2 Dzipfhumu 23:2 - Bhibhiliya Nya Guage

² Mufumeli a di gwela Nyumbani ga Pfhumu Nungungulu, uye ni vathu vatshavbo va Judha, gumogo ni vavbanyi vatshavbo va Jerusalema, vaphasi nya mhamba, vaprofeti ni vathu vatshavbo, gukhugela avo nya vadugwane kala nya vakhongolo; gu hevbudwa na vapwa dzindzeveni gwawe magana yatshavbo nya Libhuku nya Gidzumeledzwano li nga tugudwago Nyumbani ga Pfhumu Nungungulu.

2 Dzipfhumu 23:2 Iomraidhean Croise

Genesi 19:11

Vathu va nga bani vari vbavbandze va di khala sikhumu, vakhongolo ni ava nya vadugwane, va si woni ndzila nya gu bele khiyo.

1 Dzipfhumu 8:9

Umo nya Ngasa nya Gidzumeledzwano gu diri mwalo gimbe gilo, vbavbandze nya siwindri sa sivili si nga vegwago umo khu Mosi, na vari gigomoni ga Horebhi, avbo Pfhumu Nungungulu a nga girago gidzumeledzwano ni sanana sa Israyeli, gikhatini va nga dugago khu tigoni ga Egipito.

2 Dzipfhumu 22:8

Khavbo avbo, Hilikiya, muphasi nya khongolo nya mhamba, a di embela mulovi Safani, khuye: “Nyi tugude Libhuku nya Nayo Nyumbani ga Pfhumu Nungungulu.” Hilikiya a di ningela Libhuku nya Nayo mandzani ga Safani; uye a di li hevbula.

2 Dzikoronika 15:13

Ni wevbini muthu wule a na gumba vbweta Pfhumu Nungungulu wa na Israyeli, fanede gu songwa; gani gyanana, mwendro khongolo, gani mwama mwendro nyamayi.

2 Dzikoronika 17:9

Va di phara Libhuku mandzani vaya hevbudza Nayo wa Pfhumu Nungungulu tigoni gwatshavbo ga Judha, va dzundrulugela madhoropa yatshavbo va hevbudza vathu.

Nehemiya 13:1

Khu litshigu lolo, gu di hevbuledwa vathu Libhuku nya Nayo wa Mosi; libhukuni momo gu di manega na gu lovidwe gupwani va na Amoni ni va na Mowabhi, va si beli gambe tshanganoni wa Nungungulu,

Nehemiya 9:3

Na va emide malangani gwawe, va hevbuledwa Libhuku nya Nayo wa Pfhumu Nungungulu wawe, gipandre nya wu na khu litshigu; gimbe gipandre nya wu na, va di dawulela sighoho sawe ni gu khozela Pfhumu Nungungulu wawe.

Joba 3:19

Va nya gusolega ni sitetema, vatshavbo vomo avbovbo, ni dzikhumbi nidzo dza gu mana gutshulega ga mune wawe.

Dzindzimo 115:13

A na kategisa avo va khodwago ga Pfhumu Nungungulu, avo nya vadugwane ni ava nya vakhongolo.

Jeremiya 34:8

Pfhumu Nungungulu a di bwelo khavbo a embela Jeremiya, hwane nya gu mufumeli Zedhekiya na giride gidzumeledzwano ni vathu vatshavbo va nga bani varomo Jerusalema, gasi gu huwelela gutshudziswa nya dzikhumbi, khuye:

Mithumo 26:22

Aholu, Nungungulu a nyi vhikede kala litshigu la muhuno, nyi emidego avba, mbeli gwanu, nyi ninga wufakazi wangu ga enu mwatshavbo nya vadugwane ni vakhongolo. Esi nyi ganelago khiso si nga tiviswa khu vaprofeti ni Mosi pwani si na dugelela,

Dhewuteronome 31:26

“Dzegani Libhuku leli nya Nayo, mu li vega khu wubambe nya Ngasa nya Gidzumeledzwano gya Pfhumu Nungungulu wanu, gasi li khala vbale kha nga fakazi yanu.

Gutuledwa 20:12

Nyi di wona va nya gufa, vakhongolo ni sanana, va na emide mbeli nya gikhalo nya wufumu. Ma di tudwa mabhuku. Li tudwa gambe libhuku nya womi. Vafi va di lamudwa nga idzo gu nga bani gu lovidwe khidzo mabhukuni, gupima khu mithumo yawe.

1 Samuweli 30:2

Va di dzegide vanyamayi va nga bani na vari umomo va va gira dzikhumbi; mwalo va nga mu songago, nya va dugwane mwendro nya vakhongolo; va di va dzega basi va hongola navo.

1 Samuweli 5:9

Hwane nya gu bani va yi vbohiside iyoyo, mandza ya Pfhumu Nungungulu, ma di wugela lidhoropa lile; gu di dugelela dzimhango nya dzikhongolo ngudzu dzi sasela vathu va dhoropani mule, gukhugela nya vadugwane kala vakhongolo, vatshavbo va di dwala khu sithunya.