2 Dzipfhumu 22:8 - Bhibhiliya Nya Guage

⁸ Khavbo avbo, Hilikiya, muphasi nya khongolo nya mhamba, a di embela mulovi Safani, khuye: “Nyi tugude Libhuku nya Nayo Nyumbani ga Pfhumu Nungungulu.” Hilikiya a di ningela Libhuku nya Nayo mandzani ga Safani; uye a di li hevbula.

2 Dzipfhumu 22:8 Iomraidhean Croise

2 Dzipfhumu 22:9

Khavbo avbo, mulovi Safani, a diya ga mufumeli aya mu embela, khuye: “Sithumi sago si hengiside gyuma gi nga bani giri nyumbani; giya ningedwa mandzani ga vaphari nya mithumo nya gu lulamedze Nyumba ya Pfhumu Nungungulu.”

2 Dzipfhumu 23:2

Mufumeli a di gwela Nyumbani ga Pfhumu Nungungulu, uye ni vathu vatshavbo va Judha, gumogo ni vavbanyi vatshavbo va Jerusalema, vaphasi nya mhamba, vaprofeti ni vathu vatshavbo, gukhugela avo nya vadugwane kala nya vakhongolo; gu hevbudwa na vapwa dzindzeveni gwawe magana yatshavbo nya Libhuku nya Gidzumeledzwano li nga tugudwago Nyumbani ga Pfhumu Nungungulu.

2 Dzipfhumu 23:24

Josiya, a di lundra gambe vanyadzisolo, va nya gufemba, sithungulu, sifananiso ni manyala yatshavbo ma nga bani na ma gu wonega tigoni ga Judha ni Jerusalema, gasi gu tiyisa magana nya Nayo, ma nga bani ma lovidwe umo nya Libhuku li nga tugudwago khu muphasi nya khongolo nya mhamba Hilikiya, Nyumbani ga Pfhumu Nungungulu.