupfhumugadzi, kholu a di giride gifananiso gya Asitaroti. Asa a di khungumula gifananiso gyaye nya gunyenyeze, aya gi vbisa bambe nya tsongo wa Kedhroni.

1 Dzipfhumu 16:31

Kha nga kodwa basi khu gu gira sighoho si giridwego khu Jerobhowamo, mwamana wa Nebhati, gu diga isoso, a di dzegana ni Jezabheli, nyamahegyane wa Etibhahali, mufumeli wa Sidhoni, a diya khozela Bhahali, a khidzima mbeli gwaye.

1 Dzipfhumu 18:19

Gasi olu, rumela guya ramba vatshavbo va na Israyeli, vaya tshangana gumogo ni vaprofeti gigomoni gya Karimelo gumogo gambe ni mazana mana ni livbandre magumi (450) vaprofeti Vabhahali, ni mazana mana (400) vaprofeti va Asitaroti, va hodzago vbamezatunu ga Jezabheli.”

1 Dzipfhumu 18:26

Va di dzega kuzi yoyo va nga ningwago, va yi pilela; va phela gu lombelela khu lina la Bhahali gukhugela ni dzimindru kala ni vbakari nya mihani, khavo: “Bhahali hi ninge phindrulo!” Aholu, kha va ngapwa ni lito, ambari muthu nya gu va ninge phindrulo. Va di hana ni gu ndraga ndraga va dzuwulugela giluvelo va nga bani va giride.

1 Dzipfhumu 18:40

Khavbo avbo, Eliya a di va embela, khuye: “Hungani vaprofeti vatshavbo Vabhahali, a nga tshali wa gu tshala!” Va di va mola Eliya a di relela navo gitsongwanani gya Khisoni, aya va songela iyoyo.

1 Dzipfhumu 19:18

Ambari khu kharato, nyi di tshiya livbandre na mavili magumi mazana (7000) vama nya guvbanye tigoni ga Israyeli, avo va ngamba khozela nungungulu Bhahali, ni sihofu sawe si ngamba mu bhejari.”

2 Dzipfhumu 10:26

va ya dusa madingo nya sithombe sa nyumbani ga Bhahali va si vbisa.

2 Dzipfhumu 12:10

Avbo gu nga wonwago gupwani ngasani dzomo dzitsapawu nya dzingi, mulovi wa mufumeli a di gwela gumogo ni muphasi nya khongolo nya mhamba, va ya sayela dzitsapawu dzatshavbo dzi nga bani dziri Nyumbani ga Pfhumu Nungungulu va dzi theledzela mudzisakuni.

2 Dzipfhumu 17:16

Va diga milayo yatshavbo ya Pfhumu Nungungulu wawe, va wumba sifananiso nya simombyana, va gira sifananiso nya simbo, va khidzimela sivangwa satshavbo sa ndzadzini, va khozela Bhahali.

2 Dzipfhumu 21:3

A di vbahedza malanga nya gukhugege, ayo ma nga bani ma khungumudwe khu babe waye Ezekhiya, a emisa siluvelo sa Bhahali, a gira gifananiso nya lidingo, nya nga igyo gi nga girwa khu Akabi, mufumeli wa Israyeli; a di khidzimela sivangwa satshavbo sa ndzadzini, a si khozela.

2 Dzipfhumu 21:5

A di vbahela gambe siluvelo nya sivangwa satshavbo sa ndzadzini ni umo nya makupakupa ya mavili ya Pfhumu Nungungulu.

2 Dzipfhumu 21:7

Emiside gambe gifananiso nya simbo gya Asitaroti, Nyumbani ga Pfhumu Nungungulu, a ganedego ga Dhavhidhe ni ga mwanaye Solomoni, khuye: “Nyumbani momu, ni dhoropani momu ga Jerusalema, nyi gu hathide vbakari nya mahundzu yatshavbo ya Israyeli, gukheni nyi na vega Lina langu kala gupindruga.

2 Dzipfhumu 22:4

“Indra ga muphasi nya khongolo nya mhamba Hilikiya, gasi a duse gyuma gyatshavbo gi residwego Nyumbani gwa Pfhumu Nungungulu, gi nga hengiswago ga vathu khu vasayisi nya myanya ya Nyumbani gwa Pfhumu Nungungulu.

2 Dzipfhumu 23:12

Mufumeli a di khungumula gambe siluvelo si nga bani na siri vbatshani nya nyumba ya Akazi, si nga girwago khu vafumeli va Judha, a khungumula gambe ni siluvelo si nga girwago khu Manasi, umo nya makupakupa ya mavili nya Nyumba ya Pfhumu Nungungulu, a di si khungumula, kudzudzwane wakone, a wu vbaladza gitsongwanani gya Kedhroni.

2 Dzipfhumu 23:15

Ambari ni giluvelo nigyo gi bani giri Bheteli ni wulanga nya gukhugege uwo wu nga girwago khu Jerobhowamo, mwamana wa Nebhati, uye a nga ghohisa vatshavbo va na Israyeli; gumogo ni giluvelo gyogyo, ni wulanga nya gukhugege si di khungumudwa, nyumba yakone a yi vbisa yi khala nguma, a vbisa gifananiso gya Asitaroti.

2 Dzipfhumu 25:18

Muthangeli wule nya vawoneleli, a di dzega gambe Seraya muphasi nya khongolo nya mhamba ni Sofoniya muphasi nya wuvili nya mhamba, ni va sayisi vararu va vbanyangwatunu nya Nyumba ya Nungungulu.

2 Dzikoronika 15:16

Mufumeli Asa, a di dusa mayi waye Mahaka, wulangani nya wupfhumugadzi, kholu uye nuye a di giride gifananiso gya Asitaroti, Asa a di mu khungumulela gifananiso gyaye, aya gi vbisa kovani wa Sedhroni.

2 Dzikoronika 33:3

Kholu uye a di pheledza guvbaha malanga sigomoni, ayo ma nga bani ma khungumuledwe khu babe waye Ezekhiya; a emisa siluvelo sa Vabhahali, a gira madingo nya sifananiso, a khidzima mbeli nya mabutho yatshavbo ya ndzadzini.

2 Dzikoronika 33:7

A di emisa gambe gifananiso gya nungungulu nya malipha a nga gi gira uye, Nyumbani ga Nungungulu, omu Nungungulu a nga bani a ganede ga Dhavhidhe ni ga mwanaye Solomoni, khuye: “Nyumbani momu, Jerusalema, nyi gu hathidego vbakari ga mahundzu yatshavbo ya na Israyeli, nyi na vega umo lina langu kala gupindruga.

Isaya 27:9

Khidzo kharato, nandru wa Jakobe wu na handzwa, owu a nga bani nari handro nya gutsetseledwe sighoho saye, si na dzi yeyedza khu gu va khungumulela siluvelo satshavbo, va pandrelela siwindri sakone si khala wuguvbi, va sigulela madingo ya nungungulu nya malipha Asitaroti ni sifananiso nya lidambo, si thega vbavbatshi.

Jeremiya 52:24

Muthangeli nya vaemeledzi, khu hwane nya isoso a di mola nuye Seraya, muphasi nya khongolo nya mhamba ni Sofoniya gyandza gyaye gumogo ni vasayisi vararu nya myanya.

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Ezekiyeli 8:6

Uye a di nyi embela, khuye: “Mwamana wa muthu, u ngu si wona esi va girago, gani? Mithumo nya gunyenyeze ya na Israyeli, silo si na gu nyi dzegago si nyi yisa hwindzo ni Wulanga wangu nya Guage, gani? Aholu uwe u na wona silo nya gunyenyeze ngudzu guvbindra esi.”

Hoseya 4:15

Uwe Israyeli, wa guvbweta gu gira wuphuphulu, u nga rwegi nandru va na Judha! Mu ngati Giligali, ambari gu gwelani muya Bheti-Avheni, na mu gu sambanya, khenu: Hi ngu sambanya khu Pfhumu Nungungulu a vbanyago.

Amosi 4:4

Indrani Bheteli, mu ya ghoha, bwelo khavbo mu wuya Ghiligali mu ya gu andrisa khu sighoho, resani miphaselo yanu nya dzimindrudzile, gugya ni gugya, resani miphaso yanu, guvbelani nya matshigu mararu ni mararu, resani gipandre gyanu nya likhumi.

Sofoniya 1:4

Nyi na thawuludza libogo langu nyi bayisa Judha ni vathu vatshavbo va vbanyago Jerusalema. Nyi na fuvisa ga wulanga wowu, esi si nga tshadego sa Bhahali, nungungulu nya malipha, ni malina ya vaphasi vaye nya mhamba ni vaphasedzeli vakone,

Matewu 26:3

Khavbo avbo, vakhongolo nya vaphasi nya mhamba ni madhota va di gira tshangano ndrangani ga Khayifasi, a nga bani ari uye khongolo nya vaphasi vatshavbo.

Matewu 27:1

Na gugide, vaphasi vatshavbo nya vakhongolo ni madhota va di gira tshangano nya guvbwete lipindru nya gusonge Jesu.

Johane 18:1

Na giride nombelo yoyu, Jesu a di duga ni vapizane a gu hongola khisikheyi nya gitsongwana gya Kedhroni, avbo li nga bani li romo lithembwe nya senge, umo a nga belago ni vapizane vaye.

Valamuli 2:13

Va digide Pfhumu Nungungulu, va khozela Bhahali ni sifananiso sa Asitaroti.